نسيت أقولكم أنا عندي دورية الجيران وكانت أمس (الثلاثاء)وكنت كله سرحانه ماتكلم معاهم كثير تدرون وش كنت أفكر فية ؟؟كنت أتخيلهم أنتن أقول هذي الفراشة اللماسية وهذي حنين قطر وهذي شموخ وهذي أنوار العمر وهذي ماجيك ليدي وهذي الغالية قطر وهكذا دواليك .....وش ريكن بخيالي الواسع شفتن وش كثر أفكر فيكن؟؟؟ وأنتن ماجبتن خبري حتى تفتحن ملف وماحد يسئل عني هئ هئ هئ هئ

هلا أختي أنوار أنتي معاي على الخط شكلنا بنقلبها درداشة بس الله يستر ماتصحى بنتي !! بقولك السر أنا زي ماتعرفين زوجي متزوج علي ومال مع زوجتة الشريرة كل الميل والناس لاحضوا هذا الميل وأنقهروا المجتمع السعودي ياعمري مايحب الظلم .ووزوجتة ماحملت وأنا بعد صار لي 13 سنة ماحملت بس طبعا عندي أولاد من قبل بس كان وجهها نحس علي .وأكرمني ربي وحملت الحمدالله وفرحوا الناس كثيراٍ وحسوا أن ربي نصرني عليهم أقصد على زوجي وزوجتة .وطبعا لما ولدت فرحوا كثيرا وخاصة أني جبت بنت حسوا أنة مزيدا من نصر ربي وأكرمة لي وتعويضة لي عن كل ماجرى لي من ظلم وأجحاف .وزيارات الناس لي من باب الفرح والمؤزرة والتضامن الكامل والنصر والله لو شفتي أيام ولدتي وخاصة أول يوم شي فوق الوصف كل من يكلمني يبكي من الفرح وأكثر اللي يكلموني أول كلمة يقولوها أخيــــــــــــرا لدرجة أني قلت أحسن شي أسمي بنتي أخيــــــــــــرا جالك بنت .وأكثر أللي يكلموني يرجعون اليوم الثاني يكلموني يقولون مو مصدقين نبغى نكلمك مرة ثانية علشان نصدق .ولو شفتي الزيارت لدرجة ماتصدقينها رغم أنها كانت أجازة عيد الأضحى .ويوم رحت البيت جيراني قالوا أيش هذا ؟كان الشارع ينسد من السيارات .الحمدالله ربي أبتلني وصبرت وعوضني ونصرني ويارب يلم شملنا من جديد ويبعد عننا كيد لأعداء.الحمدالله ربي ياخذ من جهة ويعطي من جهة .أسفة أزعجتك بكثر هذري

لا عادي بالعكس والله انا طفشانه حيل..وبيت اهلي لحالي ونستيني والله..
الله يسخر لك ياه ويبعد عنك شر الاعداء اتذكر كلامك عنهم اول بملف الحمل..
بس والله يتمم عليك يارب تستاهلين..

اهلين امهات

شخباركم

اماني

خيالك واسع وهذا نفس شعوري والله اني اتخيل انكم اكثر من خواتي احب اشوف اخباركم ويهمني اعرف جديدكم الله لايحرمنا من بعض يارب :39:

والله يهدي لك زوجك يارب والحمدلله ربي عوضك خير



شموخ

الحمدلله جربت لابني التمر والزيتون ومشي الحال


انوار العمر

جربت التمر والحمدلله مره زين وهدي ولدي ونام مرتاح

والقطعه المعدنيه قالوا لي بنات انها تفيد بجربها واشوف

وان شالله يتحسن الحال بينك وبين زوجك ترا كلهم نفس الشي ما يريدوا ازعاج متعودين عالهدوء وهي فتره وتعدي

وينكم