شقتي التمليك واهل زوجي

اسوء شي انك تعاملين الناس معامله محترمه وتقدرينهم ويبدؤن يستغلوونك اليووم بغيت اتطلق انا وزوجي وارتفعت اصوواتنا لين بناتي قاموا يبكون حسبي الله عليه وعلى اهله
تخيلوا انا عندي شقه تمليك بمكه اخذتها بشقاي وتعبي وكرفي وقيمتها مو هينه دفعت نص المبلغ واخوي ساعدني بمبلغ جامد اسدده له اقساط وهو منعم ربي عليه فسددته قسطين وبعدها حلف معد اعطيه ريال وافرغت الشقه وكان يتطلب انه انزل من الرياض لمكه كم مره عشان الاجراءت وكذا وزوجي ماعلمته الابعد ماقررت ولمن قلتله طفشني ليش وماله داعي ومن ذا الكلام اللي يرفع الضغط اخرتها قال بكيفك فلوسك لو تبين احرقيها ومن اسلوبه ماكان راضي ولمن نزلت مكه كان متذمر ولاجاء معاي اخواني اللي يستقبلوني ويوقفون معاي لين ماتملكتها وعرضتها للاييجار والحمد الله تدخل علي مبالغ كويسه وتتأجر وادفع لصيانتها مبلغ وقدره ومحافضه عليها بس استلمني كل شهر يكلم المسؤل في العماره عن التأجير ويجيب ناس من طرفه فازع لهم ما ياخذ منهم فلوس والشقه شقتي ماله هو فيها شي وكل شوي يذكرني جاتك من ربي جاتك على طبق من ذهب اخوك شالها عنك والاكان باقي تسددين واهله ينزلون مكه وياخذونها بلاش الين جاء رمضان قالي اهلي بينزلون مكه ويبون الشقه قلت معليش رمضان موسم ومقدر تتأجر وضعف الايام العاديه وزعل وطنقر وطنشته جاء قالي اختي بمكه ومالقوا شقه اذا الشقه فاضيه يبوونها قلت ماهي فاضيه فيها ناس قال لاطلعوا قلت تتأجر على طول رمضان ماتفضى واليووم يرسلي المسؤل عن التأجير قالي الشقه في ناس يبونها العشر الاواخر ومبلغ حلو مره قلت تمام اتفق معاهم وعرف زوجي وانهبل قام يقولي انا واعد اهلي ننزل مكه وتعرفين الاجارات بالعشر الاواخر ونجنيت منه واخاصم وسبيت اهله من دون شعوور ماخليت كلمه انتم شحاتين انتم ماعندكم كرامه ابلشتني جننتني شقتي عينكم عليها من شريتهاوانت امي اخني اخوي واعطيهم اياها بلاش انا مو جمعيه خيريه ولالك حق فيها شقتي وعلى هذا اجاملك انت واهلك واقول يالله لكن توعد على حسابي واعدهم استأجر لهم مو توعد من حساب غيرك عاد هو قام يتفلسف على جزمتي انتي وشقتك بليها واشربي مويتها ومن ذا الكلام وانا عمري ماطريتها عنده الا لمن هو يجي يقول فلان نازل مكه فلانه بتروح عمره وانا عشان انها تجلس نظيغه ومرتبه ادفع كل شهر مبلغ عشان المستأجرين مو عشان الشحاتين اللي يجون بدون مايدفعون قلت مره نتجمل مره صدقه مره مساعده بس انعطيت وجه انت واهلك وكبرت بييننا مره ومن وقتها قافله على نفسي بغرفتي وتعبانه نفسيتي اصلا زفت اول يوم بالدوره وهو استفزني وكنت رايحه اكمل لبناتي لبس العيد ولاكملت تصايحنا وخلاص رجعنا البيت ومقهوره مرره هل انا صح وحطيت حد وبيفهم انه غلط والا بتكبر السالفه ورمضان ماودي ان اللي سار سار😥😥