صباح الخيرات أو مساء

جيت وكلي لهفة وشوق لأهل الذوق ولأحلى وأطعم وأرق شلة في الوجود.

أنا الحمدالله بخير وصحة ومنوة بعد بخير وصحة الحمدالله

وأولادي أمتحاناتهم ماشية بكرة أخر يوم لأثنين منهم واللي بالتوجيهي يوم الأربعاء وهو اللي أنا شايلة همة وهم نسبتة ومستقبلة كلة يعتمد على النسبة أدعوا له يأخواتي الله يجزكم خير .

أخوتي أسفة على الأنقطاع بس ترى أنا قلت لكم قبل لأنقطع يعني يامديرتنا مايحق لك أن تخصمين علي !!

أفا أفا الصراحة جاني أحباط من الملف وش فيكم بسم الله عليكم !!!!!!!!!!!!!!!!!!!!!!!

ليش كذا بس من الظهر كاتبة وماحد رد علي الى الأن .

بصراحة شكل ملفنا طقتة عين ماصلت على النبي !!لاحول ولاقوة الابالله .

ماتدرون أنا وش سويت علشان أسدد فاتورة التلفون وكل ذا علشانكم أنتم بس والله ثم والله. وأخر شي أجي ألقى الملف 14 صفحة بس !!! بعد ماكان يوصل ل 40 وزيادة ونظطر نفتح ملف جديد من كثر الصفحات .

على العموم أنا بسافر يوم الأربعاء الى مكة أعتمر مع أولادي أن شاء الله .ومن ثم لجدة وبعدها الطائف .بس مارح أطول علشان زواج بنت أخوي .بيكون في أخر شهر 5 الهجري .بصراحة تمنيت أن تكون وحدة من جدة معانا في الملف علشان أقابلها هناك .

أمهات بحكيلكم عن مواقف أولادي الشهمة معاي وتعاطفهم معاي من كثر ماشافوني وشلون مشتاقة لكم وأبغى التلفون يتسدد بأي طريقة .
ولدي الثالث كلم أبوة يوم الثلاثاء وقالة سدد التلفون أبوة حب أن ولدة يتعلم كيف يودع بالبنك ويتصرف عطاة فلوس وقالة رح أنت سدد وأخذ بطاقة ولدي الكبير (سامبا)وراح لكل الصرفات ولقى الأيداع متوقف .وقلت لها خلاص عطني الفلوس وأنا أسدد عن طريق التلفون .وحاولت وطلع لازم أسدد عن طريق الصراف الألي أولا علشان ينضاف الى رقم الحسابات .ورحت اليوم اللي بعدة وطلع بطاقتي منتهية لأزم أجددها .وراح ولدي الكبير اليوم اللي بعدة ومر على صرافات الراجحي كلها وسامبا علشان يودع ثم يسدد ونفس الشئ كلها الأيداع متوقف .وكلمت بنت عمي علشان تسدد لي وبعدين أعطيها المبلغ نقدا وطلع حسابها مايكفي .وصار فيني أحباط وشوق لكم مابعدة شوق وكل أشوي أقول لأولادي الحين وش أسوي بلقى الصفحات أكثر من أربعين وشلون ألحق أقرها كلها .ولا أكيد أفتحوا ملف جديد . وأولادي شالوا همي وهم أمتحانتهم .ياعمري عليهم .
واليوم الحمدالله أنحلت كل المشاكل رحت للبنك وتصدقون لقيت بطاقتي الجديدة جاهزة بنفس الرقم السري .وقلت للموظفة وش داركم أن بطاقتي أنتهت ووش داركم بلرقم السري قالت نعرف متى تنتهي ومجهزين لكل العملاء بطاقتهم .قلت لها والله تكلنوجيا عجيبة ومريحة .أنا كنت شايلة هم أني بطول عندهم وأنهم بيقولوا لية تعالي أستلميها بعدين والفرع حقي بعيد عن بيتي فرع الملك فهد بس الحمدالله .

واة لو يدرون أولادي عن مخي المتنك أحيانا أنا عندي حسابين الحساب الأول فية مبلغ بسيط وبطاقتة مو منتهية والحساب الثاني فية البركة وبطاقتة منتهية وكنت أقدر عن طريق الهاتف المصرفي أحول مبلغ الى الحساب الفاضي وعن طريق بطاقتة أسدد بكل سهولة !!! لكن المخ أحيانا لاتنك تنك رغم أني فكرت كثير بأي طريقة لتسديد رغم أن عندي جوال مافية أي مشكلة بالنسبة للمكالمات بس كل ذا علشانكم .وأخر شي ألقى 14 صفحة بس حتى حكيت أولادي أني لقيت بدل 40 القى 14 وقالوا ذبحتينا ودوختينا وهذي أخرتها .وقعدت أبرر لهم أن ريح النفل مشغولة بالسفر وخلود سافرت لأهلها ونست المحمول .وألفراشة زوجها وبنتها مرضانين (الحمدالله على سلامتهم )مايشفون شر .

ام رسيل..ياكثر الوظايف بالشكل بس لاجيتي المضمون مافي شي يناسبني
انا بنك او مستشفى زوجي مايرضى..بالنسبه لي المدارس الاهليه تعطي رواتب تافهه1400 او 1500
والمدارس الراقيه السنعه((تبي واسطه)) زي دار العلوم والرياض والرواد وووو غيرهم
وهاذا انا صابرة ومنتظرة الفرررررج..

والله وديت بنتي الطبيب امس وقاللي لاتعطينها خافض الا لو زادت حرارتها عن 73.3 يعني اقل من كذا استخدمي الكمادات او الحمام بسسس (( بغى ياكلني يوم عرف اني عالمخفض الحراره 4 ايام))
يقول مضررر كثرته:( طيب وانا وش دراني قلتله انك انت يوم اجيك الاربعاء يادكتور قلت استخدمي الخافض عند اللزوم ((وانا ماديه الواجب واكثر))

بالنسبه لاذنها ابشرك راح الالتهاب..وشدد علي وحرررررص اني ماحاول انظف اذنها من الداخل يقول ممكن تتسدد بسببي والاطفال صعب يتعمل لهم تنظيف للاذن مثل الكبار..

واعطاني قطرات للانف يقول مره بالصباح كل يوم 40 يوم..بقولك شي بنتي على هالقطراااااات من يوم انولدت بس تتغير الماركه او النوعيه؟؟؟؟؟؟؟؟ يوم قلتله مضر عليها كذا؟؟قال احس لها عشان لايتكون عندها بلغم بالصدر؟؟؟مدري وش العلاقه..مع ان بنتي مره جتها كحه ببلغم وهي باخر النفاس ومره وعمره شهرين ونص..يمكن اجراء احتياطي..
---
الفراشه..والله انا عمري23 مواليد 1404
بس اتوقع دراسه القانون طويله؟؟ انا دراستي 4 سنين بس..
--

اهلين اماني من طول الغيبات جاب الغنايم:) عالبركه انتهاء الاختبارات للبعض وقرب انتهاءها للجميع..
حتى اختي شهاده ثانوي الله يوفقها ويوفق ولدك امين ياااااااااارب..
والله النسب كل سنه ترتفع مدري على وشو؟؟؟؟ انا اشوف ان فيه اقسام مفروض تتسكر واقسام تستحدث على حسب السوق العام..