نزولا عند رغبات الكثير من الاعضاء والزائرين لبروفايلي احب اعرض لكم صورا من شقتي المتواضعه املا ان تحوز على رضـــاكم
مـــاشـــاء الله لا اله الا الله
ماابي اطول عليكم وانتوا واقفين قدام باب الشقه يالله حياكم تفضلوا :
طبعا الشقه تتكون من اربع غرف وصاله وبعد التعديلات صارت ثلاث غرف وصاله اكيد بتقولون وين راحت الغرفه الرابعه تم دمجها مع ا لغرفه الاخرى وازاله الجدار بينهم وهذا كان اقتراح موفق من احد الاصدقاء
حياكم اقلطوا
هذا اول ماتدخلون بتواجهكم الصاله الصغنونه IMG
طبعا عشان يمكن احد يسأل وانا متوقع هالشي ممكن احد يقول التحف عندك كثيره طبعا انا كنت في فيلا صغنونه ولكن لظروف زواج ابن صاحبها قال لايمكن التجديد معك ودائما اذا سكنت في شي اجار ودلعته لاتعزم صاحب الفيلا بعضهم يخليك لين تسويها بعدين يقول ولدي بيتزوج .
اول ماتدخلون على اليمين بتشوفون غرفه الجلوس او المقلط حسب المتعارف عليه
طبعا الان انقلكم الى جلستي المفضله بعد دمج الغرفتين واكرر شكري مره اخرى لصديقي العزيز
اكثر هالقطع من ايكيا ومن اديموس
هالاضاء غير في هالجلسه منزلها على شكل اغصان شجره من السقف بس فيها عيب اذا خربت اللمبات الصغيره لازم تفك وغثى طويل
طبعا وضع التحف في داخل الجدار حركه حلوه بس من تجربه ماتنفع الا عند تأسيس الشقه لاني توقعت هالحركه سهله ولكن اكتشفت انها تبي لها متخصص ومكلفه في نفس الوقت
انصح وبشده ان التلفزيون يكون معلق في الجدار والصوتيات نظام مسرح منزلي افضل
طبعا بعد ذلك ندخل الى غرفه النوم واحسن مافي هالشقه ان غرفه كبيره بس طبعا كل شي بمقابل بحكم ان الايجار غالي فوق المتوقع
اول ماندخل بتكون امامك التسريحه
