شكرا لكل الي سال عني

السلام عليكم خواتي

http://forum.hawaaworld.com/showthread.php?t=3973382

شكرا لكل الي سال عني سامحوني ما قدرت ارد البارحة كانت نفسيتي جدا تعبانة

البارحة رحنا للمحكمة انا والوالد والوالدة والله دخلت على مجلس المحكمة وانا ارجف واجى الحقير زوجي .. القاضي ناداني اول اشي وسالني انتي كاتبه سبب طلب الطلاق الخيانة شو قصدك بالخيانة!!
حكيتله راح احكيلك من الاول من اول سنة زواج حكيتله كل اشي بس والله كنت جدا مرعوبة وبرجف رجلي برجوا من الخوف وسناني بتصطك الوضع جدا مختلف عند شيخ الصلح بالتوجيه الاسري كنت اعده ومرتاحه وبحكي براحتي وحكيت كل الي عندي بس عند القاضي غير حسيت برهبه فظيعه ((( الله يجيرنا يوم القيامة كيف لما نوقف بين ايدين الله عز وجل ونتحاسب اذا قاضي وبشر مثلي مثله ومعي كل الحق هيك صار في ... يارب رضاك والجنة )) المهم حكالي القاضي انتي عندك كلام كتير بدي تكتبي كل اشي عندك بورقة بالتفصيل وجهزيلي اياها للجلسة القادمة ...

بعدين نادى زوجي ساله شو ردك على الكلام الي هي حكتله .. حكاله انا ما ضربتها .. رد القاضي بس هي ما حكت انك ضربتها .. حكى وما سبيتها ... رد القاضي بس هي ما حكت انك سبيتها ... حكاله كل القصة والمشكلة بينا هي الاولاد هي بس عرفت اني راح ااتزوج عليها عشان بدي اطفال بلشت تعمل مشاكل ونكد وتفتش موبايلي وانا طول ما هي على ذمتي عمري ما خنتها .. الكذاااااااااااااااااااااااب عمره ما جاب سيره انو بده يتزوج علي ... غير اقواله عن عند الشيخ حكى هي مهملة ببيتها وعشان عرفت ارد عليه منيح وفرجيت الشيخ اني عمري ما كنت مقصرة وراح غير وهلا عشان انا بدي اتزوج والله ما بتتخيلوا انصدمت صدمة كبيرة من الكذبة الجديدة

بعدين سال القاضي بدك اياها !! حكاله اها رايدها ((( الكذاب رايد مؤخري بدش يدفع فلوس )) فانا طلبت من القاضي اتكلم وحكيتله لو هو رايدني ليش ما اتصل او تواصل معي صارلي شهرين ببيت اهلي ... بحكيله هي طلعت من بيتي من دون اذني ولا شوري واهلي جيرانا كانت حكت مع امي كانت تواصلت معهم ... راحت امي ادخلت وحكتله كيف هي اتصلت اكتر من مره بامه وبابا حكالة كيف بعت صاحبه وانا شرحتله حكيتله قبل ما اطلع من البيت بعتنا مسج لامه وبعدين اتصلنا وما ردت وبعتنا رجال من طرفنا 3 ايام يتصل وما رد وكمان بعتنا مسج لامه ما ردت غير بعد 10 ايام ردت وانا نزلت ردها علينا بموضوع كيف وصفتني بالعقيم والمريضة النفسية ورحت طلعتله الورقة كنت مصورة مسجات امه وطبعاها على ورقة حكيتله هاي رد امه هاي هي تصفية النفوس هدا هو الي بحكي رايديني وبالنسبة للاطفال معي تقرير طبي من مستشفى دبي بثبت اني ما عندي اي مشكلة طبية وكانوا ناصحيني بالانابيب كعلاج لسبب مجهول بس اناما عندي اي مشكلة وتحاليلي جاهزة وكلها سليمة ... حكالي الشيخ كل هدا جهزيلي اياه بورق للجلسة القادمة

وحكى راح اعطيكم فرصه تحكوا مع بعض تتصالحوا مع بعض والموعد القادم الاثنين الجاي الله يخليكم كثفولي الدعاء

نفسيتي كتير تعبانة من كتر الكذب الي بكذبه وكل مره كذبه جديدة وصدمة جديدة وانقهرت ما قدرت احكي للقاضي كل اشي حسيته ما سمعني منيح خلاص اخد خلاصه وبس وطلب طبعا ادلة لكلامي

ادعولي الله يفرجها علي ويجازي الكلب اسوا جزاء حسبي الله ونعم الوكيل