smail @smail

عضوة نشيطة

شكلي بخربها معااااه واشوووته

بنات انتوا اخواتي والله تعودت عليكم

بعد ما كنت اترك النت بالأيام الحين صرت مستحيل يمر يوم بدون ما افتح هالمنتدى بس

فيه شي مضايقني بقولكم عليه وأعطوني رأيكم

صار لي فتره طويله الحين ما اكلم خطيبي لان طفح الكيل منه

دائما يكذب علي حتى لو بيقول سالفه عاديه لازم يدخل فيها كذب واناطبعا ادري انه كذاب

لاني بنت خاله وفيه امور اعرفها وهو ما يدري بس كنت امشي السوالف مابي احرجه

حتى مره من المرات كان طالع من عندي بيسافر قام يقولي موقف صار له مع وحده بالطياره

وهالوحده هي بنت خالتي لانها برضو كانت عندنا وبترجع على نفس رحلته بس هو مايدري

المهم هو كان حاجز درجة رجال الاعمال وهي كمان نفس الدرجه

قام يجيب سالفه كذب ان مقعده كان جنب بنت وهو رفض يجلس وكلم واحد ثاني يجي مكانه

وسوا فيلم يبي يبين لي انه مو راعي بنات ومن هالسوالف

ولما سالتها طلع كذاب اصلا ما احتك فيها ولا كلمها ومقعده بعيد وماكان فيه بنت الا هي بس على هذيك الدرجه ..
طبعا انا ماقلتله انك كذاب ولا شي كالعاده مابي احرجه

لكن الحين خلااااااااااااااااااااص وصلت فيني للشيطان الرجيم

لان الكذب تطور ماصار في سوالف بطوليه وبس لاااا ..

تخيلوا صار له شهر كل ما جا يوم الخميس من كل اسبوع يقولي انا مستلم بالليل كم ساعه لانه عسكري

ومره قال يوم الخميس بروح زواج صاحبي بالرياض .. قلت طيب ماعندك استلام ؟

قال لا سلامات مو كل خميس يعني اذا استلمت هالاسبوع ما استلم اللي بعده

هو قالها ولا ماقالها حسيت الشياطين تناقز قدام وجهي وقاعده استغفر مابي اقل ادبي معاه

قلتله انت كنت مستلم كل الخميسات اللي فاتت .. قال لا مين قال .. قلت انت اللي قايلي

قام يصارخ (خذوهم بالصوت) ويقول لا غلطانه ماقلتلك اني مستلم ومدري وشو

وانا متأكد ميه بالميه انه كان يقولي مستلم

ايام كان فعلا يستلم بس الايام الثانيه لا ومواقف قديمه خلتني اشك بس بعد مازل لسانه تأكدت

طبعا انتهت المكالمه بهدووء من جهتي مع اني كنت افووور بس مسكت نفسي لانه عصبي ويصارخ بس قلتله
( ماعاد ابغى منك حب ولا كلام حلو ولا دلع ولا أي شي مع اني في فتره يحق لي استمتع فيها بكل هالاشياء بس كل اللي صرت اتمناه منك انك تحترمني وتحترم قدراتي العقليه وتعاملني كانسانه واعيه وفاهمه وترى فيه امور كثيرر عرفت فيها انك كذاب بس كنت اسكت لاني ما ابي احرجك بس الموضوع تطور )
قام يقول انتي لسانك طويل ومدري وشو وما اعطيته وجه وودعته وسكرت الخط
دق علي بعدها وارسل مسجات بس مارديت لحد هاليوم

المهم يابنات .. فيه اكثر من مشكله عندي بخصوص هالموضوع

اولا .. انا انسانه فيني طبع مره مره سيئ وهو اني اذا صار لي موقف من احد لا ارداياً اكرهه بكل مافيني
والله العظيم اني صايره اشمئز منه مو بيدي غصب عني

ثانيا .. انا داائما كنت اقرا مواضيعكم هنا لما تقولون البنت لازم تتنازل وتتحمل وتراضي الرجال وكنت كل مره يغلط اضغط على نفسي واراضيه بس
هالمره مااقدررر لانه حسسني اني معتوهه كل شي ولا الكذب ... كيف اقدر اخليه يتأدب من هالطبع الخاااايسسس ؟؟؟
ما اقدر اتقبل رجال يكذب

