البراءة
تسلمين حبيبتي هذا من ذوقك
المحبة لكم
اتمنى انك تظلين تتابعيني للنهاية وان شاء الله تعجبك القصة من بدايتها لنهايتها

مشكورة حبيباتي للمتابعة

الجزء الرابع
الفصل الأول
دق الباب ..وأم نواف راحت تفتح وكان سعود جاي يزور نهى بس كان لوحده وحامل بيده بوكيه ورد من النوع اللي تحبه نهى ، دخل مع ام نواف للغرفة وشاف عادل واقف عند نهى ..انصدم من الموقف اللي شافه ، ظن ان عادل ونهى بدأوا يحبوا بعضهم وإن عادل كان يقبل نهى ..
تحمحم وابتسم بمرارة ..عادل التفت وشاف سعود وراه بس ما ظنه انه شاف شي ، ابتسم له وسلم عليه وخرج من الغرفة .. نهى ابتسمت من قلبها ..فرحت لما شافت سعود جا يزورها.. كانت تساله عن احواله وتتشكره على موقفه النبيل معاها
..كان سعود يرد عليها ببرود وابتسامة مصطنعة حتى لا تلاحظ عليه شي..
ابو نواف دخل الغرفة بخروج عادل منها ولقى سعود واقف عند نهى ..حياه وتشكره على انقاذه لنهى ..
ابو نواف حب انه يكافئ سعود على شهامته: اطلب ما بدى لك يا ولدي ..قليل عليك كل فلوسي وانت رجعت لي بنتي الوحيدة والغالية..
سعود يقول في نفسه : " لو انها غالية عندك كان ماجبرتها على شي تكرهه وآذيتها" : العفو يا عمي انا ما عملت غير الواجب ..وصدقني لو اني احتجت لاي شي مارح اتردد واطلبه منك..
سعود بعد اللي قاله..استأذن ومشى وهو يودعهم بابتسامة لكن قلبه كان مقهور ومتأذي من اللي شافه.
خرج من المستشفى وركب سيارته ..ظل فيها يفكر بعادل ونهى .."أنا غبي اني حبيتها من البداية لا هي من ثوبي ولا انا من ثوبها ..عادل اللي يناسب مستواها مو انا الكحيان اللي حالتي على قدي" ..سعود صار يضرب بيده على مقود السيارة وهو معصب واخيرا ما تحمل وصار يبكي ورخى راسه على المقود..
في اللحظة هذه رن جواله ..امه متصله فيه..
مسح دموعه ..ورد على الاتصال: ألو..هلا امي
ام سعود : وينك يا ولدي مو قلت لي بتروح تزور صديقتك بالمستشفى..
سعود : طيب انا راجع اللحين ..توصين شي
ام سعود : سلامتك يا ولدي لا تتاخر.
سعود : ان شاء الله يا امي ..مع السلامة.
سعود شغل سيارته ومشى في طريقه للبيت..ولما وصل لقى امه متجهزة انها تروح معه للزيارة
سعود : خلاص يا امي ..ماني رايح.
ام سعود مستغربة: ليش يا ولدي البنت صاير فيها شي
سعود : لا يا مي ..واللي يعافيك ..خلاص ..لا تساليني..
سعود دخل غرفته بسرعة وهو متضايق وامه لاحظت الشي هذا لكنه فضلت انها تتركه حتى يهدأ ويرجع يحكي لها اللي صار..
..............................
الشلة كانت مرتبة حفلة بسيطة تجمعهم هم بس مع عائلة نهى لما تخرج نهى من المستشفى طبعا اتصلوا على سعود يبلغوه لانهم ما شافوه ولا راح معاهم عند نهى بالمستشفى ..
ردت عليهم ام سعود : الو..
مؤيد : السلام عليكم خالتي ..كيف احوالك
ام سعود : الله يسلمك يا ولدي..
مؤيد : ويسلمك ..خالتي ممكن اكلم سعود.
ام سعود : هو توه راجع من بره وشكله تعبان ..دقيقة اشوفه لك.
ام سعود راحت لغرفة ولدها لقته نايم حتى ملابسه من التعب ما بدلها..رجعت للتلفون.
ام سعود : مؤيد يا ولدي ..سعود نايم
مؤيد : طيب من غير امر عليك يا خالتي ..بلغيه ان الشلة مسوية حفلة صغيرة بمناسبة خروج نهى من المستشفى يوم الخميس الجاي ..في بيت ابو نواف .
ام سعود : ان شاء الله يا ولد ي..سلم على امك.
مؤيد : يوصل..مع السلامة.
ايش اللي صار بعد كذه ..تابعوا الفصل الثاني

تابعي يالغالية ..

