شكت وبكت وبكتني 😭😔امهات التوحد

تأثرت بشكل مو طبيعي لدرجة حسيت بغصة ولدها فيه توحد 💔
تقول دايم افكر فيه وفي مستقبله كيف بيعيش بعدي
كيف بيكون مستقبله كيف حياته 😔


مافيه غير هي تداريه اخوانه كلن منشغل بحياته
مين بيكون معه بعدها 😔
تقول انقهر لما اشوفه مهمش ماحد يلتفتله الكل يعامله كأنه انسان ماله اي شي في هالحياة
كأنه ماله فايدة كأنه مايحس اللي يصارخ وللي ينافخ واللي يتضحك عليه شي يغبن
مين بيصبر عليه
مين يحبه
مين يهتم فيه
مين يحس فيه بدون مايشكي؟
هي صبوره وقلبها متعلق فيه
واكيد مافيه احد احن عليه من امه


قلت له ربي اللي خلقه هو ارحم به حتى منك
لا تخافين ربي معه ماراح يخليه لحاله ربي بيسخر له من عباده الرحماء
يكفي ان اسم ربي الرحمن مستحيل يخلق روح ويتركها تهاية في هالدنيا ❤️
دايم ادعي يارب استودعتك ولدي توله فيمن توليت يارب كن معه ولا تتركه لحاله
احسني ماعرفت اواسيها بكلام يجبر خاطرها بس هذا اللي طلع معي
لما سمعت قصتها تذكرت وحدة كانت معي في الابتدائي كانت تجي معها امها كبيرة في السن البنت شكليا مافيها شي بس الله اعلم ان اللي فيها توحد لان ماكنت تختلط باحد كانت امها معها تجي الفسحة واشوفها تأكلها كنت طفلة بس كنت اتسائل مع نفسي وش فيها هذي البنت لحالها وامها معها هي اللي تأكلها وهي اللي تدخلها الفصل وهي اللي تروحها
كبرت وربي ولا نسيت وللحين أتسأل الله العالم بحالها كيف الدنيا معها هل امها باقي عايشه 😔😭 اه والله شي عجيب يارب يكون بالعون 💔💔
بصراحة بنات كل ما اذكر سالفتها أقول وش كثر اغلبنا بنعمة ولا قدرناها 😢
مانشكر ربي ان ننام براحة بال 😞
مانفكر بأحد😔
عيالنا بكامل قواتهم العقلية بصحتهم وعافيتهم😥
مافكرنا وش كثر موجوعه قلوب اهالي كل واحد عنده ولد او بنت فيها اعاقة او توحد او او او ☹️
صحيح ان الصحة والعافيه اهم شي في هالدنيا وللاسف مانشوف هالشي ومتغافلين عنه😧


الله يصبر هالام ويشفي كل ذوي الاحتياجات ويكون بعونهم ويسخر لهم 😔❤️




اسفة لو ضيقت عليكم بس والله اني اكتب وانا اصيح الحمدلله يارب على كل شي والله يسامحنا لما نتضجر ونغضب على شي تافه ❤️🖐️