شقة مفروشة في البحرين

بينى وبينج البحرين ما فيها اماكن وايد يعنى عندج المجمعات والمطاعم بس واماكنا معروفه الدانه العالى السيف هذول مجمعاتنا اى وعندج القهواى اذا تحبين هالسوالف بس ;) وحياج الله فى ديرتنا البحرين مقدما

بالنسبه للشقق عندك اليت سويت خمس نجوم

وموقعها ممتاز بين جيان ومجمع الدانه وقريب منه مطاعم.

حبوبه
هلا فيج بالبحرين
شوفي احسن شقق اسمها (اليت)وهي منتشره بالمنامه وراقيه ومحترمه
عندج المجمعات بمنطقه وحده بضاحية السيف(العالي الدانه السيف البحرين وقريب منهم شوي المارينا مول)
عندك المطاعم الحلوه
بجنب السيف في مطعم حلو بوفيه اسمه (سبايس)وفيه ركن للعائلات
مطاعم (الابراج) وهي منتشره بالبحرين وعائليه ودرجة 5 نجوم
مطعم (الشمس والرمال)بشارع المعارض وفيه اكل هندي وباكستاني
ومطعم ( يم يم تري)بنفس الشارع
الاسواق عندك سوق المنامه وهو سوق للمشي اي فيه محلات وتتمشين فيه وتتسوقين
سوق المحرق وهو مثل المنامه تقريبا والاثنين فيهم محلات الجلابيات والاقمشه والذهب وكل شي اذا كنتي تحبين الشراء من الماكن اللي من هالنوع
وتنتشر بالسوقين محلات الحلوى وانصحج لاتاخذين من حلويات شويطر ترا احنا البحرينيين خلاص شلناه على الرف لان فيه حلويات احلى منه اسمه(مروج المحرق)بسوق المحرق صدقيني انا سافرت مصر شهور وظلت عندي الحلوى ماتغيرت ابد لاطعمها ولا شكلها
يعني احلى من شويطر الف مره
هذا اللي يحضرني وترا البحرن صغنونه يعني 4 ايام تكفيج
انا طبعا ما جبت سيرة قهاوي ولا كوفي شوب لاني ما اروح هالاماكن والحمدلله
حياج اللله واي استفسار انا حاضره لج حبيبتي

مشكورين حبايبي والله
هذا العشم فيكم يا بنات حواء شكرا على كل التفاصيل اللي ذكرتوها

UP

Please add some more info