السلام عليكم
هلا أخواتي ... يمكن تذكرون موضوعي
وهذا الرابط
http://forum.hawaaworld.com/showthread.php?t=1277741&page=1
والحمدلله حصلت نصائح من الكل ...
ونصيحة الأخت charming_roro كانت في محلها ..
أما الأخت ارض النور فما قصرت شرحت لي وطبقت كلامها ..
وفي اليوم الموعود مع الغسيل ... نقعت الملابس في ماي حار مع شوية خل وأقل من شوية كلوركس من الصبح للعصر ..
وغيرت الماي بماي جديد ومعاه صابون أريل ،، وخلصت الغسيل
صبت في طشت ماي فاتر وحطيت فيه الجويت ( النيلة ) ، أبو العيال يوم قلت له اشتري جويت ما قصر معاي راح يشتري على طول ... تراه عارف القمنده على قولت الكويتين ، عارف ان سر النظافة واللون الناصع في النيله بس ما كان يقول لي يحافظ المسكين على مشاعري ...
ما اطولها ،، طلعت الملابس من الغسالة وأخذت قطعة من الملابس واغمسها في ماي الأزرق اللي كأنها سماء صافية في صيف الكويت بس مب هاليومين لأن الدنيا غبار ...
حطيت قطعة وغمستها وطلعتها وعصرتها وعلى الحبل .. جذي لين ما كملت كل القطع ...
وانتظرت على الشمس بس نشفت الملابس ، قمت شلتهم خفت من الشمس تحرق الملابس ..
وياي شو النتيجة ما تتصورون .
حتى زوجي لاحظ الفرق وشكرني :icon28:
.
شوفوا تحت بالصور ولاحظوا الفرق بين الفانيلة اللي غسلتها قبل الاستشارة ...
النظافة لها انتعاش خاص
سلمتي يالغلا نرحب بك اخت بيننا لا حرمنا الله اخوتك الطيبة