صباح الخير .شفتوا وشلون أنا نشيطة وصاحية من الصبح قلت أستغل الفرصة وأكتب لكم مادم حبيبتي قلبي اليوم ساكتة وهادية اليوم يارب تهدئ وتبطل صياح يارب.بصرحة أخباري كثيرة جدا بس أخاف أسترسل بالكتابة وأتعب وبعدين تصحى ست الحسن( منوة )وأقطع كل شي وأروح لها كالعادة لاني ديما أدخل وأكتب لكم وبعدين أفصل قبل أكمل لما تصحى الله يخليها لي قولوا أمين زي ماتعرفون ماجتني بالساهل 13 سنه أنتظار وبنت بعد أولاد.

الفراشة أنا أستعمل بامبرز ممتاز مايسرب ولا شي حتى مرة ماغيرت لها لمدة أربع ساعات وماتسرب شي .اي صح وفاء ماحد يدري وش أخبار بنت فيوز اللوز؟ياليت أحد يطمنا عليها .بنات ممكن تساعدوني لقيت حل لمشاكل بنتي كلها وأدوية مثل الغازات كتب لي الدكتور دواء للغازات وفعلا جاب نتيجة .وكتب لي دواء لخشمها المسدود لانها ماتقدر تنفس زين وجاب نتيجة وارتاحت والحمد الله بس الحين بقى التطريش اللي هو الترجيع ترجع كثير من شهر تقريبا قالت لي أختي أستعملي العنزروت وأستعملته بس مافية فايدة بس ترجع ؟؟عندكن حل وهل أطفالكم نفس الشئ ؟؟؟

أسفة أزعجتكن بس أنا أنشر على طول خوفا من بنتي لتصحى وأقطع كل شي لعيونها .بنبه أمهات البنات على خرم أذن بناتهم أنا أمس وحدة من جارتي نبهتني أني لازم أعيد خرم أذن بنتي من جديد لأن المستشفى خرموا لها بأسفل ا لأذن مرة قالت تطلع الحلق بعدين متدلدل مرة لازم يكون الخرم تحت شحمة الأذن على طول على على فوق مو تحت مرة أتمنى تكونوا فهمتوا وش أقصد .

حريم معليش أخر سؤال تحملوني عاد ماحد قال لكم تدلوني على الملف !مادري بدوا أطفالكم اللي بعمر بنتي يناغون أو لا؟ بنتي بالكاد تتصدق علينا بأبتسامة من وين لاوين .,وأبوها وأخونها وأنا مستعجلين على منغاتها وهي تتغلى ماتعرف غير الصياح .أنا قالت لي وحدة أنهم بس يصير عمرهم أربعين يوم يبدون بالمنغاة وقلت لأولادي كذا يوم صار لها أربعين يوم ومناغت تفشلت من أخونها والحين أصبرهم وأقولهم بس يصير لها شهرين تبداء والاسبوع الجاي بيصير لها شهرين والله يستر ماتفشلني دلوعتي بعد.

مرحبااااااا ، اخباركم ...
كالعاده ، قبل 24ساعه مواظبه عشان الحساسيه الي جاتني في الحمل وماكنت أقدر أنام :icon33: ، وألحين عشان بنتي المزعجه خخخخ الله يعينا والله ..

الفراشه: أنا استعمل بمبرز واشوفه زين مايسرب ، احيانا يتم عليها 6 ساعات ومايسرب ، انتي شكلج ماتسكرينه عدل ..

وفاء2006 : اخبارج ؟ مبروك أولا ، وثانيا أنا ما أيد عصير البرتقال ألحين مع ان بعضهم يعطون عيالهم ، الي اعرفه مايصير قبل ال4شهور ويكون مخفف جدا ، اما التمر ، تاخذين تمره وتنقعينها في ماي لمده ساعه ، عقب تصفينها ..

أماني2006 : اخبارج :) تصدقين انا كله صاحيه بس مالي خلق اكتب ، الحين اكتب وبنتي في حظني وكل دقيقه تصيح ، مسكينه ترفس شكلها فيها مغص ..
اشتقت للنوم المتواصل :( تعبت خاطري احد ياخذها شوي وارتاح ..
انا قريت في الملف الثاني ان بنت فيوز رخصوها من المستشفى ، بس هي مالها حس من زمان ، ماجيك ليدي والله وحشتنا ماندري اخبارها مع الشينغ شانغ بروحها ..
بالنسبه للغازات : اشربها دوا من الصيدليه عباره عن ينسون ، واعطيها ماي تمر .. أما خشمها فديتها كله مسدود ، الدكاتره يقولون عادي طبيعي .. وكنت احطها نقط الماي والملح ووقفت .. وبالنسبه للترجيع ، عادي يمكن طبيعة بنتج جذي ، انتي حاولي تكرعينها بعد كل رضعه ، ولتهزينها بعد الرضعه علطول ، لأن التقلب فوق تحت هو الي يخليها ترجع ..
وانا بخرم اذن بنتي لما تكمل الشهرين ان شاءالله .. اول مانولدت مافيها شحمة اذن هههه
ويقولون الطفل يناغي بعد الاربعين ، اخت زوجي ولدت قبلي بس نسيت متى ناغى ولدها ، هو بعد الشهر ونص طبعا ..
بس عادي لتحاتين بتناغي وبتتكلم :baby2: وبتتسندرين منها بعد هههه الله يخليها لج ياااارب ..

انا ماعندي شي ، بس ودي نومها يتعدل لأنها زهقتني ، واحيانا ماترقد إلا 5 دقايق مع انها تكون دايخه .. يااارب يتعدل نومها قبل الدوام .. :06: