شقتي مسكونة بسم الله

السلام عليكم ورحمة الله
شلونكم بنات ؟

اول شي سموا بالرحمن

بنات انا من سكنت الشقه في البناية وانا ملاحظة انها بناية مزعجة جداً
بس كنت ابرر ان ساكنين فيها عوايل واطفال ومافيها عوازل والصوت يسري بسهوله

بالبداية كنا نقعد انا وزوجي بغرفة النوم نسولف
وقت الليل
ونسمع طفل رضيع يبكي وصوته بالصاله
استغربنا
ولما نروح الصاله مافيه صوت
قلنا هذي اكيد الشقه اللي فوقنا عندهم ولد صغير
وتناسينا الموضوع
ومرات صوت تلفون يرن مثل رنة الايفون
مع ان تلفوناتنا عندنا

بعد فتره جينا نبي ننام
ونسمع صوت طاولة الطعام بالصاله كأن احد يدزها خفيف ويوقف الصوت
زوجي يسالني يقول سمعتي شي
اضحك معاه اقول اييي هذول اصدقائنا
وانا كالعاده اعتقدت صوت من برا واضحك وياه

غير زوجي ينام يحلم كوابيس
ولما ولدت ورحت نفاس بيت اهلي شهرين
يقول كرهت المكان وغرفة النوم من ادخلها تجيني ضيقه حتى صدري مكتوم ولا اقدر انام فيها

حتى اذا صحى من النوم مخمشه ايدينه او خده
ولا تقولون عنده اضافر مشمخ نفسه لا ابدا ماعنده

جبنا خدامه جديده وخلينا لها الغرفه اللي يم غرفتنا
بعدها قالت مابي انام
انا يسمع صوت
وراحت تنام بالمخزن اللي بالمطبخ

قلت مسكينه الظاهر هذا صوتنا ازعجها

مره جيت من العياده معاي اوراق السونار
حطيتها ع المغسله بالحمام
ورحت افتح الدش اشوف الماي
ولا الورقه ع المغسله تتحرك كان فيه تيار هوا
مع ان مافيه هوا والباب مسكر

غير نشم بالبيت ريحه كانها ريحة دجاج او قلي
قلنا هذا الشقق اللي فوقنا جتنا ريحتهم

مع ان ماهو وقت طبخ يكون بداية الفجر

شغلنا قرآن على قناة العفاسي
الصوت عالي شويه
ونسمعه يتقصر شوي شوي لين يصير واطي

مره قاعده الصبح بغرفه النوم
وفاتحه الدريشه اللي تطل ع الشارع
واحنا دور ثاني
وفيه بلكونه صغيره يمكن نص متر ولا لها سور حوالين البيت كله
واشوف ولد لابس ابيض مر من عند دريشتي اسسستغربت من وين جاي
واطلع راسي من الدريشه اطالع مافيه احد
رجعت السرير ولا اشوف الولد يمر مره ثانيه كانه راجع
واقوم اقفل الدريشه واسكر الستاره واتصل على زوجي قال عادي تلقين هذول اولاد ساكنين في البنايه

غير نسمع اغاني مده دقيقه ولا دقيقتين بنفس وقت الاذان لما يقول الله واكبررر

اخر موقف امس
زوجي بالصاله وانا بالغرفه
واسمع صوت خطواته جاي الغرفه
وادخل داخل الفراش واتلحف اسوي نفسي نايمه بشوف شنو بيسوي
نطرت دقيقه دقيقتين ثلاثه ماكو اي حركه
فتحت الفراش اطالع ماكو احد
قمت رحت الصاله قلت لزوجي انته كنت تمشي قال لا ماقمت انا كنت غافي شوي وانتي قومتيني

بديت اخاف والله
وربي يستر
مانقدر نغير البنايه لحاجتنا لموقع المكان قريب من كل شي نحتاجه

لما سألت عن البنايه
يقولون صاحبها بناها وقعد فتره طويله ماكمل بنيانها ولما كملها ماسكنها اجرها
واحنا خذيناها سنه وما سكناها بس حجزناها وندفع اجارها

مدري اتوقع هذا سبب

المفروض يصير هالشي لباقي الشقق اللي معانا بس محد منهم شكى
الظاهر بس احنا