شكت في زوجها فقررت تخونه..

السلام عليكم ورحمة الله وبركاته..
القصة معبرة وهي حقيقية..
قامت أحد الزوجات بالحنه والسؤال لمرات كثيرة لزوجها تسأله وهي شاكة تقول :
أنت متزوج علي ..
شكلك كنت تسهر عند زوجتك الثانية ..
وينك إلى الحين أكيد عندها ..
ليش تأخرت .. شكلها مأخرتك ..


المهم : تذمر الزوج وقال لعلها تتأدب راح أوديها لأهلها .. منها تراجع نفسها ويمكن تعقل ..
بعد ماوداها جلس كم يوم ماكلمها ولا سأل عنها .. قالت الحين تأكدت أنه متزوج علي ..
وفكرت وقالت الحين أجيب الخبر الأكيد , أخو زوجي عنده (سناب شات) بتواصل معاه وأقوله أبي اتعرف ومن هالكلام ... مالكم بالطويله ... أول ما تكلمت معاه سألها من وين تعرفيني قالت بالصدفه .. جالس على هالوضع لمدة خمسة أيام وفي أحد الأيام هي طلعت وصورت أحد المعالم وكانت بنفس الديرة ..
أخو الزوج قال شكل هذي تعرفني ..


وبنفس الوقت كانت تسأل عن أخوانه وكم عيالهم وكم متزوجين ومن هالكلام .. الرجال (شكــــ) فيها.. قام طلبها تصور له سناب شات وتسولف له .. تمنعت في البداية .. ثم وافقت
(صورت)


أي نعم صورت


والله العظيم صورت له مقطع فيديو مدته أقل من دقيقه..


قام نادى أخته قال تعرفين هالبنت .. قالت أوف أوف أوف هذي فلانه... وقامت هالأخت وثقت هالمقطع وصورته عشان ماتجحد ..
الزوج عرف في البداية أنكر وقال مستحيل تسويها بس بعد ماشاف المقطع انكسررررر ظهره.. وكانت القاضية.. مازالت البنت عند أهلها .. تنتظر ورقة طلاقها ..


القصة تحوي جملة من الدروس .. وهي للعبرة الي تعلمت من هالقصة درس تكتبه لنا بعد ما تستنبطه لعلنا نستفيد جميعاً..