:icon33: وحشتوني كلكم والحياة بدونكم صراحه مو حلوة..



مساء الخير..كيف حالكم؟ انشالله كلكم بخير واطفالكم بخير..
تاخرت عليكم 3 ايام بس كان عندي عذري..
بصراحه يابنات تعبانه تعب ( انا جبته لنفسي) الاربعاء معزومين عالعشاء وبنتي يوم الثلاثاء مسهرتني مررره للصبح وكنت تعبانه مرره يوم نامت الصباح قررت اتحمم
على اساس لو نمت للظهر عادي يصير اسوي الغداء واروح الكوافيره العصر..
الحاصل اتحممت ونمت((طبعا التكييف شغال)) وعينكم ماتشوف اللي صارلي
انا اصلا ماعندي مناعه والانفلونزا هذي شهرررريا لازم تمر علي اذا مو مرتين بالشهر..المهم فوق الانفلونزا والحراره سعال(كحــــــه) جافه ..
نصحوني اكل ملعقه عسل بحبة البركه الصباح قبل الفطور..بس لسه ماجابت نتيجه ب3 ايام بكمل لل5 ايام بعدين اوقف لو مانفعتني..والحراره كل شوي اخذ فيفادول..


الحاجه الثانيه:
:angry:
وديت بنتي للدكتورة :16: وتهزات,,
طلع بنتي عندها امساك حاد..3-4 ايام الله يعزكم..
المهم الطبيبه بس شافت بطنها عطتني محاضرة طويله عريضه((ومن وراها زوجي طبعا))
واعطتني كم نصيحه بشاركها معاكم..لاني اعرف كم وحده هنا اطفالهم عندهم امساك..
الحل الاول تقول يوميا لازم مرتين انومها على بطنها لمده من 3-4دقايق علشان
تنشط امعاءها وعضلات بطنها..
الحل الثاني.؟اكرعها بعد الرضعه ب10 او 15 دقيقه..
الحل الثالث..تقول ملعقه صغيره مويه بعد كل رضعه..قلتلها بنتي ماترضى تشرب مويه الا بسكر قالت لي لاااااااااااااااااااا اعطيها اياها بالملعقه نزليها بفمها وخلاص
او استخدمي الابره حقت الدواء علشان تشربيها المويه..

الحاجه الرابعه:كتبت لي دواء للغازات غير dentiox تقول ان مفعوله بطئ
كتبت لي دواء ثاني خفيف ابيض شفاف تقول 10 نقط قبل الرضعه 3 مرات..

اخر حاجه تقولي وقت النوم (اثناء النهار)علشان اراقبها..طلبت مني انومها على الجنب اليمين..علشان النوم عالظهر لفترات طويله يسبب الخمول للطفل علشان كذا مايتصرف الحليب بسهوله(وتوصخ اعزكم الله) ..

اخر حاجه تقوللي غيري حليب بنتك :icon33: علشان يتوقف الامساك حرام يصير عندها مزمن بعدين..
طيب وشلون اغير الحليب وش استخدم نوع؟؟؟؟؟؟؟؟؟؟؟ الحين استخدم سيميلاك ادفانس..وتقول غيريه وش تستعملون يابنات ساعدوني :(

على فكرة((التحاميل للامساك)) مانعينها من السوق وزاره الصحه بس بعض الصيدليات لازال عندهم بقايا..فعلا زي ماقلت لكم السبب انهم اكتشفوا بعض الاطفال وصلوا للسنه والسنتين مايعرفون يسوونها من غير التحاميل..



بنات الرياض: السيد للازياء اللي بمركز خريص بلازا على طريق خريص مسوي تخفيض وعنده قطع حلوة للي عندها عزومه كبيرة او حفله يعني اسعارها 400 الى 600 بس تستاهل..قلت اقولكم تلحقون قبل تخلص..اشوف بنت عمتي اللي بتتزوج اشترت منه..

وسؤال ثاني لكم..تعرفون وحده تعمل مكياج حلو وشعر وسعرها مناسب 150 -200للمكياج طبعا وتطلع للقصر؟؟الزواج؟؟ لان ودنا بعرس اخو زوجي نروح جماعه للقصر ونتزين هناك بس مانعرف وحده كويسه وتعمل خصم للمجموعات..
-----------------------
ملاحظه اخيره .. مرهفه الاحساس_خلوود اضفتكم حبيباتي..
شمووووووووخ ضيفيني ولا ارسلي لي ايميلك .. ماتدخلين كثير نشتاق لك يالغاليه..
وفاء وين انقطعتي انتي والغاليه قطر وش دعوى التغلي هذا :39: ..

مساء الخير يا الامهات الافاضل

اماني :الله يشفي بنتك وتطمنين عليها والله عورني قلبي عليك وعلى بنتك كثير بس لا تبكين اختي خليك قويه ترى البنوته العسل تتاثر في نفسيتك فديتها ...

ام مياس: مرحبا بك بين اخواتك وان شاء الله بنتك ما فيها الا العافيه بس اسالي الدكتوره وتقولك وش اليبسب ان بنتك ما تقشر جسمها لان بصراحه غريبه !
وادهني شعر بنتك بزيت الاطفال جونسون يقولون زين للشعر ..وهذا انا ادهن بنتي قبل ما تتحمم بساعتين لعل وعلى يطلع شعرها زين ..

انوار العمر :وشو الدواء الثاني وش اسمه لاني اعطي بنتي dentiox مره يجيب نتيجه ومره لا مساكين الصغار ...وبنتي ذبحها ذا المغص ..
وجربي اختي مع بنتك انك تاخذين منظف الاذان وتحطين فيه زيت الزيتون وتدخلينه في فتحة الشرج وتحركينها شوي شوي والله العظيم انها راح توسخ على طوال وترتاح حليلها ذي الصغيره ...وعلى فكره ترى ذي الطريقه ما منها مضر حتى اسالي الدكتوره علا منها ..لان ما نفع مع بنتي الا ذي الطريق ..

السلام عليكم .

اماني عيوني انا لسى جيت من السفر امس مدري عن بنتس الله يشفيها طمنينا عليها الله يخليها لك يارب

عليكم السلام اماني
---------------------

ان شاء الله يا انوار بضيفك :)

وماعليها شر العنونه ان شاء الله تفتك من هالامساك ياقلبي اكيد متعبها


الفراشه الماسيه

من ضفتك ما قابلتك :)

ام مياس و قلب سعود

ياهلا و غلا فيك

بقية الامهات : كيف الحال و اشلون البيبيات :)
-----------------------------------------

الجميــــــــــــــــــع وينكم ؟؟ بشرونا عنكم ؟؟

حنين قطر

وماجيك

والفراشه الماسيه

و الخ ......................... ؟