شكر وعرفان لكل من ساهم في عتق خالد

(وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً)
اشكر كل من ساهم في عتق رقبة خالد والله كنت ابكي وانا اشوفي الشمري يقول لام خالد لبيه يا يمه وينخى جماعته يساعدونها واشوف العتيبي وهو يفزع لها والعنزي والمطيري واهل الجنوب واهل الشمال حتى اهل الخليج الكل ساهم والكل سعى .... وبكيت البارحه وانا اشوف مطيري في منتديات مطير يطلب من قبيلته السعي في العتق فيهم الخير هم وشيخوهم كبيرهم وصغيرهم سبحان من سخر لك خلقه يا خالد ... خالد مو ولد حرب لوحدهم خالد ولد كل حر ساهم في نشر قصته او دفع ديته
انشهد شهادة اُسئل عنها يوم القيامه انكم نشامى ما خاب من انتخاكم وهذي علوم الكرام وفضلكم ما ينكره الا جاحد اليوم فرحنا بخالد وبكره بسامح الرويلي ان شاء الله
اللهم ادمها نعمة علينا وانزع من قلوبنا الحقد والحسد والبغضاء