شكلك صغيره بسرعه اتزوجتي👧

السلام عليكم ورحمه الله.....

موضوعي مجررد استفسار فقط لاغير...

ماادري ليه حز بخاطري الموضوع وانا كتبته مجرد فضفضه واشوف رايكن بهذا الموضوع


امس رحت لصديقاتي وكان في 2 ××× اول مره اتعرف عليهم شافوني واتفاجئو ان عندي ولدين ماشاءالله وقالو مش مبين انك متزوجه شكلك صغيره اوي!!!!!

انا طبعا مثلي مثل اي واحده انبسطت وبعدين واحده قالت متى اتزوجتي قلت وعمري18 وتملكت وعمري17 وكنت اتواصل معاه وحبينا بعض وانسجمنا...

قالت ياحرام ماتهنيتيش بعزوبيتك...انا والله ماهمني اي حد يقول كذا لان هذا نصيب وانا مرتاحه مع زوجي ومابلقى مثله ابدا بس تصدقون حززز بخاطري وتاثرت لاول مره وشفت حالي وانا اركض وراهم وااكل ذا واغير لهذا وهم يقولو الله يعينك شلتي مسوليه من بدري😭 ;.

والله لاول مره احس كلامهم اثر فيني هما ماشاءالله كبار واحده25 ووحده28 ولسه متزوجات ....

روحت البيت اشوف حالي ركض ورى اولادي الله يحفظهم وزوجي يبغى عشاء واجهز ملابس شغله وابني اعشيه واحميه وانيمه والصغير اغير له وساعه اركض وراه عشان ياكل وبعدين انيمه ويله ماصدقت خلصت كل شي اتسطحت ونمت مثل الميته....

واليوم قمت وعلي الدوره وتعبااااانه وزوجي الله يخليه جدا متعاون سوى الفطور ومن بعدها راح الشغل وانا ورى هالاولاد الله يحفظهم جاني شعور بالضيق.... تعبانه جدا وبغربه ولحالي وكل يوم نفس الشغل يتكررررر ااه ياربي والله صديقتي بكره عرسها تقولي والله حسيت اني استعجلت لاحقه ع الزواج ومع ان عمرنا الان23و10شهور يعني هي احسن مني ارتاحت ودرست...

وانا ماقدرت ادرس خلصت امتحانات الثانويه وتجهزت وتزوجت ماتهنيت بحياااتي وبعزوبيتي وحياه اللامسووليه والدلع ع الوالده والطلعه مع الصديقات والسهر مع خواتي واهلي وحياه الاستقلاليه...وع طول خلفت وتحملت مسووليه البيبي لحالي..

رجااااء لاتجي حد وتقول طيب وش نسوي لك كعادتكم انا بس فضفضت ومدري في حد تحس هالاحساس مثلي ولا لا...

وللعلم زوجي مافي منه اثنين مريحني وطلباتي اوامر وانسان يخاف الله فيني بس والله احن للماضي اما العزوبيه ماجربتها بس احسد كل اللي بعمري وللحين ماتزوجو لانهم لاحقين ع هالشي ....

نصيحه استمتعي بحياتك وعيشي عزوبيتك بطولها وعرضها ولاحقه ع الزواج

بنات من يجيها نادرا شعور مثلي.....

والله بس نادرا احس هالشي بالذات اذا النفسيه بايضه...