فكلنا عيون متابعة ..

بوركت ياخية على هذا الابداع واسلوب التشويق روعة ..

حفظك الله ورعاااك ...

لكن لاتتأخري علينا فالانتظار ممل وقاتل ..

بالله كمليها
والله حلوة مرة
من زمان ما جاني ردود على القصة
تسلميييييييييييييييييييين
آهات الفرح

الفصل الثاني
نهى كانت لسه في المستشفى مع أمها ..كان اليوم الأربعاء في الليل..نهى صار لها أسبوع في المستشفى من يوم الحادث اللي كان الأربعاء الماضي.. كانوا بيتفرجوا على التلفزيون على فيلم ..
دخل الطبيب حتى يعاين حالة نهى الصحية ومتى تقدر تخرج ..: الحمد لله ..الحلوة صارت أحسن اليوم ..هممم ..متى تحبي تروحي للبيت ؟! " قالها الطبيب مازحا طبعا"
نهى وهي تنظر إلى الطبيب بنظرة رجاء : دكتور أنا نفسي ارجع للبيت اليوم قبل بكرة ..
قاطعها الطبيب : ليه مليتي مننا ؟!
نهى وهي تبتسم : أبدا يا دكتور بس ..اشتقت لغرفتي ..سريري ..مذكرتي ..صحباتي..
الطبيب مبتسما : خلاص يا نهى ..انت الحمد لله طيبة وتقدرين تطلعين بكرة ان حبيتي.
نهى : اكيد احب يا دكتور .
الطبيب كتب لنهى على خروج لبكرة في الصباح..
خرج الطبيب ولقى ابو نواف توه مخلص مكالمة بالجوال وبيدخل على نهى بغرفتها وقال له انها ممكن تخرج بكرة ..
ابو نواف شكر الطبيب ودخل الغرفة عند نهى ..طلب منها انهم يتكلموا في اللي صار ويتفاهموا حتى تصفى القلوب
واعترف لها انه كان غلطان في عناده اللي لولاه وبعد قدر الله ما صار اللي صار..نهى من طيبة قلبها وعلشان هو ابوها ما قالت شي ..اكتفت انها تقول : دادي اللي صار صار ..والله يسامحنا كلنا ..
نهى : دادي ..نواف ما اتصل عليك ؟!
ابو نواف : لا والله ما اتصل ..كل ما ادق عليه محد يرد.
نهى : غريبة ..هو وعدني انه بيكون حاضر يوم الحفلة والى اليوم ما وصل ..صار له اسبوع غايب..الله يستر.
ام نواف : الله يرجعه السلامة..يارب
ابو نواف : طيب ..انا طالع على المكتب ..توصون شي..
ام نواف ونهى : سلامتك ..
طلع ابو نواف من الغرفة وراح لمكتبه يتابع اعماله ومشروعه مع ابو عادل..
نهى كانت سرحانة وتفكر ..كيف ان عادل بالسرعة هذه تغير وصار يوقف معاها وضد اصرار ابوها وابوه على زواجهم..امها لاحظت انها شاردة بذهنها لبعيد..
ام نواف : وين وصلت الحلوة؟!
نهى انتبهت لامها : انا هنا معاك ..
ام نواف : واضح انك معايا ..صار لي ساعة اكلمك وانت ولا تردي..
نهى : والله ! انا آسفة ..
ام نواف : لا يا بنتي بس ملاحظة عليك انك بتفكري في شي
نهى مستغربة : مامتي ..تدرين بايش انا افكر!؟
ام نواف : بايش يابنتي؟!
نهى : افكر بعادل..
ام نواف : لا يكون حبيتيه؟!
نهى تطالع امها وتضحك : الله يهديك يا مامتي ..هاللحين احبه بعد كل اللي صار
ام نواف : اجل ليش تفكرين فيه؟!
نهى: تذكرين لما رحنا عندهم في البيت عقب الاختبارات..كيف كان شكله وحالته النفسية كانت صعبة
ام نواف:اذكر ..والحمد لله انه هالحين طاب
نهى : هذه هي المشكلة ..كيف طاب ؟! ومن السبب اللي وعّاه ؟! وليش هو كمان ما وده يتم زواجنا؟!
ام نواف : صدقتي يا بنتي ..بس كل شي هين على رب العالمين.
نهى : ونعم بالله.
نهى سلمت على امها لانها تبغى تنام بدري حتى تصحى بدري وتخرج من المستشفى اما ام نواف ظلت سهرانة تطالع التلفزيون حتى يخلص فيلم السهرة ثم تقوم تتوضا وتصلي وتقرا قران حتى الصباح .
ايش اللي بيصير بكرة ..تابعوا معي الفصل الثالث