يابعدعمري تسلمين ان شاء الله بتبع خطوتك مشكورة ياعسل 

السلام عليكم ورحمة الله وبركاته


ماشاء الله وش هالسنع

والشكر موصول لصاحبة الموضوع

اممم انا شقتي تقريبا نفسك لكني مرتاحه كثيير لاني مرتبه نفسي كل يوم حاجتين الا المطبخ له يوم لحاله كتنظيف عميق اما التنظيف اليومي كل يوم حاجتين
مثلا الصاله + غرفة النوم + دورة المياه
يالغاليه ترا لما تبدين تنظفين وتهتمين وترتبين راح تشوفين نفسك تلقائي ترتبين وتنظمين والقسم هنا جميل فيه حاجات جميله في التنظيم والترتيب
الله يوفقك وان شاء الله تنزلين موضوع عن التنظيم بعد شهر😊

حتى لو كنتي مو نشيطه
شقتك صغيره يمديك تنظفينها وتحافظين على ترتيبها بسهوله


المنظفات جهزيهم بعلب بخاخ ولا اشتري من الجاهز وريحي نفسك من الخلط والحوسه بكل مره تنظفين
انا معتمده ببخاخ كلوركس ومطهر وشوي ماي استخدمه بتنظيف الحمامات والمطبخ وجدا مريح
اما الفرن والزجاج والاثاث بالمنظفات الجاهزه من السوق


لاتضغطين نفسك بيوم تخلصين كل شيء كذا تتعبين وتملين من الشغل وماراح تخلصين
يوميا نظفي البيت من كنيس ومسح غبار وترتيب مابياخذ منك ساعه
وخصصي الساعه الثانيه لتنظيف عميق لركن او غرفه او حمام
مثلا عندك المطبخ نظفي دولاب او دولابين وقت تجهزين الغدا مابيتعبك ابد وبيظل مطبخك يلمع على طول
وبهالطريقه يخلص الاسبوع وبيتك نظيف ومرتب وماراح تحتاجين تسوين حملات تنظيف كل فتره
لان اساسا كل شيء نظيف


شوفي الوقت اللي يناسبك بالتنظيف بحيث مايكون وقت ارتباط او زوجك وعيالك موجودين كل شوي يقاطعونك
مثلا بعد صلاة الفجر وقت مناسب جدا وتظلين طول يومك رايقه لانك خلصتي شغلك من بدري
وجوالك ابعديه عنك لحد ماتخلصين ههههههه لان احيان تآخذك السوالف بالواتس او بعض البرنامج وتهملين شغلك


اهتمي بالريحه الحلوه والبخور والفواحات حتى تنبطسي بجو بيتك ونظافته
ومع الوقت ان شاءالله بتتعودين على هالروتين ويصير عندك وقت فراغ لامور ثانيه تستفيدين منها

يا حليلك شقتك صغيره وما تاخذ وقت في التنظيف

خلاص انا زايرتك بكره يعني جايتك ضيفه