بريق الماسه :

شوفي حبيبتي انجيل بحكيلك تجربتي عني انا ... اول ماتزوجت كان وزني بالخمسينات ومع مشاكل اهل الزوج جاتني الغده الدرقية النشطه تحرق بسرعه وزني ينقص مايزيد مهما اكلت ... وبعدها مريت بتجربه متعبه مرض ابوي ومستشفيات وكذا لحالي لحد مالله خذ امانته رحمة الله عليه تعرفين ضروف صعبه مع مرض مع نفسيه تعبانه واحساس بالوحده ... مره زميلتي في العمل جابت ولدها عمره خمس سنين وانتبهت له حاط صبعينه تحت عينه ينزلهم لتحت ويشوف امه ويأشر علي ... حركه لما نبغى نخوف بعض اذا فهمتيها كان قصده يقول لامه عينها تخوف وامه جدامي تقوله لا هذي عاديه بس عينها كبار والتفت لي تقولي قصده عينك طالعه لبرا طيب ... الغده عطتني جحوظ في العين مع ضعف وجهي الهزيل ونشفان بشرتي ( ماكنت استعمل شي نهائي) وسبحان الله مره كنت بالمسجد النبوي مع زوجي وامه انا وهي مع الحريم للصلاه والتفت خايفه من الافريقيات ونفس الحركه والله العظيم سوتها لي الافريقيه تنزل تحت عينها لتحت تعيب علي وغضبانه ليش اني اشوفها ( لبسهم كان غريب) واول زياره لي ماسافرت قبل وكل ما امشي بمكان الكل يشوفني باستغراب وبعضهم يبتسم مستغرب خاصه في اوروبا لاني مالبس غطوه طيب ... مره بالعمل لما ولد زميلتي خاف مني رحت اتوضا للصلاة كالعاده وطول عمرها هالمرايه القديمه موجوده ماشوف فيها لاني ما اتزين هذيك المره قلت اشوف وجهي وركزت يابنات اقسم بالله العظيم اشوف كأن عيني تصغر ووجهي فيه بشاعه وكل مادقق يبشع اكثر واقسم بالله العظيم خفت وبسرعه طلعت من الحمام ... مدري هل اثر فيني نظرات الناس ولا شعوريآ شفت نفسي بشعه او اني ماكنت ارقي نفسي من الظروف الي قلت لك عنها مدري... والناس الي تنفر مني مالومهم وجهي مافيه نقطة حياه توقعت اني ملبوسه لان يقولون الي يتلبس ينفرون الناس منه بسبب الي فيه ينفرهم منه وبديت اقرا على نفسي لحالي بدون اقول لحد لان اصلآ ماعندي حد اقرا البقره والجن وياسين والرحمن هذي كل عصريه قبل المغرب... اخذت علاج للغده وبديت احط دهون لبشرتي الي الاقيه بالجمعية نيفيا وفازلين وزيت زيتون بس مره من التعب في الليل ماقدرت اقرا البقره كامله قريت اولها والكرسي واخرها آمن الرسول وحلمت بين النوم واليقضه اني اروح للحمام احط راسي بالمغسلة واستفرغ ماء اسود وماعدت ادقق بالمرايه اخاف اشوف شكلي ماهو انا زي قبل وعملت ابر نضاره ونسيت معاناتي مع ابوي وركزت على القران والدعاء وكنت معتزله الناس اصلآ ... الحين الحمدلله وجهي مريح ولوني كثير فتح ولي يشوفوني من الاهل ولا صديقات بناتي يقولون لهم امكم كأنها اختكم ... مايبين علي السن ( مع اني عجوز ) حالة صديقتك الظاهر مثلي مع اختلاف الظروف قوليلها ترقي نفسها وتعالج الغده حتى يخف جحوظ العين وتهتم ببشرتها لان النشفان يبشع ويكبر وهذي سالفتي

شوفي حبيبتي انجيل بحكيلك تجربتي عني انا ... اول ماتزوجت كان وزني بالخمسينات ومع مشاكل اهل الزوج...