شكواي لله سبحانه ثم لكم..انا في ورطه..

السلام عليكم ورحمة الله ..
بدخل في الموضوع على طول ..انا رحت لمشغل وصبغت شعري بس اول ما رجعت البيت تفاجئت ان الصبغه شاذه بالنسبه للون بشرتي مع اني بيضا..المهم ثاني يوم ركض عالمشغل عشان اعدل اللون عاد صاحبة المشغل قالت لازم ادفع من جديد ثمن صبغه جديد قلتلها ما عندي الحين فلوس لأني ما كنت ادري انو لا زم ادفع على بالي بعدله ببلاش..قالت لا لازم المهم كان عندي عقد ذهب بالشنطههديه من امي قيمته 5500 تقريبا كنت بوديه محل الذهب يشد من منطقة التقفيل لأني كنت اخاف يطيح مني بدون ما انتبه..قلتلها خلاص خذي العقد رهن لين بكره اجيب الفلوس ألي هي 200 ريال..
قالت طيب وكتبتلي ورقه بأن العقد رهينه لحين دفع المبلغ الي هو 200 ريال.. وعدلت شعري وطلعت..ثاني يوم انشغلت كثير مع التجهيز للسفر ونسيييييييييييييت امر العقد..
وبعد شهرين بعد ما رجعت من الأجازه رحت ركض عالمشغل عشان آخذ العقد وبسافر الرياض لمدة سنتين لأن زوجي عنده ألحاق هناك ..وتفاجئت انها تعاتبني تقول انا اصلا شكيت ان العقد ذهب لأنك تأخرتي وعشان كذا ما اهتميت وحطيته بالدرج حق المكتب ومدري وينه..
عاد انا قمت احلف انه ذهب وشرحتلها سبب التأخير بس هي انكرت وقالت يمكن العاملات وهم ينظفون احد فيهم اخذه..قمت انا اعاتب والوم وهي قامت تنكر وتقول انا ما آكل حرام ببطني ومن هالكلام..
طلعت من المشغل بحسرتي وانا ادعي ان الله ياخذلي حقي منها..
وكذبت على زوجي وقلت ان العقد عندها بالبيت وبعدين بمر آخذه..
زوجي نسي امر العقد بذيك الأيام وانشغل بالتجهيز للنقل للرياض..
والحين وبعد ما رجعنا للشرقيه زوجي صار يسألني عن العقد ويقول متى بتروحين تاخذينه..عاد انا علمته بالحقيقه..
زعل وقام يقول انه بيشتكيها..عاد هو استشار واحد من قرايبنا يفهم بهالأمور قال منت مستفيد شي من الشكوى الا س و ج عالفاضي والورقه مو دليل ضد الحرمه..

هذي مشكلتي وانا بحاجه للعقد وحتى لو ماني بحاجته انا صاحبة حق وابغا حقي..

تكفون اللي عندها راي او مشوره او تقدر تساعدني لا تقصر..

الشكوى لله سبحانه..