ثالثاً .. وهو الاهم والمهم : ليه كان يقول مستلم ؟؟ والله حسيت عقلي بيطير من التفكير ..
لاني كنت اتصل عليه كل وقت سواء قالي انه مستلم او لا واسمع صوت عيال عادي وتلفزيون او يكونون في السياره يتمشون
ويرد علي بسرعه ويتكلم عادي ومافي أي شي يشكك ..
طيب ليه ما يقول انه عند العيال وش المشكله مو لازم يكذب ويقول انه مستلم

بنات من كثر مواضيع الطلاق اللي قريتها هنا صرت اخاف اني ما اتحمل بعدالزواج واتطلق

لازم انتبه اكثر واحدد قراري لان فتره الملكه هي فتره اختبارنا لبعضنا

مو معناته اني احبه ويحبني ونشوف العيوب ونسكت عليها .. معناته مااستفدنا شي من هالفتره
دايم يقول والله ماتلاقين احد يحبك ويموت فيك مثلي
وانا اسمعه وودي اقول مابي حبك مشكور بس لاعاد تكذب علي

وش اسوي ؟؟ انا اعترف اني شكاكه وعنيده وابيع بسرعه يعني مستحيل اتصل عليه هالمره لو يحب كوعه ..
والمشكله على قد ما اتحمل واضغط على نفسي مع اني عصبيه يرجع العيب فيني ويقول انتي لسانك طويل ومدري وشو
احس اني بخربها معاااه بقووووه واشوته وش جابرني اعيش مع كذاب ..

مابي اقول لامي لانها دااائما تحسن النيه بالناس وتلتمس الاعذار لكللللل العالم حتى لو غلطوا قدامها ياعمري عليها

بس ابي رأيكم انتوا لانكم بعيدين عن الموضوع وآرائكم بتساعدني ..ماعندي شك انكم ماراح تخلوني الله لايحرمني منكم

يلزم عليك تسجيل الدخول أولًا لكتابة تعليق.

تسجيل دخول

انثى سعوديه • 12 سنة

ما اعرف اش اقولك
بس الله يهديه يارب
مشكلتك الاولى نفس مشكلتي بقدر ما احب الشخص لما يغلط علي اكرهه بنفس المقدار
ولما يغلط علي احد ما احبه ما يهمني ولا ازعل

وسلميلي على امك نفس اسلوب امي نيتهم طيبه ويحسبون كل الناس زيهم

LOLY moh • 12 سنة

ما احب اقول لاحد انفصلي او تطلقي. بسس أنا صفتين مااحبهااا بالرجال مااحب ((((الكذااااااااب. والبخيل))))
هذا مرض فيه لانه بكل السوالف يكذب حتى على الدوااام. الحمدلله انك لسه على البر ومافي عياال. تقدرين تفكرين كويسس هذي حياتك وزوااج ومستقبل لاازم تفكرين

يطري عليه الوله • 12 سنة

اكرهههه هالصفه بالرجل واذا مانتي تتحملين فالانفصال احسن دامكم ع البر

الكذب مرض وطبع مستحيل يتغير هالشي

الله يهديه

ونصيحه المعامله بالادب والكلام الهادي خليها داااايم براسك لانها هي تغير الرجال وتكسبينه

سهام الغلا 2 • 12 سنة

الصفه هذي متعبه بس حلو انك صارحتيه خليه يعيد حساباته

smail • 12 سنة

سهام الغلا 2 :

الصفه هذي متعبه بس حلو انك صارحتيه خليه يعيد حساباته

الصفه هذي متعبه بس حلو انك صارحتيه خليه يعيد حساباته

تسلمون حبيباتي على ردودكم

هو للامانه كريم مره مره مرررره بس يقهرني لما يكذب
انا فكرت اتركه ومرات اقول لا مابي انكد على امي اكثر كفايه المشاكل اللي هي فيها
ومرات اقول باهدده اني بتركه
ومرات اقول بكلم اخته اللي يحبها
وارجع اقول لا مابي ادخل احد بيننا

في الدقيقه الوحده يطلع من راسي مية رأي ورأي