شكر النعمه

لازم الوحده تحمد ربها وتشكره على كل نعمه ونذكر نفسنا على طول بهالشئ ..
قريبه لي والله يابنات كل اجتماع تكرر نفس الكلام انها جابت عيال كثار ماشاء الله تبارك الرحمن ٧ اولاد وبنتين الله يحفظهم لها ويرزقها برهم وماشاء الله تبارك الله كنت أشوفها قدوه كملت دراستها تزوجت بعد المتوسط والان موظفه وزوجها سوى لهم فله ملك وعماره شقق لاولاده ..
بيوم العيد اللي فات تقول لبنتها انها غلطه كسرت نفس البنت قدام الحريم بنتها كبرها..وكل شوي تقولي انا جاهله انا مااحد علمني كنت متمسكه بالدين ولازم كل شوي احمل والله تقولي قصص انها ماصحت من هذا التفكير الا لما سمعت وحده تقول يوه عيالي ورى بعض ..انا مقدره شعورها انها شايله همهم بس هذا رزقها ولاادري كيف ارد عليها الحين يجيبونها ويسفرونها رجال ماشاء الله الكبير ٢٩ و٢٧و ٢٥ وبعدهم البنت..
والله ارحمها وحاسه بشعورها ودها تتطمن عليهم وسبحان الله غيرها يتمنى كثرة العيال مااحد مرتاح
وش الرد المناسب اللي يريحها لاني متاكده بتعيد نفس الموضوع
ماشاء الله هي تشوفونها شباب مهتمه بنفسها وداخله نادي وتسوق وعندها خادمه وبالاجازات تسافريعني مرتبه وضعها
انا اقول يمكن الموضوع نفسي اكثر