عندي لكم موضوع ، والموضوع منقول من برنامج عايشه اليحى ، ونقلا عن اختي الكبيره ، سمعوا شنوا قالت عايشه اليحى .
قبل كان في البيت تلفون واحد ، والواير طوله 100 متر ، ومحطوط على سله معقله بالطوفه ، وهالتلفون من دار الى دار ، واذا احد قعد يتكلم بالتلفون محد يسمعه مع الصيحه والسوالف ...... الخ
وفي حرمه اتصلت عليي تشتكي وتقول : يوم الزواره ... اللي عنده اي فون واللي اي بود واللي عنده لاب توب وهذه منخشه بالدار واللي لاصق بالطوفه يتكلم بالتلفون ، واللي حاطه الايفون وتضحك بروحها جنها مينونه .... وانا قاعده حاطه ايدي على خدي محد يسولف معاي .... ال
طبعا عايشه اليحى قامت تطب بالشباب ... يلي ما تستحون على ويهكم .. هذه جدتكم .....الخ
هالسالفه تقريبا تشابه سالفتنا يوم الزواره ، عيال خواتي كلهم على عين ايفون واي بود وحتى انا عندي اي باد و اختي الصغيره عندها ايفون 4جي .
**********************
وكان زين بس مع الاهل ، حتى بالدوام تلاقيني امقابله الانترنت وصديقتي مجابلتني ، واطالعني واهي ساكته ، احس اني منقصه بحق صديقتي ، واذا تبون تعرفون اكثر ، سوالفي معاكم في المنتدى اكثر من سوالفي مع صديقتي .
السؤال
اتهقون ان هالعاده منتشره بين الشباب ؟ وهل انت من بينهم ؟
لاكن في ناس كذا من هالنوعية ماشافت خير تلاقيها مبحلقه عيونها بالنت والجوال اربع وعشرين ساعة ولاهامها احد
تشكراااااااااااات على الموضوع النايس