شككوني بنفسي

ذكرتيني بعيالي وهم صغار والله انها احلى أيام وأحلى خراب لسى أطفال وبرءاه.. استمتعي بعيالك وهم بهالسن لا تخلين أحد ينكد عليك أحلى أيام حياتك مع عيالك..
بكرة يكبرون تقولين الله يسقي ذيك الأيام وهم صغار..
انبسطي بنفسك وعيالك وماعليك من الناس.. خلي اللي يتكلم يتكلم..
الحل :
خصصي غرفة يلعبون فيها ولا لعبة تطلع برى هالغرفة مثلا المقلط..
ركبو باب ألمنيوم على باب المطبخ حتى لو نص باب يعني قصير أهم شي مايدخلون..
خلي وجبة الغداء حقتهم انتي وهم لحالكم أكليهم قبل لايتغدى زوجك عشان تشبعينهم زين.. واذا تغديتي انتي وزوجك وعيالك خلاص شبعو.. لبسيهم ملابس نظيفة.. وخلاص لاياكلون شي..
قبل ينزلون لأهل زوجك أكليهم عندك وشبعيهم.. أدري مهما أكلتيهم ينزلون وياكلون كنك مجوعتهم.. كذا الصغار..
كل ماقال زوجك انك ماتعرفين او قلل من اهتمامك بعيالك قولي امسك واحد وورني شطارتك والله ماتتحمله ساعة..
نومي عيالك على ١١ الليل او ١١ ونص.. رتبي بيتك سريع قبل تنامين..


ولاتنغثين.. انتي الحين تحسين انك معفوسة بالعيال بس والله انها أحلى ايام العمر انبسطي واستمتعي ودايم ابتسمي والعبي معهم..

هدي نفسك حبيبتي

اربعه اطفال ورا بعض وصغار ومايفهمو شي طبيعي جداً اللي انت تمري فيه وصدقيني بس يكبرو شوي ويدخلو روضه ومدرسه بتتغير كثير امور معاك


اول شي باب المطبخ لازم تشوفي له حل ياانك تاخذي الالمنيوم اللي بايكيا او ساكو وتقفلي فيه باب المطبخ ياتركبي باب باي طريقه

البيت مو لازم يكون نظيف ميه بالميه اذا غسلتي صحونك وكنستي السيراميك ومسحتيه ورتبتي غرفتك جزاك الله خير لايكلف الله نفساً الا وسعها



خصصي غرفه لاطفالك حطي فيها العابهم وخيمه كل ماحبو يلعبو خليهم فيها


واذا زوجك بياخذهم لاهله لاتسمحي له ياخذهم بلبس مو نظيف نبهيه على هالشي يقولك انه بياخذهم حتى تبدلي لهم لانه في النهايه اطفال لازم يتوسخ لبسهم طبيعي

لاتسمعي لكلام اهل زوجك ووصي زوجك اذا تكلمو عن اطفالك لاينقل لك كلامهم لانه مايهمك ولايقدم ولايأخر ولايحسسونا انه بعمرهم مايعرفو الاطفال وكيف حركاتهم وان اطفالهم غير!!

لاتنسي تنظيم النوم لاطفالك وابعدي عنهم الشيبسات والشكولاتات والحلويات تزيد نشاطهم ع الفاضي

حاولي تخرجيهم نهاية كل اسبوع يفرغو طاقتهم بالرمل او مراجيح مش مول لا برا زي حديقه مثلا

وقبل النوم لاتنسي وصية الرسول لفاطمه لما طلبت منه خادم انه تسبح الله ٣٣ وتحمدالله٣٣ وتكبر ٣٤


وتراها فتره وتعدي ويكبرو ويعقلو وراح تلاقي وقت لنفسك وبيتك صدقيني لاننا كلنا كنا كذا واطفالنا صغار
المهم لااااااتسمحي لاياً كان يتكلم بكلام ماله داعي لازوجك ولااهله ولااي احد لانك مو مقصره وفي النهايه هم اطفال وطبيعي اللي يصير معاك

الله يحفظهم يارب
طبيعى فى هالسن بس ما اسرع الايام وبتشوفينهم يكبروا ويفهموا كل شئ
بس انا بنتى لما كملت خمس سنوات ابتدت تفهم وتساعدنى وبتساعدنى فعلا ولما اطلب منها شئ تجيبه.ممكن تمسكى اكبر طفل وتشجعيه وتخليه قدوه للاصغر وخاصه لو كانت بنوته وتكافئيها لما تساعدك مو تساعدك بالمعنى بس تحافظ على ملبسها وما ترمى الاكل

ماشاءالله تبارك الرحمن شوفي ياقلبي سوي لك جدول وكل يوم نظفي مكان والمطبخ حطي عليه شبك زي اللي يحطونه في الدرج اذا تعرفينه هو ينفتح ويتقفل زي الباب
العيال خذي لهم طاوله صغيره وكراسي ووحطي لهم الاكل عليها وحطي لهم صحون وكاسات وملاعق الوان من حقت الاطفال علشان يتدربون يأكلون بهدوء وبعد ما يخلصون ارفعي الصحون على طول واغسلي يدينهم مع الوجه فقط هذا طبعاً الفطور وخذي لك منشفه صغيره او مناديل مبللة وامسحي ملابسهم ولا تخلينهم ينزلون عند جدانهم الا بعد الغداء
اذا تغدوا على طول روشيهم وغيري ملابسهم وكذا بيكونون نظيفين الين العشاء
ونصيحه خذي مانع لين يكبرون اشوي علشان يمديك تربينهم أما كذا بتفقدين صحتك وما تعطينهم حقهم في الامومه وراح تتعبين في تدريسهم ما تدري مين تدرسين لازم مذاكرة وتعب الله يعينك

طبيعي وعادي هدول أطفال بدهم يلعبوا ويكتشفوا
خاصه إنهم ورا بعض
الحل فضيلهم غرفه وحطي فيها العاب وباقي الغرف ممنوع يدخلوها
وأهم شي حطي باب للمطبخ 👍بتريحي راسك
والله يحفظهم لك