شكيت لأمي الحبيبة وندمت

بعد حرب نفسيه وعذاب كم سنه اخير تشجعت ورحت بيت اهلي طالبة للانفصال او الخلع
طبعا علمت اهلي بكل سواياه ع اساس واقفين معاي وماقصروا فيه والحمد لله تم الخلع


لكن ياحبايبي امي الحبيبة الله يهديها على كثر ما اوصي عليها الا انها ماتقدر تمسك لسانها وعلمت جداتي وعماتي واي احد يتصل يسأل عني عندامي شرحت له كل كبيرةوصغيرة وعليها شوية بهارات يعني نشر غسيل للناس وانا والله ازعل وماودي تقول شي او تدعي عليه خلاص علاقة انتهت بخيرها وشرها والله يعوضني..
اوقات بكون تونيى صاحية من النوم واسمعها تكلم فلانه وعلانه. والا جالسه بالمجلس وماعندها سيره الا انا وياه فضحته وفضحتني بين الناس وانا قلبي مقهور اقولها تكفين خلاص انا ما ارضى تتكلمين فيني وهي تبرر تقول لازم اعلمهم علشان الناس لايفكرون انك انتي الغلطانه
والله ياربي انا جدا متضااايقه لدرجة كرهت اني اطلع للناس او ارد اذا احد اتصل فيني مابغي احد ينظر لي بشفقة او يدلي برأيه الي فيني مكفيني وش رايكم يابنات كيف اقنع امي تتوقف عن الكلام والله عجززززت الله يصبرني بس... اللهم لك الحمد اللهم اجرني في مصيبتي واخلفني بخير منها ...