🧠 شكل جسم ابني بيتغير.. أتكلم معاه؟

🧠 شكل جسم ابني بيتغير.. أتكلم معاه؟ ولا هو هيفهم مع الوقت كل التغيير اللي بيحصل له؟اغلبنا متخيل أن العلامات الأولى لما طفلك بيبدأ مرحلة المراهقة أن بس صوته هو اللي بيتغير وبيبقى حشن وبالنسبة بقى لجسمه فيطول حبة وخلاص،لا مش كده وبس العلامات الحقيقية هي من افكار عن جسمة ومشاعره وخوفه أو خجله إنه يسأل عنهم، وتوتره من اللي بيحصل له، ورغبته يعرف من غير ما يحس بالذنب او انه مش مؤدب.كتير من الأهل بيفكروا: يقولوا "نسيبه يكبر وهو يتعلم لوحده.. الزمن يعلمه"لكن الخطورة؟ إن الزمن ممكن يعلمه صحيح بس بطريقته القاسية والغير أخلاقية، من أصحاب، من الإنترنت، من تجربة جارحة تاخده لخطورة أكبر.علشان كده لازم من الحوار الآمن في البيت ده مش رفاهية، ده "درع حماية".تأكدوا إن لما الأم أو الأب يبدأوا حوار ولو بسيط بـ:"شايف إن جسمك بيبدأ يتغير ماشاء؟ لو حبيت تسأل عن حاجة او تفهم أي أنا جنبك" متقلقش هجاوبك لأني مريت بيه قبلك وفاهم انك ممكن تحتاجلي،اكيد ده هيطمنهم ويقربهم منكم أكتر، بنتك هتحس بالأمان، وابنك هيبطل يخبّي، والمعلومة هتوصل بأمان وبشكل صح ومن قلب بيحب مش من مصدر عشوائي ملئ بالتشوهات المعرفية اللي بتشكل خريطة زهنية مشوهة عن العلاقات والمشاعر وغيرها.خليك عارف أن مفتاح المرحلة دي: تفهّم + احتواء + معلومة صحيحة = مراهق واثق من نفسه ومحمي.ارجوك ماتخليش الموبايل أو صديق قليل الخبرة يسبقك في تربية ابنك.ناقش و اتكلم.. حتى لو حسيت إن الكلام غريب عليك، حاول تتفهم مشاعره وتحتويه هو محتاجك أكثر من أي وقت.#تغيرات_المراهقة_أمنيةمحمد#تربية_واعية_أمنيةمحمد#الحوار_مع_المراهق#الإرشاد_الأسري#أمنية_محمد_استشاريةإرشادأسري#جسم_ابني_بيتغير#جرعة_راحة_أمنية_محمد