مراحب اختي ماجيك ليدي اخبارك انت واخبار البنوته
والحمد الله بنتي ماشي حالها وطيبه العروسه ..

بس كنت ابي اسالك عن منقوع التمر هو حق الامساك صح ...لاني اعطيته بنتي مثل ما قولتي ليه وما سولها شيء ...بس من اعطيها تشربه بسرعه ماشاء الله عليها بس المشكله بعد ربع ساعه ترجعه وتشرق لانه يكون في حلقها ..

مدري كيف اعطيها لاني اخف اعطيها بالليل وتنام وتختنق من الترجيع ..

مرحباااااااااااااااااااااا خواتي شخباركم وشخبار عيالكم انشالله تمام ........قرب وقت التطعيم يالله خلونا نشد حيلنا ....... :time:

حنووون يالدبه ياام الخيانات .......شخبارج وشخبار دبي ....وشلون السفره مع الياهل ؟؟؟ عاد المشكله مو في الياهل فيني انا ..........انا مفكره اسافر بعد بس الله يسلمج اخاف من الطياره
عاد اخاف مو ولدي الي يصيح انا الي اصييح :06: :06:

امهات ........هل مكان الخياطه يعور ويكون مشدود بعد ماتطيح الخيوط ؟؟؟ ول لا .. لانو بصراحه اوقات احس بشد ومو عارفه شسالفه ؟؟؟؟؟؟؟؟؟؟؟ :35: :35:

ايو الله اختي الغاليه موعد نفوله بكره الله يعين والله خايفه عليه من الوجع والحراره
اما عن سالفة الخياطه اختي بالعكس من يوم طاحت الخياطه كلش تمام ...يمكن عندك التهاب انتبهي لازم انك تروحين للدكتوره او تكلمينها افضلك ..

شسووووووووووووي ياريح النفل احس اني متمشكله مع هالخياطه العله مو عارفه راسي من رجلي ........وعيزانه اروح للطبيبه افففففففففففففف مللللللللللللللللللللليت والله فشلانه من بو الشباب كل مره يسئلني ها طاحت الخيوط وماعرف شاقول له

مرحبااااااااااااا ..
اخبارج ماجيك ليدي ، بنوتي الحمدلله بخير بس فيها حراره خفيفه خبرج تغيير جو ..

ريح النفل : ماي تمر زين حق الامساك ، والنبات بعد زين ، كلها أشياء تمشي البطن ..
انتي شلون تسوين منقوع التمر ، ليكون ثقيل عليها عشان جذي ترجعه ، كفايه حبه وحده ، وتهرسينها مع رقمين ماي مغلي ، وتصفين الماي وتعطينها .. وماعليها شر ان شاءالله ..

الغاليه قطر : هلا والله .. خخخخ أدري انج تخافين عشان جذي خنتج ..
انا خيوطي طاحت من زمان ، بس آحس بشد وايد خفيف ، يمكن لأن خياطتج ماطاحت بسرعه تحسين بشد وايد .. انتي ليش مارحتي الدكتور !!؟ تأكدي وشوفي ليش طولتي هالكثر .. روحي خاص احسن من زحمة الولاده ..

* تطعيم بنتي الاسبوع الجاي الله يستر بس ..