بسم الله الرحمن الرحيم
السلام عليكم ورحمه الله وبركاته
\\
\\
اللهم لك الحمد من قبل ومن بعد ..
انا لي سنتين و4اشهر متزوجه وكنت اتمنى فيها الحمل لتكمل سعاادتي بطفلي اللي احلم فيه
اول ماتزوجت اكلت مانع الحمل لمده 7 اشهر وتركته بعد ماتركته كنت اترقب للدوره جلست يمكن سنه وانا انتظر الحمل
وماصار فوكلت امري لربي وعشت حياتي وصارت اذا جت الدوره امر طبيعي وعادي بس يوم جا رمضان اللي فات
رحت مع اهل زوجي للمدينه طوال ذيك الايام وهم يقولون تراك طولتي ونبغى طفل نلعب معاه وكذا وانا اضحك واقول لاحرام لسى مابعد استانست يوم رجعت لبيتي حسيت بنفسي واني احتاج طفل بحياتي لان دوام زوجي 10 ساعات وينام بدري
وانا ادرس جامعه انتسابب يعني الطفش اكلني اكل فكنت ادعي ربي طوال رمضان ان ربي يرزقني حتى وصيت والديني يدعون لي تعرفون دعوه الوالد لاترد فلما جاء شوال وجات الدوره جلست ابكي بكاء عجيب وضيقه صدر مايعلم فيها الا الله
واللي متاخرات بالحمل بيحسون فيني لكن العجب انها نزلت على شكل نقاط بنيه اكرمكم الله استغربت لاني متعوده قبل كل دوره يجيني كدره بعدين تنزل طبيعي ومنتظمه بعد الحمد الله لكن هالمره قلت شكل فيني ضعف شديد بالتبويض حتى اني رحت بشهر 7 اللي فات للدكتوره وطلبت مني تحليل دم وقالت لي تعالي ثاني يوم من الدوره ولا رحت لها بس سويت تحليل الدم تحليل الغدد ومادري وش بعد وحتى زوجي سوى التحليل والحمد الله سليمين
واروح للدكتوره واقولها اني ابغى شي ينزلها قالت لاكيف لازم تحليل الحمل قبل
قلت اوكي وكان لي 5 ايام من الدوره المزعومه وصار التحليل 50% حمل يعني ضعيف
قالت تعالي الاسبوع الجاي ان شاء الله ترتفع النسبه رحت لها والحمد الله وصل 600 نسبه الدم
وسويت سونار ولا بان من السونار الخارجي الين سوت سونار داخلي وبان لكنه كيس فقط
وكان معاي كدرره بنيه وطلبت منها حبوب تثبيت علشان الدم ورفضت قالت يمكن حمل خارج الرحم
زوجي طاااااار من الفرحه لكن انا حاسه انه موب مكمل مافرحت كثير لكن تفائلت خير
وبدا الوحم معي غثيان ودوخه بس وارق فضيع ومغص شديد وجلست اسبوعين على هالحال يوم جا الاسبوع اللي قبل اجهاضي حسيت اني بخير توقف الوحم والدم وحسيت اني خفيفه حتى نسيت نفسي وماخليت مكان مارحت له وواكرف في بيتي حتى بيتي دور علوي <<<اتوقع كان عدم راحتي على فراشي هو سبب اجهاضي
الاسبوع اللي بعده اللي صار فيه الاجهاض كان لي 8 اسابيع نزل مني دم طوال الاسبوع رجع الوحم والمغص اشتد علي كثير حتى كنت ابكي
رحت يوم الثلاثاء اللي فات وسويت سونار علشان بتشوف ليش الدم للحين ينزل مافيه نبض ولقت كيسين واحد صغير واحد كبير قالت والله اعلم ياما حمل خارج الرحم وهذا الجنين تقصد الكيس الصغير او كان بيكون توئم ولا كبر الكيس الثاني او عندك تكيسات وخلينا نعيد التحليل علشان نشوف النسبه هل ارتفعت او لا ؟؟
انا طلعت من عندها ولا سويت التحليل ركبت السياره وهاتك ياصياح زوجي ساااااااااكت انفجع وماالومه صراحه
ورجعت البيت وحاكيت امي ووامي قالت هالدكتورات يلعبون عليك ارتاحي بس وان شاء الله يبان اصلن تووك
ونمت وقمت الساعه 12 الليل من شده المغص وضليت طوال الليل وانا اتقلب بفراشي من المغص اللي فيني تقل ولاده
وحسيت بشي ينزل مني واطير على الحمام وتنزل مني قطع كبر حجم اليد الله يعزكم وانفجع واطلع مذهوله واركض اصحي زوجي وانا ابكي واقوله اجهضت من الربشه قالو وين بشوفه واجلس اصارخ عليه اقوله انت صاحي وش تشوف
تشوف دم هو على باله جنين يعني كبير بعدين استوعب السالفه وجلس يقرا علي واروح الساعه 7 الصباح للمستشفى لانه زاد علي المغص واجلس عندهم يوم ونص واهروني بكثره المغذيات والمضادات ووسوو لي سونار فقالت الحمد الله مايحتاج تنظيف ووسالت شيخ قال لاتصلي مايعتبر نفاس واجمع صلوات يوم كامل لاني تعبااانه حيل مااقدر احرك يدي
والحمد الله على كل حال اجهضت في يوم الاربعا 19\11\1431هـ وبأذن الله مايحول الحول الا وانا بغرفه الولاده اطلق ياررب انا وكل المحرررومات من الذرريه
خالتي ام زوجي طقتهاا الغلقه شوي وتبكي يوم درت وحتى بغت تكفخ زوجي لانه طلبت منه يحطني عند اهلي ارتاح ورفض والحين متحسف يقول المره الثانيه بحطك الين توولدين
والحين لي 6 ايام على فراشي ومازلت انزف دعووواتكم لي بالشفاء العاجل والعووض من ربي
وانصحكم بتكرير اللهم اجرني في مصيبتي فاخلف لي خيرآ منها يارب انا وجميع المجهضات والمحرومات يارب
حتى صار لساني يقولها تلقائي لاشفت القطع تنزل مني وانا بالحماام الله يعزكم يارب رجوتك ان ترزقني بالذريه الصالحه
المصلحه اللي تعيد للاسلام امجااده احفاد الرسول والصحابه الاخيار يارب
عندي كم سؤال ..\متى ينتهي النزف اللي معاي ؟؟يعني يطول ؟ كم يجلس ؟؟
\بطني للحين منتفخ يعني كاني حامل متى يرجع لطبيعته ؟؟لاني ناويه على دايت بأذن الله
\وكم اجلس بعد الاجهاض اتفادا الحمل فيه ؟؟
\وهل اللي تحمل بعد الاجهاض تكون مهدده بالاجهاض مره ثانيه ؟؟
يارب رحمتك ..
اسفه اذا طولت عليكم لكني عديتكم اخوات لي وحبيت افضفض باللي بداخلي وطاامعه بدعوااتكم لي
يلزم عليك تسجيل الدخول أولًا لكتابة تعليق.
ياقلبي الله يعوضك خير يارب ان شاء الله حول هالسنه الا وضناك في حضنك ياكريم
والحمدلله على سلامتك
والحمدلله على سلامتك
الصفحة الأخيرة
وان شاء الله تقومين بالسلامه