مرحبا خواتي ..
ريح النفل : هههه ايه انا وشموخ من زمان على المسنجر ومايصير أروح البحرين ومازورها ، يحليلها والله ، معروفين أهل البحرين طيبين وايد ، والله ودي آشوف الشله كلها ياليت انتلاقى ..
ماشالله عليها نفل ، تره فيها من بنتي شوي في الصوره الثانيه خخخ اليهال يتشابهون في هالسن وايد ..
الله يخليها لج وتشوفينها عروس ، وتصيحين لما يزفونها <---- قلبتها فيلم هندي خخخ

السلام عليكم.أختي أم حنين
مايجيك الشر يارب ومشكورة على السؤال على منوة .والله ضحكتيني ههههههههه :laugh2: ومت ضحك وأنا أتخيل شكلك :3_2_21v: وأنتي تمشين بالمقلوب . :7_5_131:

مشاء الله يا ريح النفل بنتك تجنننننننننننننننننننننن
:2thmup: :icon18:
تصدقين عاد انا البس بنتي زيك كذا ويقولون انتي ماتعرفين تلبسين البنات :7_18_2:
يقولون لازم هيلا هوب
ودي اطمنك على بنتي اليوم الحمدلله مارجعت كثير :icon28: ،،،،،
شكلها فعلا فيها عظيم :icon33:

عندي سؤال لك يا شموخ ؟
كيف شفتي شخصية حنين قطر :confused- !!!!
هل هي خفيفة دم :icon31: زي ماهي بالمنتدى والا رسميه :mex: :dry: :king:

اهلين بنات كيفكم انشاءالله بخير؟؟وحشتووووووووووني مووووت
انقطعت 3 ايام بس غصب عني كان عندي ظروف..
اللي حصل ان كعب رجلي يالمني وطلع عندي التهاب الظاهر من كثر القومة والجلسه والشغل بالبيت..وبعدين الجمعه صحيت لقيت عندي التهاب بالحلق والاذن وفوق كذا بنتي من 7 الصبح صاحيه الين 12ونص الظهر متواصل تبكي بكاء يقطع القلب ولا ترضى ترضع وتعبت معااااااااها مرررررره الين نامت الظهر بدون لاترضع..والعصر مثل لمن وديتها الطبيب يقول الامساك طيب وش اسوي؟يقول ممكن تستخدمين تحميلات بس بتتعود عليهم الين عمر 8-9 شهور طيب والحل بنات؟؟ساعدووووووووووني
والله هالامساك معذبني لاتمر ولا زيت زيتون ينفع..مدري وش اسوي معها ارحمها احس ان الامساك متعب مره مسيكينه..
-----------------

اماني بسم الله على بنتك الله يشفيها والله توني قريت السالفه وعورني قلبي وش دخل خوا جوا بالعظيم؟؟
انا استخدمت خوا جوا لخياط الجروح واخبر هذي مهمته مفيد لخياط الجروح ونفع معي مرره حمدلله..يختي انتبهي ترا مو كل الحريم ثقه تروحين تعطين بنتك شي لاقدر الله يضر ولا حاجه
والله ترا من خوفي عليك لانك زي اختي ..
--------
حنين الحمدلله عالسلامه ومبروووووك الصبغه ويمديك تزيدين عليها خصل لايضيق صدرك بس..
الدور والباقي علي رحت الخميس بصبغ مارضوا علشان شعري فيه خلطه اليوكو للفرد..
بس يله مو خساره لان الفرد رائع مره((زوجي فرح علي لانه مايبغاني اصبغ))يقول الاسود احلى شي..
----
شموخ الحمدلله عالسلامه كيف الكويت حلوة؟؟ماقد رحت هناك انا دايم دبي والبحرين بس بصراحه قطر والكويت مدري احس ماعليهم سياحه مرره..عاد لاتزعل علينا حنين :)
----
ريح النفل بسم الله على بنيتك حليوة ماشاءالله بس احس مصورتها بطريقه مكبره وجهها اقصد الصورة الثانيه..انا كنت متحمسه مررره مصورة لبنتي فيلمين واحد بالنفاس وواحد بعد على اساس بعد مااحمضهم بنزل الصور..وللاسف طلع الفيلمين خربانين لان الكاميرا خربانه
قهررررررررررررررررر مرررررررررررررره حسافه صور ذكريات من ايام المستشفى:(
:( :( :(
----------------------
القلب الطيب روعه الصور ماشاءالله تبارك الله ..الله يحفظها لك..شفتي الكرسي اللي مستخدمته وانتي تصورين بنتك انا هذا استعمله وين ماروح حاطته بشنطه السيارة ههههههه صحيح يثقل علي اني اشيله وكذا بس حلو بعد مارضعها وكذا علشان لاترجع لان بنتي ماتتكرع زي ماقلت لكم..
-------------------------------------

لامهات البنات..بصراحه انا تعبت ادور لبنتي السراويل الصغيره هذا اللي يكون فيها كلف ومكشكشه ابيض وزهر واحمر على الوان الفساتين دورت عليها بالمحلات العاديه رحت الرياض مول ورحت اسواق المجد والبديعه مول يقولون انها تباع هناك ولا لقيت شي للاسف:(
ورحت لغرناطه سنتر يقولون ان في محل جوارب يبيعها لكني مالقيت عنده شي..بس اشتريت لها كيلونات هيلاهوبات شفافه مقاس صفر حلوة بالفساتين بالصيف..اشتريت ابيض ولحمي وزهر وموف..

لو بس اعرف انزل الصور ((عقدتي بالمنتدى الصور))
على فكرة صديق زوجي يقول ان زوجته اشترت لبنته هالسراويل اللي اقولكم من البطحاء درزن الوان..بس هو وعد زوجي يجيب له واحد علشان يشوفه..اذا كانت هي اللي اقصدها بصورها لكم علشان افرجكم عليها..اتوقع تعرفونها مدري انا كثير اشوفها على بنات اقل من سنه اعمارهم..