شكلنا جايين من كوكب ثاني الكل يطالعنا؟؟

والله يا بنات اني تضايقت ..حتى بناتي..مع انهم ..8و7,,و5سنوات
لبسي الحمدلله محتشم..وبناتي البسهم ..اكشخ الملابس..والغالي بعد من الماركات...بس يكون محتشم لأن الطفل على ماعودناه عليه ..اذا علمتي بنتك على الحياء والستر..وغرستي فيها هذا الطبع وانت كمسلمه اولا..وعربيه ثانيا..تحكمنا اصول وعادات وتقاليد..بعضهم تقول عقدتي البنت حرام عليك..
اعقد بنتي اني احفظها من كل عين متلصصه ..عين الغدر اللي ما تمييز بين البنت الصغيره والمرأه الناضجه..وشكثر سمعنا عن بلاوي ضحاياها بنات بريئات..
بعض البنات ماشاء الله عليها شكلها وعافيتها توحي انها اكبر من سنها ..تلبس بدي ستريتش وبنطلون ضيق..او تنوره قصيره حتى فخوذها طالعه..والله اني اكتب وانا متقززه من لبسهم..حرام والله اللي اهلهم قاعدين يسوونه فيهم..
انا بناتي ميتين خاطرهم في بنطلون..عادي ..قلت لهم زين بس تلبسونه في البيت اذا ماعندنا احد ولافيه رجل ..بغض النضر عن ابوهم..يلبسون ويلعبون يعني اعوضهم مايحسون بالحرمان..البسهم فستان (كت)بس اتكون زنودهم طالعه ..لاانسق معاه فنيله ..اوبدي..يناسبه حتى اللي عمرها 5سنوات تستحي تطلع بالكت قدام عمها ..او حتىفي بيجامات النوم..
وعندهم عبايات وشيله اذا بغو يكشخون بعض الحزات ..بالفيت حركه..مااردهم..اشجعهم وافهمهم انهم ما يتجرئون على احد..الا محارمهم واحدد لهم ابوهم جدهم عمهم خالهم....الخ
ان مايتجرءون على دريول ..قرايب ..عامل..وغيره.. اعلمهم ان لهم حدود مع كل الناس..كل الناس..
طولت عليكم ..صح بس انا حبيت اعطيكم فكره عن اسلوبي في تربيتي..
والموقف اللي صار لي..
كنا رايحين مول نتسوق بناتي طبعا..كانوا كاشخين بالعبايات..وتحت العبايات فساتين الى نص الساق..
في نفس المكان..وحده ومعاها بنتين لابسين بنطلونات بيض يعني لبسهم الداخلي واااااااااااااضح وملون بعد..ومع الحركه تظهر بطونهم ..ويطالعون فينا ويقولون حق امهم..ماما شوفيهم وش لابسين ويطالعون في بناتي باحتقار.:hahaha:.وحده من بناتي مسكت فيني وانحرجت :(..بس الثانيه طالعتهم وقالت..
ماما هذولا مايستحون يلبسون نفس ملابس الكفار..وهم مسلمين ؟؟:angry2:
والله يابنات فرحت لرد بنتي وانها على ثقه من نفسها وتشجعت اختها من كلامها ..اما البنتين وامهم طالعونا باستهجان..وابتعدو..الله يصلح احوالنا واحوالهم..(وترى تتكرر مواقف مشابهه..)
بنات انا ما اقول لاتلبسون بناتكم ..لا..لبسيهم في الحدود المسموح بها شرعا وعرفا مش لي نص الفخذ ودانتيلات تكشف الاجسام ولبنطلونات ضيقه..ولاكتات..علموهن الحشمه..واغرسوا فيهن الحياء..
احيانا اواجه انتقادات من اهل زوجي بس مااهتم لان سياستي في تربيه اولادي عاجبتني اناوزوجي ومقتنعين فيها..راح تواجهين قيها انتقادات ..منها التعقيد والمبالغه..وانك ظااااااالمه..وحرام عليك..بس العلم في الصغر كالنقش على الحجر علميها الحياء والله ماتدرين تعشين لها بكره ولا..لأ خلي عندها مخزون من الخير..ترجع له وتستفيد منه حتى لو ماكنتي موجوده..