لا تغصبين نفسك عليه إذا ماحبيته ترى بكره بيصير زوجك ويقابلك ٢٤ ساعه وعيالك بيشبهونه لذلك فكري بعمق لا تظلمينه ولا تظلمين نفسك 🌺 الله يوفقك 🌺

شوفي اذا عجزتي تقبلينه من الحين لاتتزوجيه
لانك لايمكن تعطينه حقوقه وانتي مو متقبلته
واللي يقولك اهم شيء معدن الرجال بس انتي عجزتي عن تقبل شكله لاترتبطين فيه نصيحه
صحابيه زوجة ثابت بن قيس جاءت عند النبي عليه الصلاة والسلام قالت يارسول الله فيما معنى الحديث والله ماأعيب ثابت بن قيس لكني اكرهه
طبعا ثابت بن قيس له مكانه عند النبي رفيعه ومشهود له بالجنه لكن المرأه عجزت تتقبل شكله ومع ذلك ماغصبها النبي وقال النبي لثابت ردي عليه حديقته وتطلقها تطليقه
بمعنى خلعت زوجها عند النبي بسبب شكله ومع ذلك ماقال لها النبي شوفي اخلاقه او اقنعها
طبعا ثابت بن قيس كان دميم الخلق جداً
وشافته بين اصحابه وعافته
شوفي أدب الدين وسماحته مايغصب المرأه على شيء
لو حنا بمجتمعنا كان قلنا لها اصبري عليه هذا مشهود له بالجنه هذا صحابي النبي ومن هالكلام
لكن عليه السلام يراعي النفوس والمشاعر صلى الله عليه وسلم

استخيري


دامك لسه على البر ومو متقبلته لدرجة سكين تحسيها بقلبك على قولتك اللي خلقه خلق غيره لاتحاولي تقنعي نفسك وتغصبيها ولما يصبر عندك كوكش اطفال تقرري


كثير مواضيع قراتها هنا كثيرات حاولو يقنعو نفسهم وانها بتحبه بعد الزواج وصبرت حتى صار عندها اطفال وماعاد تحملت التمثيل ولاهي قادره تكذب على نفسها اكثر لانها وبعد كل السنوات ماتقبلته وتبغى تنفصل


استخيري وقرري واتبعي احساسك

اذا مو عاجبك ارفضي خلاص توك ع البر

في وحده مره تشتكي وزعلانه ان شكل بنتها المولوده يشبه ابوها لانها من الاساس مو مقتنعه بزوجها اذا مافي قبول مانصحك تكملين انتي ادرى بنفسك