الله يربط على قلبك ويصبرك
والطلاق مو نهايه الدنيا شي مانبيه بس للاسف مو بيدنا
وان كان ظالمك ربي بياخذ حقك منه لاتخافين

فديتكم الله يفرج همكم والله يسعدكم وحده وحده..والله حالتي صعبة..ما يعلم بها الا الله...
وسبحان الله كنت ادعي الله اني ماروح المحكمة..والله استجاب دعائي والقاضي اكتفى بروحة والدي..

المشكلة مافي مشكلة ..زوجي رمى علي الطلاق بعد ما تعشى وملا الكرشة بدون اي سبب..يستهال اني اطلق..
حسبي الله ونعم الوكيل..

المشكلة ان هذا زواجي الثاني ..يعني انا مطلقة للمرة الثانية ..:(
والله ان نفسي ما همتني واللي كاسر خاطري امي...
تصيح وحزينه وما حسينا بفرحة رمضان...الله يحرق قلبه مثل ما حرق قلب امي علي..أمي طول الوقت تتخيله وتتحلم فيه من زود ما تحبه والله ومن زود الصدمة..عزلت نفسها عن الناس ..ومب راضية ترد على تلفونات صديقاتها ولا تستقبل اي احد..
اللهم اجرني في مصيبتي واخلف لي خيرا منها ...
والله الطلاق بدون سبب ..ولما اهلي اسالوه قال البنت مافيها شي ..ومافي سبب للطلاق..
انا بعد زواجي الاول ..قررت عدم الزواج من الظلم اللي شفته..وزوجي لو تعرفون شو سوا بس علشان اوافق عليه سنتين وهو يركض وراي ..وين ماروح اشوفه جدامي ..وصبرت عليه صبر اليهد..لا بيت ولا مصروف عايشة عند اهلي بحكم دوامه وسفرياته وتحملت سفراته وروحاته ويياته..وللامانه هو انسان طيب وحبوب ..بس مادري شو غيره..
رحت لمشايخ اكدوا لي ان سحر الله لايبارك فيهم ما يخافون رب العالمين ..وعين قوية ...والله احاول احط الرقية الشرعيه ومب قادرة اكملها ..وبصعوبة اخلص البقرة...
أحس ان زوجي باعني وما يستاهلني ..احسه دمر حياتي تدرون يابنات مو سهله ان الوحده تطلق مرتين وانا عندي خوات بنات..لكن ربي فوق ..ان كان فعلا عمل مسواي لنا ..الله يهديه..وان كان وحده لاعبه بمخه ..الله لا يسامحه وعساه يتمنى العلاج وما يلاقيه..وعساه يشوف اللي سواه فيني في اعز الناس يارب ..
لاني انا ماسويت شي ضره ..وصبرت صبر ..ما استاهل منه هالجزا...

فديتج يالغلا كلامج وايد ريحني والله غصب عني ..ماقدر احط اللقمة في فمي...بس الحمدلله حالي اهون من قبل..

اللي عذبني ان طلاقي بدون سبب ..يعني في زوجات يسوون بلاوي ..والراييل يصبرون عليهم فكيف اذا وحده مب

مسويه شي..

من ياب لي ابوي ورقتي ..حسيت براحه ..وقلت لعله خير...وهو اصلا ما يستاهلني ..والا في ريال يسوي سواته..

الله يصبرني ..ويربط على قلبي ...وبعيش لبنتي فديتها هي دنيتي الحين...والله يجعلها بارة فيني ...

وانا لله وانا اليه راجعون

الله يفرج همك ويصبرك
ويعوضك بالي أحسن منه

الله يصبرك اختي و يفرج همك