حلا الشام :

خير انشالله حبيبة قلبي والله زعلتيني عليكي طبعا أكيد هذا من السهر والله يا حبيبتي السهر بهد الجسم هد اسأليني الي, أنا قضيت نص حياتي وانا أسهر لوقت صلاة الصبح بفرد سحبة وأحيانا ما نام للسبعة الصبح والله لا يورجيكي كيف فيق تاني يوم, ما أقدر أعمل شي أبدا من كتر مو جسمي مكسر تكسير والله حس مخي ما عم يستوعب وكسل و وخمول واخر شي قلق فظييييييع بالليل حتى وانا بالدورة ما أقدر نام طبعا من كتر مالي فايقة متأخرة وطبعا هذا الشي بزيد التفكير السلبي وووالخ وحتى دورتي كانت احيانا تتأخر أو تجي قبل بوقتها لانه السهر بأثر على الهرمونات كمان....بعدين قد ما الواحد نام بالنهار ما بيشبع نوم ليش لانه بالنهار ما بيوصل الواحد لمرحلة النوم العميق ويلي هي أهم مرحلة بتريح الجسم والمخ لذلك لو نمنا كل النهار ما رح نشبع بينما ساعات قليلة بالليل بفيق الواحد نشيط منها وأهم وقت للنوم هو من 10:00-3:00 ليلا يعني انتي ما عم تاخدي ولا ساعة منهن... سبحان الله الله خلقلنا الليل لنام فيه ونقوم جزء منه اذا كنتي حابة تقومي الليل لازم تنامي 10 أو 11 بالليل بالكتير وتفيقي مثلا 3 او 4 الصبح وترجعي تنامي بعد صلاة الصبح او الضحى بس وقتها شو بتكوني أخدتي قسط من ساعات الليل....والله انا ياما كان جوزي ينصحني ومارد عليه بس كنت فعلا يامن تراني مزعوجة وعلى طوووووووووول مكتئبة ومتضايقة....ضليت كذا سنة على هالحالة بحجة اني اذا نمت مستحيل فيق على صلاة الصبح بس بعدين قررت غير كل أسلوب حياتي صرت رجع نومي كل يوم ساعة لحد ما وصلت للساعة 12 او 11 بالليل وصرت عير الساعة وفيق متل كل هالناس على الصلاة, اولها صرت ما أعرف أرجع نام بسهولة بس بعدين اتعودت وفرقت جسمي ونشاطي من الأرض للسما وحتى ما كنت أقدر ألعب رياضة من الخمول بس هلأ الوضع اختلف ومابتصدقي قديش صرت انزعج اذا فقت بعد الساعة 10 الصبح...أما برمضان بصير بنام ابكر من العادة وفيق على التهجد كتير ممتع انك تنامي وتفيقي برمضان على القيام بعدين بتسحر وبصلي الصبح والضحى وبرجع بنام...لا تقولي مستحيل والله ما كان في حدا قدي بيسهر وضليت سنين حتى قبل الزواج وكل الناس كانت حافظتني اني ما بفيق قبل 2 الظهر بس ألف الحمدلله الله قدرني وخلصت من هالنظام....عن جد حبيبة قلبي حاولي تغيري نظامك ومتل ما قالت حبيبتي أم علي هذا بأثر على الحمل بكرى انشالله لتحملي ما احلاكي تسهري طول الليل..ديري بالك على جسمك وصدقيني اذا جربتي تنامي بكير وتفيقي رح تحسي بفرق رهيب بالجسم والنفسية...طولت عليكي بس انتي غالية علي كتير ونفسي تكوني دايما بأحسن حال.....:) الله يشرح صدرك ويسر أمرك ويبعد عنك الأمراض النفسية والجسدية ويرزقك بالحمل الثابت السليم هالشهر اميييييين يارب

خير انشالله حبيبة قلبي والله زعلتيني عليكي طبعا أكيد هذا من السهر والله يا حبيبتي السهر بهد الجسم...

kid_admirer :

حلا الشام كيفك حبيبتي ان شالله منيحة يارب انا بدي خبرك على قصة واقعية منشان يضل عندك امل في واحدة زميلة مرت اخو جوزي بالشغل كانت ما بتخلف لمدة 13 سنة تقريبا والسبب انها عندها ثقبين بالرحم بس كل شي عندا منيح وهند جوزها بس هولي الثقبين يخلوا حدوث الحمل من رابع المستحيلات ولا حتى بالحقن المجهري وهيك المهم ما في غير انها تستأجر رحم وهيدا طبعا مابيجوز بديننا وان كان الان في فتاوى جديدة تجيزه المهم سلمت امرها لله واعدت نفسها في عداد العقيمات بلا امل وفجأة لاقت حالها حامل تخيلي وتوقع الاطباء عدم استمرار الحمل ولكن ارادة الله سبقت وغلبت كل التوقعات استمر الحمل لتسع شهور وجابت صبي سليم معافي متل القمر والله يخليلها ياه ويقر عينها فيه يا حلوش مهما صار الله غالب على امره وكلي امرك له وان شالله سينصرك الله تعالى اخد عهد على نفسه وقال بالحديث القدسي ( وعزتي وجلالي لانصرن من لا حيلة له حتى يتعجب اصحاب الحيل) والله تعالى هون اقسم بذاته فأكيد سيبر قسمه انه لا يخلف الميعاد سبحانه يارب اسمع منك خبر الحمل قريبا ان شالله انتي وكل البنات الطيبات يارب

حلا الشام كيفك حبيبتي ان شالله منيحة يارب انا بدي خبرك على قصة واقعية منشان يضل عندك امل في...