حبيبتى ,,,,,,,,,,,, دوم بوخت دوم بوخت دوم بوخت


لا تتعدينه والله روووعه خصوصا دجاج مكنى اطلبيه شي خطير اطلبيه فلفل مره

بس لا تاخذين عيالك معك والله يتعقدون مثلى خذتهم ومعنا وجلسوا يطالعون فينا بس

ولما خلصنا طلعناهم لهمبرقر ( وش نسوي لهم بعد )

زعفران نفس دوم بوخت بس ان جلساتهم اقل مستوى شوي بس افضل شي فيه انه مافى زحمه

رايق يعنى ................... وبعد وبعد

الريف اللبنانى برضه نظيف بس ززززحمه ( مع اننا نحجز مسبقا ) واكلهم حلو

فى المطعم المكسيسكى قدام زعفران على طول ............ فى نوع مكرونه رررهيب نسيته والله

ورايقه جلساتهم جدا جدا ولذيذه مقبلاتهم بعد اكثر من روعه والله

والعجمى حليو اكلات خفيفه افضله فقط

وفى البرازيلي رحنا له انا وزوجى بس هذاك اذا تبين تتفرجين لكن اكلهم عادى صراحه

ومطعم الفورسيزون اللى فى المملكه رايق ونظيف صراحه

فى الفيصليه فوووووووووووق ( البلوره او اللوبي ) بعد رايق بس خفت على زوجى صراحه

من هالبنات اللى فيه

الريف الايطالى بعد جنب اللبنانى فى التحليه تراه بعد حلو اذا تحبين المكرونات

فى واحد يابانى يروح له حماى وزوجته بس الحمدلله على نعمه العقل ( اقولهم وش تبون به حتى جلستهم على الارض )

مندى صار ماعاد هوب صينى !!!

اذا حريصه عليه بسالهم على مكانه

هذا اللى اروح لهم صراحه ومدرى عن غيرهم اتمنى تكونى استفدتى

وان شاء الله تستمتعون فى رحلتكم هذى امين

ترى لالنسبه للشقق والله ماعرف وانا ترى انصحك فى الفنادق انظف وافضل لك

شاليمار...الله يعطيك العافيه ما قصرتي واشوى اني ما احب الاكل الايطالي ولا الستيك وانا افضل البحري وخاصة الجمبري والكل يمدح الريف اللبناني بس للاسف ما احب الاكل اللبناني حيل بس المقبلات حلوه ولو دخلته كلت مقبلات وشبعت وطلعت الا ما فيه سفري؟؟؟ ،و باسألك من ناحيه الاكل اي افضل في الصيني القصر الذهبي والا الخليج ؟؟ لان الخليج عندنا بالشرقيه ومليت منه بس الصراحه اكلهم مستواه راقي ومضبووووووووط ، الا وين الاصفهاني الايراني بالضبط وابي رقم الريف اللبناني على الخاص لو نبي نحجز فيه ...تسلمين ونخدمك بالافراح يا عيوني

:26:

هلا تسنيم....صراحه كفيتي ووفيتي يا مال العافيه ، وعلى فكره البلوره ما راح ادخله نهائيا وبرايك وش احسن المحلات في الفيصليه واحسن الادوار فيه واي ارقى الفيصليه والا المملكه وكل واحد منهم وين موقعه بالضبط.........وبالنسبه للفنادق افضلهم برا السعوديه بس داخل السعوديه افضل الشقق علشان الواحد ما راح يقعد بس وقت النوم صح كلامي؟؟؟
لا يأختي وش ابي بجلسات الارض ابي مطعم ارتز على الكرسي واكل من على الطاوله كخخخخخخخ، واذا ما عليك كلافه ترسلين لي رقم الريف اللبناني لو نبي نحجز فيه للضروره
ومشكوووووووره على الدعوه الحلوه وفعلا ما قصرتي يا عيوني:26:

فيه مطعم صيني مرة حلو اسمه تعال الصيني بجنب مكتبة الملك فهد وراقي كثير وهاديء حق ناس رومانسيين
وكمان سرايا التركي في العليا حلو بس زحمة
والبنات ماقصروا معك
واجازة سعيدة:24: :26:

اختي ام رينو ارسلت لك الرقم ,وبالنسبة لأصفهان الايراني مكانه في طريق الامير عبد الله.

الام الحنونه اشكرك جزيل الشكر وابي أسألك عن موقع مكتبة الملك فهد وين بالضبط لأني ابي في الاخر اكتب اسماء جميع المطاعم في دفتر خاص واكتب قدام كل مطعم موقعه ونوعية اكلهم واشكرك مره ثانيه ...:26:

شاليمار والله ما قصرتي والرياض منوره بكم ياأهلها وترى وصلتني الرساله بس راجعيها الله يعافيكواذكريلي ايهم رقم الريف اللبناني لانك كاتبه قدامهم كلهم الريف الايطالي لايحجز زوجي عندهم ونتوهق بعدين نرز وجيهنا و(يألّعنا) هالريف اللبناني واذا درعمنا داخل المطعم واثقين اننا حاجزين قالولنا (لوين) رايحين؟؟؟اللي بين الاقواس با للهجه لبنانيه كخخخخخخخخخخ:26: اشكرك عزيزتي ......وآسفه على الكلافه:26: