خلود الرياض

واياك

حركت لك الملف شوي يا خلود عشان ما تزعلي

السلام عليكم

صباح الخيرات للجميع

أمي تسلم عليكم وحدة وحدة .

أمي مو من سكان الرياض وجت عشان الزواج وجلست وحبت تعدل بين بناتها (أنا وخواتي)وكل أسبوع تسكن عند وحدة والأسبواع هذا بدأت فعاليت أسبوعي .وأهم شي قلتلها أبغاكي تقعدين على النت وتسلمين على أحلى وأطعم شلة .

عاد تخيلوا أمي أمس قضت بيننا يوم عائلي كامل .وأكيد أمي بنهاية كل أسبواع راح تقيم كل وحدة فينا وراح تعرف كل وحدة فينا وشلون عايشة وكيف حياتها .عاد سبحان الله أنا وخواتي كل وحدة لها نمط حياة مختلف عن الأخرى !.أول بنت سكنت عندها من سكان النسيم وكل يوم توديها لسوق حجاب .وأنا بديت من قبل أمس وأول يوم وديتها ملاهي ستار ستي علشاني من سكان الحمراء .وأمس وديتها لتمور الصالحية علشان أمي تحب التمور .وشفت وشافت أشياء عجيبة وغريبة من التحف والحركات اللي مسوينها لتوزيع التمر في الحفلات .

ياترى ياهل ترى أمي بالنهاية أي نمط من الحياة راح يعجبها ؟؟؟؟
مادري بعد وين أوديها ممكن تنبسط فية .؟

أمي هادية مرة وخجولة مرة وماتطلب شي ولا تتشرط بس أهم شي عندها القهوة والتمر هذا أهم متطالبتها .

أنا قلتلها أهم شئ في حياتي حاليا بنتي وشلتي (شلة الفراشة الماسية )

أمي خسارة ماتكتب كان خليتها تكتب لكم كلمة .

اهلييييييييييييين
شخباركم؟؟ وشخبار كتاكيتكم الحلويييييييييييييين؟

غبت عنكم فتره لهيت مع حمودي شوي وانا صرت مزكومه...
وانشغلت بمسابقة تحطيم السمنه خبركم اختكم صايدها هوس وتبي تنحف ادعولي ان اضعف واصير غصن البان..

اماني

انا اكيده ان امك راح يعجبها نمط حياتك
لان انت انسانه عسل وروحك مرحه وحيويه
وتحبين بيتك وعيالك وبينك وبين اولادك صداقه اكثر من علاقه ام وابن وهذا كافي ان يخلي البيت راااااااااااائع
الله يخليلك امك
وسلام خاص مني من الاعماق الى امك

الفراشه

الله يوفقك بتزيل وزنك وعقبالي يا رب

وسلامتك ما تشوفين شر