شكله ورقة طلاقي ح تجيني قريب.....حسبي الله ونعم الوكيل ع الظالم

السلام عليكم ورحمة الله وبركاته.....
انا صار لي متزوجه سنه ونصف وكنت طول هذي الفتره في عذاب وضرب واهانات وكان يمنعني من العمل احيانا مع انه مشروط عليه في عقد الزواج انه ما يمنعني من عملي ..المهم كنت اساعده في البيت واقوم باوموري ملبس خدامه سواق كله عليا ماكان يصرف عليا ولا بشي.....وكان اغلب وقته برا البيت ما يجيني الا وقت الفجر.....المهم قبل اربع شهور انا رحت عند اهلي زياره عاديه يومين وكنت زعلانه منه بس ما قلت لاهلي...اتصل عليا اليوم الثالث وقلتله خليني كم يوم واجي قالي براحتك....واتصلت عليه اليوم الرابع وقلتله تعال خذني قالي خليك ودخول الحمام مو زي خروجه(وانتوا بكرامه)....وانا عندي شرط تبطلي من العمل.....ولا تجين بيتك الا ورقة استقالتك من العمل معاك.......طبعا خليته اسبوع واتصلت عليه وجيته باسلوب رومانسي وكلام انتوا عارفينه...وبرضو كان رافض وكان عند رايه.....واهلي كل هذي الفتره يسالوني اش فيك جالسه اقولهم زوجي مسافر......والله العظيم ما قلتلهم ولاشي.......المهم انا ماني عارفه اش اسوي كلمت ابوه وقلتله ياعم انا ابغى بيتي وما ابغى المشكله تكبر.....كلمه ابوه وقالي ابشري وانا عمك اكلمه.....وعليها لا اتصل ولا شي طبعا مرت اسبوعين علمت اخواني....انقهروا ومن وقتها وقالوا لازم تشتكيه قلتلهم لا استنوا.....المهم جلست الى الان 4 شهور قبل امس واحد من عيلتنا كبير حاول يصلح....قالوله هو واهله نعطيها ورقتها وتعطينا المهر ومالها ولاشي ولا تطالبنا بشي....مع انه اعطيته كثيييييير واعطيت اهله كمان....ولا شافوها لي ولا ذكروا الطيب......حسبي الله ونعم الوكيل
وانا الحين ماني عارفه اعطيله الفلوس طيب وحقوقي!! والا اشتكيه في المحكمه وشوفوا القاضي اش بيحكم اذا قال للقاضي انا ابغاها ويمكن كمان يطلب بزياده!؟
افيدوني الله يجزاكم خير ودلوني اش اسوي........