السلام عليكم ورحمة الله وبركاته
اتقدم بخالص الشكر والاعتراف بالجميل لمنتدى عالم حواء فما قدمه لى هذا المنتدى كثير ..فقد كان انضمامى له نقطة تحول فى حياتى ..فقد وجدت الصحبة الطبية وما كان اكثر افتقادى لها ...فقد وقفوا بجانبى فى محنتى وساعدونى على تجاوزها فى الوقت الذى لم القى هذا من المقربين الى .....فقد اختبرنى الله بتاخر الانجاب وما اصعب هذا علىاى امراة ..فما كان منى الاان كتبت موضوع فى قسم تاخر الحمل عن مشكلتى وعن ما عانيته من اخطاء الاطباء ولقيت تفاعل كبير جدا من العضوات لم اشهده فى منتدى اخر واصبح الموضوع له عضوات كثر مهتمين بيه ونشا بيننا علاقة حب واخوة فى الله وماشاء الله واصل الموضوع للجزء العشرون وما شاء الله التعاون مازال يخيم عليه ..وبفضل الله رزقنى الله بابنى الله يبارك فيه ومازالت علاقتى بعضوات عالم حواء جيدة جدا وبيننا اتصالات ومع انى لم اراهن لكن الحب والود يجمعنا .....
ومش بس كده عالم حواء كان السبب بفضل الله انى بدات احفظ كتاب الله والحمد الله اتممت حفظ البقرة وبراجعها والخير دا كله من موضوع فى مجالس الايمان كان فيه عنوان منتدى اخر متخصص فى العناية بالقران ولانى عالم حواء لايمنع الخير سمح للعضوة انها تعمل موضوع عن منتدى تانى وطبعا كلنا عارفين انى فى منتديات مش بترضى بكده وبفضل الله التحقت فى المنتدى والتحقت بحلقة والحمد الله مبسوطة اوى بكده
ومش بس كده عالم حواء كان السبب فى انى بقيت شطورة فى الطبيخ والكل بيتعلم منى ودا بفضل الدورات التدريبية وطبعا الاستاذة ام ياسمينا واكلها اللذيذ ..والله يا بنات انا كان فرح اخويا وانا اللى عملت الاكل والكل بلا استثناء اعجب بالاكل وبقى ليه صيت انى شاطرة فى الطبخ..واخويا قال لماما اختى بقت تعمل اكل زى بتاع المطاعم...ربنا يباركلك يا ام ياسمينا ....والحمد الله وفرت فى الفلوس لانى جوزى بيحب اكل التيك واى زى الشاورما والبرجر والبيتزا ....ومالوهوش فى الطبيخ والارز والاكلات البيتى بس بعد ما اتعلمت من الدورة اكلات مختلفة الحمد الله قرر انه ياكل الاكل بتاعى وكمان هواللى بيطلبه ؟؟؟؟؟
ومش بس كده .انا كمان اتعلمت كتير من التدبير المنزلى والحلول المنزلية وقدرت انى انظم امورى ووقتى وكمان بقى عندى افكار جديدة بحاول انى افيد بيها غيرى وكمان طريقة تفكيرى اختلفت وبقى عندى ابتكار
وومش بس كده لا كمان بقت مختلفة فى شخصيتى لانى بقيت احس بمن حولى لانى اتعلمت من عالم حواء انى اتعاطف مع غيرى حتى لو معرفهوش
طبعا حتقولوا انا ليه بكتب الموضوع ده ..حاقولكم انى حاسيت انى لازم اقول لاصحاب الفضل على شكرا ...شكرا
وكمان الثورة فى مصر صحتنى وخالتنى اشوف الحاجات الحلوة فى حياتى وخالتنى اقول الايجابيات فى حياتى لانى حسيت انى اتولدت من جديد ..وكمان لازم نقول لمن احسن ..احسنت...
وانا بقول لعالم حواء ....احسنت والى الامام دائما
ياريت لو الموضوع لو عاجبكم تتفاعلوا معاه وكمان تقولوا عالم حواءا فدكم ازاى
مميزات @mmyzat
محررة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️