السلام عليكم ورحمة الله وبركاته
كيفكم ياحوائيات
شكل الحريم الشحاذات اللي يدورون بشرق الرياض رنوا علي الجرس وأنا بجنوب الرياض
اليوم العصر وأنا قاعدة بالمقلط دق الباب وركض ولدي على الباب وجاني يقول يمه أم خالد الحربي تقول حنا جيرانكم
وراح وقال ماعندنا جيران بها الاسم طبعا لمابلغته لكن عادت وقالت إحنا جيران جدد
طبعا خفت ودورت على جوالي ودقيت على زوجي وقال ما أعرف جيران بها الاسم بس انتبهي ترا المجلس فيه أغراض توني حاطها تبع التحفيظ عبارة سماعات كبيرة وقاعداتها ومادريت إلا وهم مدرعمين علي بالمجلس
وقعدت أرتبها واعتذروا مني إنهم جوا بدون موعد مسبق وحلفت وحده منهم تساعدني
وبعدها رحت للمطبخ أقوم بواجب الضيافة وأسوي لهم قهوة وأردد الأذكار اليومية ومافيه دعاء حفظته إلاقلته
وقلت في نفسي الحراميات البنات اللي نبهوا عنهم في شرق الرياض المهم قالت إن زوجها ميت وهذي أختي أقصد أمي ههههه
وإيجارناخلص وباقي لي ألفين وأهل الخير حجزوا لي لأهلي على المدينة وأنا حربية من حروب جدة ونازحين للمدينة المنورة
وجيرانكم حبوبين وأعطونا حدود 800ريال
وقلت انتظري لمايجي زوجي ويعطيك المقسوم قالت وراي رحلة بالطيارة ما أقدر أأجل أعطيني أي شيء عندك
لو شي بسيط الشيء يجتمع على شوي شوي
وفكرت ما أعطيهم شيء بس خفت يسوطوني بقاعدات السماعات وأروح فيها
قلت لهم مافيه غير الشغالة أخذ منها وتسلفت منها 100ريال
وهم طالعين قالوا مين أحسن جيران عندكم قلت ما أعرف أحد
وحسيت إنهم حرامية شرق الرياض وقلتلازم أخبر حبوباتي بنات حواء وبالأخص اللي ساكنين بأحياء جنوب الرياض
همم 105 @hmm_105
محررة
يلزم عليك تسجيل الدخول أولًا لكتابة تعليق.
همم 105
•
الله يسامحكم 40 مشاهدة ولارد
الصفحة الأخيرة