مساء الخير أمهات الهنا.مشكورة أنوار العمر على السؤال ماقصرتي ياعمري أنتي .حنين كيف جالك قلب مشاء الله من أول يوم تغسلين لها بالمغسلة أنا وأنا عندي خبرة سابقة ماجاني قلب لحد الحين حتى الترويش من راحت أمي الله يحفظها وأنا أروشها بس بحذر وخوف شديد والمشكلة هذا وأنا ممكن لو أزوج ولدي كان أصير جدة كيف بروش حفيدي أن شاء الله لا ويكنون معتمدين علي ساعتها على أساس أني خبيرة .بالنسبة للعطر أنا يوم كنت أجهز أغرض الطفل أشتريت عطر من زهوار الريف للمولود والله كل من شمة مع بنتي يسئلني عنة.حتى أخونها صاروا يحملونها ويبوسونها علشان ريحتها تجنن على قولتهم صرت ماعطرها منه علشان مايشيلونها كثير .

مرحباااااااااا .. اخباركم ..
انوار : خخخ بنتي نفس بنتج ، تنام أول الليل وتقوم قريب الفجر ، وتقعد لين الظهر او العصر :41: .. عقب تنام قريب المغرب ، بس تقوم ترضع وترجع تنام لين الليل تلعب شوي وترجع تنام على ال12 وتصحى الفجر ، وهلم جرى .. :icon33: :icon33:
فهمتي شي :hahaha:
انا قلت بشفط لها اريح لي ، عيل شكلي بحاول ارضعها :( زهقت من الرضاعه مارضعها إلا مره في اليوم وماتشبع بعد ..

أماني 2006 : خخخخ إذا كنتي مثلي وماعندج حد يساعدج غصب بتسبحينها ، مثل ماقلت قبل أمي الله يشفيها تعبانه انا رحت بيت هلي بس عشان خاطرها ، وفي البيت نفس الشي ، بروحي أسوي كل شي ..
أول مره سبحت فيها بيبي عمره اسبوع قبل كم سنه ، وساعدتني وحده ، وثاني وحده بنتي ، :) بس محد ساعدني ، خلاص تعودت.. وانا كنت أشوف خواتي ، يعني أعرف على اليهال عدل في كل شي الحمدلله ..

بسألكم انا احط حق بنتي لوشن وبودره وماشم منها ريحه نفس اليهال ماعرف شالسبب ..
استعمل شامبو ولوشن وبودرة مذركير ، طبعا احط لها اللوشن تحت رقبتها وباطها واماكن الاحتكاك لأن البودره تسوي حساسيه وتسود ، باقي الجسم أغرقه بالبودره ، بس ماشم منها ريحه إلا إذا لصقت خشمي فيها بالقوه خخخخ :27:

اهلين بنات

اخباركم

انا بالنسبه لولدي استخدم كله منتجات جونسون وبس هذا اللي ادله بالغربه

وبالنسبه لتشطيفه استخدم بعد مناديل جونسون المبلله احس انها اريح لانه صغير اخاف اغامر واغسله بالماي

والله هاليومين صرت اطلع كثير واحس انه ولدي تعود على المرضاعه شكله بيبطل يرضع مني لانه الحين غصب يرضع
والله محتاه شسوي ما ابغاه يبطل يرضع مني يمكن اجرب الحلمه الاصطناعيه مين جربتها منكم ؟

عذاب الليالي

الله يحيك معانا
وبنتي اكبر من بنتك بيوم واحد جبتها 31/12/2005

اخر يوم بالسنه ما لي داعي صح بس كذا الله كاتب
وانا بعد اشتغل وادخل عالنت بالعمل ولولاا الله ثم المنتدى كان ما صبرت عن بنتي و لا دقيقه

بسألكم
عيالكم ما يسون حركات غريبه بعيونهم ويصيرون يطالعون ويضحكون ويبكون من حالهم
صراحه بنتي اتخرعني بهالحركات


يقلون غزيل ما دري وشو يضحكهم ويبكيهم
صراحه مره اخاااااااااااااا ف

احلالالالالالالالالالالالالالالالا ياامهااات
مبرووووووووك الامومه والملف
انا الحمد لله تمام
جبت فهد الله يصلحه ويهديه
صياح على غير سنع
الليل كله واقفين
وانا ماطاحت غرزي للحين
اليوم 30 يوم
ومازالت على قول بنتي مشيتي مو مزبوطه
امشي مفشوخه
طولت هاالمرررررررررررره
والمصيبه يبوني اداوم بعد 10 ايام
يعني بعد ال 40 على طول
والله شكلي يجيب البلا
وزني مازال زايد حيل وبطني كبير وغرزي ماطاحت
وش هاالحاله

وش اخباركن كلكن
وين حفيده
واماني
وكان حلم
و............و............و؟ واجد
مالهم حس اكيد السهرررررر
انا فهد ماينام من المغص ويوم يصيح صيحه تخليني انقز نقز
وشاي الاطفال احس مفعوله غبي