شلالات من الظلم تصب على راسي

يابنات انا انسانه مستهدفة بالظلم ,,,,,,,,,,,,,, الجميع يظلمني ولاادري ليه

والله تعبت من الاحساس بالقهر والظلم وخاصة اني عاجزة عن الدفاع عن نفسي

لي اكثر من 10 سنوات وانا واقعة تحت ضغط الظلم ,,,,,,,,,,,,, انظلمت سابقا من زوجة ابوي وبعدها من اخواني من ابوي وبعدها من ابوي نفسه بعدها انظلمت من اخوي وبعدها من امي وبعدها ظلمني شخص لااعرفه وطلع عني اشاعات سيئة وبعدها انخطبت وابتديت افرح واتناسى الماضي وفجأة بدأ خطيبي يتطاول علي ولما كبر الموضوع ظلمني وقال اني تصرفت تصرفات وانا والله ماسويتها واستمر في ظلمه لي ونشره للاشاعات وفكيت الخطبة وابتدت سلسلة الظلم تعود مره اخرى من والدي واخواني ,,,,,,,,,,,,,,

لاتعتقدون اني واهمه لأن كل اللي حولي مدركين الظلم وخواتي اللي يعرفون تفاصيل حكايتي مستغربين من تعرضي للظلم بهالطريقة واي شخص منصف يدري اني مظلومة

وش اسوي بعمري ياعالم :icon33:

مشكورات على ردودكن بس ماتتخيلون كيف الاشياء والمواقف اللي مريت فيها

اشوف اللي حولي يتعرضون لظلم من شخص واحد او فترة بسيطة وينتهي الامر

لكن انا وضعي غررررررررررريب اللهم لااعتراض

ابغى الوحده منكن تتخيل ان زوجة ابوها تظلمها وتلفق لها سالفة انها شافت شاب طالع من بيتهم وانه اكيد انا المسؤوله وتكبر الحكاية ويعرفون اخواني وخخواتي وابكي واحلف على المصحف وتنتهي القضية بدون ايقاف لها عند حدها وكأني فعلا انا المذنبة واطلع من هالسالفة كسيرة حزينة وبعدها تظلمني اختي من ابوي اني اسعى لافساد زوجها عليها وتصير حكاية والكل يصدق واطلع من هالسالفه كسيرة بائسة وبعدها يتهمني ابوي اني سرقت اوراق مهمه له وبارود وابكي واحلف وتنتهي السالفه وارتاح ايام وتتهمني امي اني اسرق مفتاح الخزنة منها وابكي واتاثر وفجأة يتهمني خطيبي اني اغازل غيره وان واحد قال له عن علاقة تربطني بشاب وقال لي اسمه والله اني اول مره اسمع هالاسم وفكينا الخطبة واليوم يتهمني اخوي اتهام جديد ........

احس انكم ماراح تصدقون لاني انا ماني مصدقه ماادري وين اروح ولمين اشكي

تعباااااااااااااااااااااانه يابنات ادعوا لي ربي ينصرني عاجلا غير اجل ..