شقيقتين ماتوا والثالثه في العنايه والسبب......

هلا اخواتي جميعا
هذا الحادث صار معنا يوم الاثنين الظهر
رجع الأب بعائلته من بيته الثالث هو عنده 3 زوجات رجعبهم من عند اهل زوجته كانو في المزاحميه
دخلو بيتهم الأب دخل لغرفته ليرتاح والأم راحت ترتب البيت دخلت بنتها الصغيره وعمرها شهرين عند الاب
البنتين الكبار نجلاء 3 سنوات وتسع شهور كوثر سنتين واربع شهور دخلو غرفت ألعابهم
يلعبون وردو الباب عليهم الغرفه مليانه العاب زحليقه بلاستيكيه ونطيطه بلاستيكيه غير أثاث الغرفه من مكتبه وكنب وطاولات

والام قاعده تنظف شمت ريحه حريق دخلت على بناتها لين الغرفه كلها دخان أسود ما تقدر تشوف شي
الأب سمع صراخ الأم وشم الريحه وجاء مسرع دخل الغرفه لينقذ ما يستطيع أنقاذه ما قدر الدخان كان كثيف وأسود ولهب النيران المشتعله منعته ولسعت جلده والأم تبي تدخل والأب يمنعها لأنها اذا دخلت بتموت وتحترق ورمها خارج الشقه لأ نها كانت تعيقه يبي يسوي شي بس يبي يمنعها في نفس الوقت من الدخول تدخلو الجيران الله يجزاهم خير وخذوا الأم عندهم والأب أيقن أن ما في يده حيله وأخذ يقلب كفيه من شده الهول والصدمه جت المطافي والأسعاف واخمدوا الحريق ولقوا البنتين ماتو
00000ماتو00000ماتو
في نص الغرفه بجنب بعض نايمين على ظهورهم وايديه مرفوعه والغريب ان حرقهم حروق بسيطه من الدرجه الاولى في اليدين وشوي في الرجلين يعني ما ماتو حرقا
ماتو مختنقين من الدخان اللي شب في ألعابهم البلاستيكيه وطبعا كلكم عارفين البلاستك وريحته وطبعا دخانه الأسود
بعد ما اخرجو البنات من الشقه أخبروا الأب بأنهم ماتوا وأخذ الأب في الصراخ من شدة المصيبه أخوه وولده من زوجته الأولى بجانبه يهدون من روعه وهم في نفس الوقت منصدمون
أما ريناد البنت الصغيره وعمرها شهرين وجدوها مغمى عليها من رائحه الدخان وأخذوها بسرعه للمستشفى الله يشفيها قولوا امين
بتقولون وش سبب الحريق ؟؟؟
لا نعلم

يمكن البنات معهم ولاعه ويبون يشبون نار مثل ما نشب نار اذا طلعنا للبر
أو لعبو في المكيف
أو الدفايه
أو التماس كهربائي
لا نعلم سبب النار
اللي نعرفه ان البنات ماتوا وراحوا الله يتقبلهم ويجعلهم شفعاء امين يارب

بتقولون وش دخلني في القصه


أنا اختهم الكبيره غير الشقيقه


واللي مات اخواتي اللي من لحمي ودمي



بفقد كلام نجلاء وكوثر وابتسامتهم اللي تشرح الصدر وبرائتهم ورقتهم بفقد شوفتهم

الله يرحمهم ويتقبلوهم ويجعلهم شفعاء لأهلهم اللهم امين اللهم امين اللهم امين


تكفون يا اخواتي ادعوا لريناد ان الله يشفيها ويعافيها الدخان خنقها تخيلوا طفله عمرها شهرين فيها جهاز تنفس ومغذي ودم وليات مع كل جهه وأجهزه من كل جهه
رئتها طلع منها رماد وسواد والحين الحمد لله رئتها سليمه جميع اعضائها سليمه الا المخ جاها نقص في الاكسجين الله يشفيها يا رب

وادعوا لأبي ولأمهم بالصبر والثبات وأن يكون هذا المصاب ثبات وهدايه وقوة أيمانه لهم

وان الله يصبرنا على فراقهم امين يا رب العالمين

اسفه للاطاله بس من ضيقه الصدر كتبت لكم قصه يوم الاثنين

وداعاً نجولي


وداعاً كوكو