شكلها طلع غير

مرحبًا بنات
قبل فتره كنا ندور لاخوي بنت
اخوي واعرفه زين بكل امانه عنده مواصفات معينه
من ناحية شكل البنت بالعامي نقه بشكل البنت.
غث امي
بمواصفات معينه المهم كانت بنت عمي تدري
بالسالفه قالت ابد ابد
عندي البنت وعندي كثير مقاطع لها
تعالي بوريك إياها هي صديقه بنت
عمي صراحه هالكلام قبل اسبوعين لما شفت
البنت قللللت بسسسسس
هذي المطلوبة
نفس المواصفات واخلاق البنت بكل امانه ماعليها كلام
طلعت اكبر من اخوي بسنه قال عادي ماتفرق السنه
اهم شي الشكل اللي ابيه والأخلاق
قالت لي خالتي شوفيها بالطبيعة طلبت من بنت عمي
قالت خلاص بعزمك انتي وياها
عشان تشوفينها ع اساس اني بعرفك عليها
يمين بالله يابنات وربي واللي خلق سابع سما
اني ماقدرت ولا اتقهوى من الصدمه
البنت اللي شفتها بالطبيعة
غيررررر١٨٠ درجه عن اللي شفتها بالصور بكل شي
بشرتها عدم وسميره
وهي طالعه بالصور صافيه وتلق
اتركو البشره كل شي شي غير
الملامح العيون الخشم الفم رسمة الوجه الشعر
كل ششششششي غير لما راحت
انفجرت ببنت عمي قلت هذي وحده ثانيه موب هي
قامت تتعذر تقول لا يمكن ماتزينت اليوم مره
يمكن عشان ماكشخت
تراها تعبانه شوي !!
انصددددددمت من حركة بنت عمي وكأنها تحرج
ع البنت !!
مانكر البنت تجنن تجنن طيبه واسلوب
والجلسه معها خفيفه
يعني مو ثقيله ابد
لكن الووووووجه غيررررررررررررررر
كل شي شفته لها بالسناب لايمت بالواقع في صله
ليش وش السر يعني بتقولون فلاتر كل الناس
يستخدمو الفلاتر لكن ابد ابد ماتغير كذا
ممكن تغير ٤٠ بالميه لكن مو ٩٠ بالميه !!
مو انسانه ثانيه اللي شفتها
محتاره قسم بالله مدري كيف افاتح اخوي وامي بالموضوع
مادري اقولهم الحقيقة او اسكت واخليه يروح يشوفها
بس اخاف يجي مصدوم ونتهاوش معه اننا احرجنا
الناس واخاف البنت تنجرح والله تعبت من التفكير