لااله الاالله سبحان الله
الله يعوضك ويعوضني يااارب
العبرةخانقتني مااقول غيرالله يعوضك يارب
الله يعوضك ويرزقك بتوائم في القريب العاجل انتي وكل من يتمنىالله يعوضك ويرزقك بتوائم في القريب العاجل انتي وكل من يتمنى
لاحول ولاقوة الابالله دائماً رددي أنا لله وانا اليه رجعون.
الله يعوضك خيرا ممافقدتي :44::44:
الله يعوضك خيرا ممافقدتي :44::44:
الصفحة الأخيرة
احلى غرفه شفتها، لاني شفت اجنتي الله يعوضني عليهم يارب العالمين،، سوت لي تصوير، وانا بعدني ما شفت الشاشه، كنت اشوف وجه الدكتوره كل مره تبتسم وتزيد ابتسامتها،،
قلت لها: شو؟ خليني اشوف الشاشه؟ <<< ماكنت اباها تقولي، ابا اشوفه بعيوني اول..
خلت الشاشه عليه،,,
انصدمت وكنت اقول بلا حاسيه: الحممممدلله الحممممدلله ياربي بصوت عاااالي كنت عند ظني ياربي كنت عند ظني ياربي واني ابكيييييي وحاطه يديه على وجهي..
وشفت أرووووع واجمممل واغلللللى منظر شفته بحياتي،، الله يرزقني ويرزقكن يارب هالمنظر يا قادر..
جنين..
اجنتين..
ثلاث اجنة!!
لاااااااااااااااااا
( أربععععه اجنة )
الله كتب لي يعطيني واحد الحممممدلله، والله كتب لي يثبت لي الثلاثه وانا كنت اقول الله بيثبت لي ثلاثه، بس عطاني خالقي واحد هديه الحمممدلله..
سبحان من خلق، انقسمت وحده من البويضات وصار جنينين في كيس واحد، والاجنة الباقيه كل واحد في كيسته،،
حسيت ببروووووده في قلبي، وجسمي كله، وزوجي وقف عن راسي مخنوووووق ويقولي الحممممدلله الحمممدلله..
سبحان الله كنت ادري انه الله سبحانه وتعالى بيعوضني على كل هالسنين..
قالت الدكتوره: وقفي عشان اسمع دقات قلبهم،،
ماقدرت، كنت ارتجف وهيه تحاول تسمع دقات كل جنين..
وسمعت اروع صوت يا ناس، سمعت دقات قلبهم الله يعودهم عليه ويعوضني خيرا منهم، سمعت دقات الجنين الاول بوضوح ولله الحمد،، وسمعت دقات قلب الجنين الثاني، وسمعت جنيني الثالث، وسمعت جنيني الرابع حياتي اللي حبيته من السما بوضوح، الله يرزقني وياكن بتوائم بصحه وسلامه ،،
ورحنا لغرفه لدكتوره، وقالت: الله يتمم عليج بس انا خايفه لان فييه اخطار عليج وعليهم، واحتمال يوقف حد من قلوبهم، وان شالله بعد ما تكملين 14 اسبوع بنعمل لك عمليه الربط..
قلت: الحمدلله انا راضيه شو الله كاتب لي والله خير الحافظين..
والحمدلله كنت اروح لهم كل اسبوع اسوي تصوير وكان كل شي تمام واحجامهم في تزايد وكنت اسمع دقات قلبهم..
وكنت داخله الاسبوع الثامن، ورحت اسوي تصوير واثنينه وقفو قلوبهم اللي بكيسين منفصلات وفضلو الجنينين اللي في كيس واحد.. اللهم لك الحممد ..:44:
قالت لي الباقين اللي في الكيس صحتهم جيده..
والحمدلله شكرت ربي وحمدته ابا اطفال بصحه وسلامه، واللي الله كاتب لي انا راضيه..
ومضت الايام وكملت 12 اسبوع، وسويت تصوير لقيت واحد من الاجنة وقف قلبه، الحممدلله على كل حال..
وفضل واحد، تعرفونه منو؟؟
هديتي من الله، جنيني الجديد،،نعم كلهم من الله تعالى بس هذا دخل خااااااطري، كنت اشوفه واااااايد يتحرك ويلعب، وما بنسى حركت يديه فديت يديه يوم يلعب..
والمشكله يضر على الجنين الصاحي، وبعده باسبوع وقف قلبه جنيني الثاني..
اللهم لك الحمد ملء السماوات وملء الارض وملء ماشئت من بعد والله يجيرني في مصيبتي ويخلف لي خيرا منهم اجميعين..
مابقولكم عن التعب النفسي والجسدي، لان الكل مر فيه والله لا يذيقكم مره، ونزلتهم في المستشفى وسويت عمليه غسيل. الحمدلله..
الله يعوضني على تعبي وعلى همي وعلى علاجي وعلى شوفتهم..
ااااااااااااااه ياربي احببببك حتى لو خسرتهم، احبببببك حتى لو خليتني اعيش الحلم ، حبيت الحلم، وبرجع له وبيتحقق حلمي، أحبهم ومب خساره انهم عندك، انت عطيتني واننت اخذت مني، وبتعوضني خيرا منهم وهم طيور من طيور الجنة..
بعد اقول شكرا ( شرايين زوجها ) حسيت بمعاناتج، صح فرق بعيييييييييد بيني وبينج لانج شفتيهم في حضنج، بس حسيت فيج..
جزاج الله كل خير انتي وكل اخت كتبتج تجاربها، ويرزقكن الفردوس الاعلى..
هاذي قصتي رجعت استعدت حياتي بعد الغسيل باسبوع، مااااا احب افكر وايد وا اتضايق وما ابا اخسر يوم لي في التفكير، واثقه واثقه واثقه ان ربي بيعوضني عاجل غير اجل بتوأم معافى..
وكان سبب في وقف قلوبهم، تجلط في المشيمه من الاجسام المضاده، وما كان ينفع لي الاسبرين..
واسأل الله العظسم رب العرش العظيم يعوضني ويعوض عليكن وعلى كل اخت متاخر حملها ويرزقها توائم معافى من غير زياده ولا نقصان يارب العالمين..
وإلى لقاء قصتي بحملي القادم باذن الله الواحد الاحد..