شقتي

السلام عليكم والرحمه
من بعد ماشفت مشاركاتكم وتعليقاتكم حبيت استشيركم او افضضفض لكم


مشكلتي هي انا صار لي سنتين من تزوجت ولله الحمد
ساكنه مع اهل زوجي فوقهم في شقه مستقله ولي باب خاص بس اقدر انزل لهم لانه هم في باب موصول بصاله بيتهم


مشكلتي اللي هي شقتي ..
انا زوجي دوامه يغيب شهر
من بدايه الزواج اول مامشى زوجي الدوام صار فيه مطر والشقه قامت تخر وتنقط مويه من السقف مثلا المطبخ اضطريت ابعد الثلاجه لانه صار ينقط عليها مويه
الصاله صار ينقط من جهه التكييف ومن الكهربا
غرفه النوم من جهه التكييف 😩 هذا وانا توي عروس كنت اصحى اقوم من السرير ادوس ع المويه
ثاني شي : الكهرباء ☹️ مدري هي فيها التماس ولا ايش
مره وحده تطفي وتولع تطفي وتولع يعني ماتثبت او مثلا اشغل لمبه الصاله تقوم تشتغل معاها لمبه الممر وتطفي وتولع ومنها صرت اخاف من الشقه اذا جيت انام ضروري اطفي لمبات الصاله 😹💔
ولما حاولنا نعدل الكهربا قالوا ضروري نكسر الجبس حق الصاله من اساس عشان يقدروا يصلحونها.. والواحد يخاف من الكهربا
ثالث شي المويه :
من اول ماسكنت المويه ضعيفه وبعدها ركب زوجي مضخه عشان تقوي المويه لنا
بس مافاد اوقات تنقطع المويه من عندنا اوقات تنقطع المويه الحاره بالمره ..لدرجه مره خذيت شور بارد والدنيا بارده
والحين عندي طفله فا اتأزم من هالمشاكل خصوصا اذا باخذ لها شاور ومافيه مويه حاره اضطر اسخن لها بالغلايه ومشوار ولا اذا وسخت وبنظف لها . واغلب هالمشاكل تصير اذا زوجي موب موجود . واصير متنقله بين بيت اهلي وبين شقتي ولو ظليت ببيت اهلي ماخذ راحتي مثل قبل يعني انا الحين عندي طفله وبجي بنام مع خواتي بنفس الغرفه وهم دوامات وحوسه الصباح واكون ي دوب توي منومه بنتي . وشقتي بعيده عن بيت اهلي .. اوقات افكر اكلم زوجي اننا نطلع منها ونشوف لنا اجار واوقات احمد ربي غيري موب لاقي سكن.. وغيرها من مشاكل بس مابي اذكرها


فشورو علي هل افتح موضوع الانتقال من الشقه لزوجي او اصبر ع الوضع💔☹️