مساء الخير يا الامهات الحنونات .......

حظي دايم مو حلو اذا دخلت ما القائكم ...وبعد ماطلع تدشون ما دري وش السالفه !!

افرح اذا نامت الكتكوته عشان ادخل ولا القاء احد :D

بس اهم شيء اتطمئن عليكم وعلى عيالكم لبيهم الصغار ...
بنات مارحت اليوم اطعم بنتي عادي صح مايضرها شيء لاني زوجي كان مشغول

اماني
يارب انت الي تجميعينا بزواج اولادك وامونه يارب
بطيخه مشتويه
قرب الصيف وقرب البطيخ انتبهي
بالنسبه لسره بنتي صار عمرها شهرين ولسا مانشفت وديتها الطبيب قال عندها نسيج زايد وديها لطبيب جراحة اطفال وديتها سحب القطعه وربطها من تحت ومنع عنها الدم نشفت ونزلت لحالها بعد يوم ونص تقريبا والحمد الله هي تمام الان

وانا ولدت بعدك بثلاث ايام انت الفايزه مع اني مسبقه عن موعد ولادتي 17 يوم
كان يوم السبت الموافق 31/12/2005
اي اخر يوم بالسنه

روح النفل
ما اعتقد انه ياثر بس ما تتأخري

وبالنسبه لاكل الطفل صراحه احترت كل وحده تقول شكل
الي يبدا بالبرتقال
والي يبدا بالسيريلاك
بس ما انصحك بطيخه مستويه باللبن اخاف يسويله تخمرات ويتعب من الغازات

بطيخه مستويه:)
وش زبادي الله يهديك بسسسسس اقول اعقلي لاتتهورين تو الناس من الرابع انا سمعت لان فيه خمائر مايناسب المولود..
-----------------------
اماني
اشوووووووووووا تصدقين بديت اشكك بنفسي بس الحمدلله طلعت موزونه مو مخرفه والاقتباس بعض المرات مايبين والله احسب كلامك انتي :) لاني مرات ادخل متاخره ولا الحق على كل الصفحات..
----------------------------

خلود ياعمري ايه انا جربت لبنتي زيت الزيتون وانبسطت مرررره الحمدلله على كلام الفراشه الله يوفقها يااااااااارب ويخلي لها بنيتها ان شاء الله..
=----------------
ريح النفل انشالله مايضر التاخير يوم باذن الله..
-------------------

ابشررررررررررررركم لولتي عمرها شهرين اليوم وطعمتها تصدقون انها ابرتين وحده بالفخذ ووحده من ورا ولقاح بالفم؟؟وقاللي لاترضعينها الا بعد ساعه ويوم جيته سالني متى رضعتيها قلت من ساعه قال كويس لو اقل من ساعه كنت تركتك بالانتظار علشان لا ترجع البنت..
----------------------

يعني انتبهووووووووووووووووووووا للي بيطعمون بعد نص ساعه من الرضاع روحي للدكتور واذا صباح ماتوقع فيه زحمه مثلي انا رحت الصبح وعادي علطول دخلت..وعطاني شراب حرارة اسمه تيمبرا وقال بعد ساعتين اعطيها جرعه معينه وخلاص لاتعطيها الا للضرورة والحمدلله الحين الساعه خمسه ونص والله يتمم علي وعلى بنتي مافيه حراره..
على فكرة انا حممتها الساعه 3 وقبل الساعه 11 لمن رجعت من الطبيب عملت كمادات مويه دافيه علشان لا يتكور او يصير مكان الابره قاسي وكمدتها..
الله يكرمكم ((سهلت)) بس مدري الله لايستر لايستمر امي تقول يمكن من اثر التطعيم..
-------------
باللنسبه للتمر ياريح النفل ..
انا مدري بس بالنسبه لي الان الجو صار حار يعني حرام نعطيهم دافي
فانا انقع 3 تمرات(على السنه)بمويه فاتره مو بارده مقياس90..مره يوميا ويستحسن الظهر
تدرين ليش؟علشان لو وسخ الطفل يكون بالنهار وتدرين عنه احسن من الليل.. والسبب الثاني
ترا التمر يسبب غازات(بكلام طبيب الاطفال) لو اعطيتيها بالليل بتكون قلق ومزعوجه حراااام

واعطيها شاي اطفال ميلوبا والله صدقيني انه حلو((دعاااااااااااااايه)) وجامع كل الاعشاب بابونج ونعناع ويانسون وزعتر وشمار وسكروز يعني كويس مره..
انا كنت اعطي بنتي كمون بس يوم درت جدتي هاوشتني قال يزيد الامسااااااااااااااك..يعني اللي طفلها عندو اسهال تستعمله..

اشوفكم على خـــــــــــــــــــــــــــــــير ان شاء الله..
امس انا شفت نائله اخت طاطا حاولت ارسلها خاص :(لقيتها بقسم المكياج بشوف وش اخبار اختها بس المنتدى زفت يعللق بالقوووة نزل ردي امس بعد 3 محاولات ..

طيب زي فيوز اللوز مافي وسيله نتصل فيها؟؟والله انا حبيتها مررره وفاقدتها الله يذكرها وبنتها بالخير ودي ارسلها خاص ولا اي شي بس ماعرف..

تصدقون من اشتركت بالمنتدى وانا بملف الحمل معكم علطول ماروح مكان ثاني ولا احاول اجرب شي ثاني لدرجه اني توني اعرف فيه خدمه البحث والمواضيع الجديده بس بعد ايش؟؟بعد ماحذفوها..والقهر يوم حذفوا ملف بنات الرياض حق شوكولاته برضه زعلت:(

مساء الخير أنوار (ابشررررررررررررركم لولتي عمرها شهرين اليوم وطعمتها تصدقون انها ابرتين وحده بالفخذ ووحده من ورا ولقاح بالفم؟؟وقاللي لاترضعينها الا بعد ساعه ويوم جيته سالني ) ياسلام ليش بنتك أبرتين وش حضرتها بنتي بس أبرة وحدة على الفخذ وتطعيمة بالفم.بس أنتبهي لاتحطين عليها فكس مثلي ترى دكتوري يقول مو زين وأنا بنزل موضوع عن كذا وأسئل الدكتورة اللي بالمنتدى عن صحة ذالك. وترى أنا كتبت لاترضوعن بزرينكم قبل ساعة من التطعيمة ورضعوهم بعد ساعة من التطعيمة.اليوم ذكرتني الفراشة بالذي مضى ورحت زرت ملفنا حق الحمل هههههههه مت ضحك على سوليفنا .والله كل ماتذكر الحمل يمغصني بطني وقلبي وكل شي فيني والله الحمل متعب كثير أنا خلص حرمت توبة توبة .

أخواتي اليوم مع الصيام بديت بخلطة للتنحيف أخذتها من المنتدى أذا أنفعت معاي بقوالكم عليها أن شاء الله .