خلوود عمري بالنسبه للدورة انا جلست معي 10 ايام وبعدين يوم شفتها خفت وتحولت لوسخ عادي اعزك الله علطول اكلت حبوب منع الحمل و3 ايام وطهرت حمدلله..
السؤال الثاني: ماعندي فكرة صراحه..
--
بالنسبه لمدينه الملك فهد الطبيه كويسه اوكي ماعليها كلام بس بصراحه مشووووووار شوي انتي ساكنه شرق مثلي صح؟؟
ان بصراحه اروح لمستوصف حي السلام هو قريب من الربوه عندنا..فيه دكتور اطفال اسمه محمد قدير ماشاءالله عليه ومايصرف ادويه كثير وكذا وقرايبي كلهم تقريبا عنده ويمدحونه..

شوفي خلود لمن يحمر وجه بنتك وتحسين تعقد حواجبها بالبكاء اعرفي انه مغص انا هذا اللي تعلمته..انا بصراحه احاول اهديها بكل الطرق بنتي حتى اني مرات انومها على صدري وتكون على بطنها وتحسين بالغازات تطلع,,وبنتي كثيرة غازاتها والمغص لانها ماتتكرع بعد الرضعه الله يهديها بس واذا طولت احاول معها تبكي تمل تبغاني انزلها من كتفي..

--
اقولكم بعد معاناة بنتي 2 يومين من الامساك اليوم 4 رضعات ماتشرب منهم الا الربع وبالقوة وتبكي ومتضايقه مرررررره..بصراحه وانا بحيرة معها خطر ببالي فكرة وحده من البنات هنا ذكرتها والله مدري هي فراشه ولا شموخ((عموما الله يخلي لها عيالها ويوفقها زي مافرجت علي انا وبنتي)) المهم مسكت قطنه وشوي زيت زيتون ودهنت بنتي شوي ومسكت رجولها مرفوعين دقيقتين الا هي مرتاحه الحمدلله وعقبها رضعت..بيني وبينكم انبسطت مره انها رضعت خفت عليها امي قالت لو مارضعت لليل خوذيها اسعاف لايصيبها جفاف..

ماجيك ياحلوة اي والله ميلوبا مريح وسهل احسن من انقعي واغلي وووو((حاجه تطفش)) هذا مختصر مفيد حتى السكر اللي فيه سكر اطفال ومايضر..
انا اخاف على بنتي
لاني قريت وانا حامل بالمنتدى وحده ولدها عمره 8 شهور صابه سكر تقول والسبب ان اي شي غير الحليب لايمكن يشربه وهو غير محلى ((انا انصدمت وخفت))الله يستر علينا اجمعين ويشفي ولدها ان شاء الله..


اماني ياهلا والله..ان شاء الله تشوفينها تناغي وتضحك وتضمك وتبوسك وتدلعك وتبرك يارب وتفرحين فيها..اقولك شي وماتضحكين مني؟الله يخليه لك ولدك الاكبر من البنت عمره 4 سنين؟زي ولد شموخ يعني مشالله
والله انا فكرت اكبر من كذا فكرت لك 11 او 13 سنه ماحملتي..بتقولين من وين جبت هالشي والله مدري..تخاريفي وانا حامل الظاهر الله يستر بس


هذي اخر مره اعيد الكتابه لو مانزل كلامي بالمنتدى بزعل واطلع مليت الاعاده

انوار ايه انا بالشرق اروح له مع خريص بعيد بس الله اقوى
بنتي زي بنتك ماتتكرع ابد احاول على قولتك الين تصيح وانومها

فيه علاج للامساك خذي عود اذان وحطي فيه زيت زيتون ودخليه في فتحة الشرج على طول بتوصخ وترى هذا علاج جداتنا من قبلواذا جت توصخ ارفعي رجولها لفوق وهي مسدوحه على ظهرها اسهل للاخراج والله الاطفال ينرحمون
الله يعينا وياهم ان شاء الله ............

تهي تهي واااااااااء محد يحبني محد علمني انكم هنا يالدبات نسيتوا اني والده معكم هين فراااشوه ليه ما قلتي لي عن تجمعكم

مايمديني اقرء صفحاتكم كلها بس بسالكم متى نبدء نوكل عيالنا وكم الوزن الطبيعي للطفل في عمر شهرين وثلاث اسابيع مو طنشوني استناكم وتراني جالسه على قلوبكم يالشينات ما علمتوني هاااااه طيب اوريكم

اقول بعرف سويتوا لعيالكم وصفة التمر سالتكم بالله اللي تعرفها تعلمني بسوي لولدي احسه نحيف نفسي يسمن ويربرب

صباح الخير ........

اخباركم بنات ؟؟

انا فرحانه كثير جربت مع بنتي طريقة خلود اللي هي منظف الاذن وحطيت زيت زيتون دافيء ودخلتة في فتحة الشرج لبنتي وعلى طول طلعة كل الوسخه والبلاوي من بطنها
ورتاحت مره مسكينه... :40: ونامت زين

بصراحه بنتي مزعجه ومزاجيه كثير بس تضحك وتناغي ابشركم فيها شيء زين فديتها ...


اليوم بروح اطعمها ادعو انها ماتمرض ولاتجيها حراره ان شاء الله...
لاتنسين يا اماني دعواتك الى بنتي اذا كنت صايمه اليوم ..