أهلين

شخباركم ؟؟؟ وحشتوووووني وااايد؟؟
وشخبار أطفالكم مع البرد؟؟

حمودي غيرت له الحليب وعطيته بروميل 2 وإنشاءالله يطلع يناسبه لان لما قريت الخبر عن بيبلاك انصعقت لان من يبت حمودي وانا استخدمه له الله يستر..

انوار العمر
سلامة غلا وماتشوف شر حبيبة قلبي والله يشافي ولد خالتج وانشاءالله يطلع التشخيص خطأ والله اني يوم قريت عن غلا وانها تعبت صار ودي اكلمج وأسال عنج بس مالاقيتج عالمسنجر؟؟
طمنينه عن غلا إنشاءالله احسن؟؟

خلود
حرام كسرت خاطري جمونه حاولي تشربينها عصير برتقال وتأكلينها تين مجفف يفيد مع الامساك بنت اختي كانت نفس جمونه بس اخف من غير دم وامها غيرت لها الحليب وعطتها حليب فرش والحمدالله خف عنها الامساك..

أم نفل
انا غيرت من بيبلاك عقب اللي سمعته واحين استخدم بروميل 2 بس اليوم جفت بروميل 3 مافي الا على فانيلا مادري إذا عندج فكرة اولا؟؟ لان حمودي بيكمل السنة عقب 11 يوم حبيبي بيصير ريال:arb:

ام رسيل
شخبارج؟؟ وشلون رسيل؟؟ وشخبار ام منوة حلو انكم تقدرون اتلاقون الله يديم المحبة...
اما الحمال فلي حد الان مافكر بهالفكرة لان لي حد الان مانسيت السهر والربا انشاءالله عقب اذا كمل حمودي السنتين بافكر لان توه صغير وخله ياخذ حقه وعشان ماظلمه كفاية الشغل ماخذ وقتي عنه...

بطني بيوجعني
شخبارج حبيبتي مع الثقل؟؟؟ الله يهون عليج ويرزقج طلق سهل اللهم امين..

ليليبنق
هلا حبيبتي شخبارج؟؟ وشلون حمودي أنشاءالله احسن؟؟؟

بسمة خجل
شخبارج ؟ وبحفظ الله حبيبتي

اهلين بنات..

بنتي مسكتها حمى حراره من امس االاربعاء بالليل الين الخميس الظهر لانمت زين لوا ارتحت
الله يعينني بس تعبتتتتتتتتتتتتتتتتتتتتتتتت والله تعبتتتتتتتتتتتتتتتتت

وديتها مستشفى ووقف المضاد وعطاها شراب للكحه ببلغم ويقول التهاب الاذن الوسطى لسه فعطاني مضاد ثاني..وانا وبنتي حالتنا حاله مع الترجيع..



ام نفل الله يسلمك اللهم امين الله يسمع منك...


ام محمد..والله فقدناك يالغاليه واعتبري سلامك وصلني واثلج صدري وانتي غاليه ودوم عالبال
ياحبيله حمودي..بس ليه ماتعطينه حليب عادي لما يكمل سنه؟؟
قصدي زي : كليم_نيدو_انكور ....الخ
خالتي اليوم تقوللي لاتكملين على الحليب حق الاطفال حق بنتي تقول خلاص لاتجبين لها غلين بلص حق سنه حوليها على نيدو او انكور..ونيدو تقول احسن طعم..

انوار
سلامة غلا حبيبتي وماعليها شر بخري شقتج بشبه وجاوي عشان يطرد المكروب من المكان والله انها كاسرة خاطري هالبنت ماتصحى اله يعينج ويعطيج العافيه يالغالية..
مادري انا قلت باكمل حتى اختي قالت لي استخدمي نيدو بافكر فالموضوع ...

يا عمري يا انوار

يا حياتي غلا والله مسكينه

ودي اجي عندك واساعدك اشيل عنك غلا واخليك تنامين

الله يشفيها ويعافيها

ويشفي ولد خالتك


ايه شفتوا الحركات
لا الحمد الله مو مريضه ولا شي بس كانت جايه مع صديقتها عند امها موعد وكلمتني على الجوال قالت بمرك دون سابق تخطيط
وفعلا مرت وجلسنا مع بعض حول ساعه
حبوووووووووووووبه لاخر درجه بس للاسف ما جابت منوه معها
كان ودي اشوفها بس الجايات اكثر ان شاء الله


الفراشه

انا نفس المعاناه بالنسبه للحليب لان رسيل من انولدت على بيبيلاك والله انها كانت مرتاحه عليه مره ما كنت اعاني منه ابدا ابدا

بس شكلي بسوي زي ما قالوا البنات بعطيها حليب ما بعد العام الاول لان خلاص ما باقي شي وتكمل سنه حرام احولها اللحين لحليب بعدين بعد كم يوم اغيرلها الحليب مره ثانيه كذا بتعبها

بس السؤال ايش احسن حليب استخدمه نيدوا والا بروجرس

اهلين بنات شخباركم؟؟
انا بخير حمدلله ابشركم اني نمت امسسسسسسس لاول مره من اسبوعين صحيح اني صحيت بدري بس ولو اخذت نومة من الليل والليل طويل حمدلله الحين..
بنتي خفت عنها الحراره والكحه خفت شوي بس الزكام لازال ويكتمها بالليل ويخليها تطلع صوت (( شخير)) ارحمها,,بس اني استخدم النقط اللي اعطاني الدكتور عشان التنفس..
----------------------

ام رسيل الله يسلمك والله كان غيرك اشطر ماتبي احد غيررررررررري خصوصا وهي مريضه لا امي ولا خالتي ولا الشغاله ولااااااااااا احد انا وبس((هذا المتعب اكثر)) مافي حد ينوب عنك ويشيل عنك حمل شوي لانها هي بنتي الله يصلحها ماتعطي فرصه ابدااااااااا,,

الفراشه ام محمد..وين ابخر والله مقدر زوجي عنده ازمة ربو خصوصا هالاسبوع شديد عليه والله العطر ماعطرت وحتى غسيل اغسل بالليل اذا نام واشغل المروحه وممنوع القلي بعد؟؟بس مشكورة بحاول يوم ابخر اذا كنت بطلعوافتح الشبابيك..


ام شهد..سلامتها شهد الهواء يكفخ الوجه طبعا من الفم والانف والاذن سبحان الله الاطفال..واذا على بنتي صدقيني بيتي لافيه دفايه ولا مكيف شغال,,انا مقرره اخلي الاوضاع طبيعيه كذا نصحوني البنات
واللبس برضه معتدل انا ماخليها تعررق..الهيلاهوب وعليه شراب علشان لايتشقق من تحت عشان العربيه((مارضت تلبس ام حديجان تزلق عالسيراميك وكرهتها))والملابس البسها بجامه مخمل
وتحتها فانيله لها رقبه والبربتوز بكم طويل بسسسس..
اذا جيت اطلع ازيد الجاكيت والقبعه الصوف ماغيره؟؟


تصدقين توني احممها من 14 يوم؟؟؟من يوم مرضت ماحممتها بس امس خلاص طفح الكيل مسكينه بنتي ريحتها عفـــــــــن مع اللبس والادويه والترجيع وشعرها مدهن وله ريحه وحرااااااام كسرت خاطري