استيقضت من النوم وتمغطت مغطتن عند الله خبرها
ولبست شبشبي الجميل ونطيت للمرايه
وتخرعت للحين لي امل اني اقوم من النوم القى خشتي سنعه
وطلعت اجر اذيال الخيبه وابتسي<<يرحم اميمتس لعد تبتسين غرقتينا هع:icon33:
نزلت اتزحلط على
درجنا
ووووووووووووووووووووووووووووو
قربع على خشيشتي
الا الدحمي تحتي كان قاعد تحت الدرج يوم جيت اعلن هبوطي قام
يامال الحكه
وطردي انا وياه
الدحمي: اتحداك تمسكيني ياعبدالناصر درويش
وينط فوق الجدار الا فوق الجدار قطوه صرخت صرختن وانحاشت
ياربي ليه انا شينه ليه القطاوه لماتشوفني تخرع وتنحاش لجدار الثاني
ليه شعري يابس مايتحرك
حلم عمري انه يتحرك
في مرتن من المراري
قالي عمي مناحي تعالي ياشقحه بحقق حلمتس
بخلي شعرتس يهفف بالهواء
واقوم انقز من الفرحه يوم ركبني السياره الا على خط الرياض قالي طلعي راستس
وهو يمشي 160
اربه يتحرك من قوة الهواء
لااااااااااااا
رجعت السياره ورى
من قوة الدفع
هع هع
ورجعت مرتن اخرا اجر اذيال الخيبه وراي وداسها الدحمي وطحت <<لايكثر الحتسي
ورحت عند اميمتي
اقولها يمه ليه انا جيكره ليه
ليه ماعرست للحين كل ماشافني معرس حط رجله
ليه انا اشبه ابوي
انتي ماشفتيه بالشوفه ماخفتي على مستقبل بناتس
ياقليلة الحيا تقولين عن ابوتس شين يالشيفه
شاتتني امي ذيك الشوته
التي حطمتني <<يادمي خخ
المووهيم تذكرت شي
رقم الخطابه ام كلفووخ
اخذته يوم ابوي نزل بالبقاله كان مكتوب عالجدار
ونقزت عند التلفون ودق وقلبي انواع الاستنزال والسامري
صورتها
وردت علي
هي:من معاي
شقحه:انا شقه بنت سويلم بنت اخو مناحي واخت دحيم
هي:تستهبلين معاي
شقحه:يرحم لي امتس ابي اعرس دوريلي واحد لو ان شاءالله هندي منتف عساه يقبل فيني
هي:خلاص انتي بس ارسليلي صوره
شقحه: والله من الوهقه
طيب خلاص برسلها لتس
واقوم واغطس وجهي بالطحين وكيلو من هالحمر والخضر
مافي فايده كاني عايشه المرطا متروعه
ياربيييييييييييه شسوي
وروح انقز اخذ صورة رفعه بنت عمتي صيته وارسلها لها
ومن يومها وانا مسنتره عند التلفون
ودق وقعدت اناقز عالكنب ونست الحرمه هع هع
واقوم ارد
الا هذي هي
ام كلفوخ
هلا ابشري بالمعرس الاطخم <<الا صدز شمعناها اسمع فيها ولا اعرف معناها خخ
نطيت لبلكونه بيتنا اطالع القمر واتخيل شكل فارس الاحلام
يارب يكون توم كروز ولا زي براد بيت
<<اقول البخي زين طالعي خشتس اول
جى اليوم الثاني وطيران عند اميمتي
اترجاها اروح الكوافيره
وهي رافضه واصايح واصارخ مافي فايده مارحمت دميعاتي
يرحم امتس ماقلنالتس لا تصايحين
خخ
ووجدت اخيرا مربط الفرس
وقلتلها
ياميمتي بتوديني ولا اعلم ابوي عيارتس يومتس صغيره
يوم تنخرش ورضت
وروح والبس عبايتي وطيران على الصالون
فصخت عبايتي
الا وتقولي الفلبينيه
روه روه ممنوأ يدكل رجال هنا
الترجمه (روحي روحي ممنوع دخول الرياجيل)
وقوم عليها بالشبشب هذاك البلاستك اللي يذبح
وشاتوني من الصالون
ورحت اللي جنبهم
وذا المره مافصخت بريقعي خخ
ورحت عندها
الا هالشاميه تقولي:اهلا يا امر شو بدك اامري ليك تؤبشيني
الا يوم يغمى علي ماني مصدزه
اول مره احدن يقولي قمر
ويومن صحوني وروح الا وحدتن شكلها عليميه
واجلس الا يوم تطلع الفازلين
قلت وراها لايكون شافت ركبي المشهبه ودها تدهنها قلت الفكس تقول جدتي احسن
خخ
وتاخذه وتلطخه على شعيراتي وتستشور حكته حك وانا اي اخ
قطعت شعيراتي تمط الشعره وتضرب بجبهتي وتمغط اذني
يوم خلصت قالت مدام ايس يبقى تسريهه
قلت الله يسمع منتس مادام
وابوس فيها
خخ
قلت ابي تسريحة رفع وانفخيها لي
يوم خلص
لااااااااااااااااااااا
وين النفخ شعري لازق بفروة راسي
قالت ماما شوي هزا ينتفخخ
قلت وشو شويا حاطه بكنج بودر فيه
وارجع البيت الا الدحمي قدامي طنازه فيني
واروح وافك شعري شعره شعره يوم وقف
بتزوج ماني متزوجه بتزوج ماني متزوجه
خخ
والفارس الملثم حقي بيجي الحين ياربي وش السوات
وش السوات ياشقوحي>>تسيفي ادلع عمري
قلت خل ادق على حصيصه
بنت خالتي مزنه تعدلني
يومن ادق مالقيتها
تحطمت امنياتي
قلت هي خاربه خاربه خلني اطلع يمكن يرحم خشتي اللي كنها ركب ماجد عبدالله يوم كان صغير
وجى الفارس الملثم
الا الصدمه يطلع مو سعودي مصري
شافني االله يالهووووووووووووووووووووووووي االه ايه قايبين شعبولا هنا عايزيني اتقوزوا
واقوم افصخ نعيلاتي وتلمخ فيه ودحيم ماقصر لين ماطلعناه مكسر
وروح ابتسي وابتسي وابتسي:icon33:
ودعي ربي ياربي زوجني اي واحد لو بنقالي يغسل سيارات
الا يوم جى اليوم الثاني وامي سفحت لي تقولي جى الاطخم واخيراااااااااا
وروح اناقز واحبحب اميمتي
وهالمره يوم دخلت انا اللي تروعت
بس قلت اهجدي يامره موب حاصلتس غيره
واخيرا اعرست
7
7
7
عاااااااااااااااشو وعلى قلبو وتنكس
واسبح وانطح ورى سررررررررررى
وهذي صورته
مايستفاد من القصه
1-اهمية شرب الحليب قبل النوم وحب الوطن
2-لاتروش الساعه 2 الفجر يمكن تقوم امك تسنن
3-محاربة البنقاليه
4-لاتسرع فالماء نعمه
خخخ
وتحياتي وسوري طولتها بص حبيت افضفض
هع
ياويل اللي تدخل وماترد خخ
توافقين ونسوي عصابةهههههههههههههههههه