تسلمين ياشموخ هذا من ذوقك ياقلبي :)

وزين اللي طلعتي قريبه من توقعي :) خلاص رسمت الصوره ببالي




****************************

ريح نفل

سلامة بنتك ماتشوف شر


حنين قطر




تدرين انصدمت مره على بالي انه عندي حاسه سادسه بالتوقع :eek:


انتظرك لاتطولي :)

الفراشه الماسيه
اخيرا شفت رسوله الله يخليها لك القمر


بسمة خجل


هلا فيك يالغاليه


خلود الرياض

وينك ؟

وباقي البنات وينكم مو مبينين


اماني ووفاء وانوار العمر والغليه قطر والحنين وفيوز اللوز ؟؟؟؟؟؟؟

اكمل

ريح النفل

كنت اتخيلها اول انها وحده كبيره عندها عيال كبار بس من تحدثت معاها بالماسنجر عرفتها اكثر الحين اتخيلها

طويله ونحيفه لونها حنطي جريئه فيها روح الطفوله تعشق الصدقات

كذا اتوقعها

خلود الرياض

اتخيلها قصيره ومليانه شوي بيضاء شعرها وسط لونه اسود

ملوله وموسوسه وطيبه


بنات اكرر لاتزعلوا كل وحده تقولنا وش تتخيل بس بدون زعل

اهلين بنات اخباركم والله وحشتوني
ام نفل سلامتها نفوله ماتشوف شر ان شاء الله انا بنتي اليوم نفس الحاله يالله تتنفس مدري البلا وين خشمها والا صدرها اسمع اصوات بس مااميز من وين ساعات اقول صدرها وساعات خشمها الله يشفيهم الجو اليومين هذي متعب ........
ماجيك
خلود الرياض

اتخيلها قصيره ومليانه شوي بيضاء شعرها وسط لونه اسود

ملوله وموسوسه وطيبه
صح عليك بس
انا طويله
ملوله مليون في الميه والله انك شاطره
موسوسه لا اعوذ بالله من الوسواس الخناس
يمكن انا خوافه ايه بس موسوسه لا الحمدلله
طيبه؟؟؟ والله مابي امدح نفسي بس الحمدلله ماشي حالي وشكرا على حسن الظن بي.......

اهلين يابنات اسفه على الغياب يوم اعتذر منكم جميعا..
بشرح لكم سبب غيابي..الصراحه زوجي كان تعبان والسبب انه ((الله يهديه)) وهو يتوضا للصلاه رفع رجله يغسلها بالمغسله ماغيرها وزلت رجله الثانيه ووقع على ظهره وجت كتفه بالغساله((ادري اااح يعور)) المهم تروعت عليه وراح اخذ اشاعه وابشركم مافيه كسر بس كدمات وشد عضلي والتواء المهم صرت بدل مااطالع لولي بس صرت اطالعه واطالع لولي ومافضيت ابدا اشوف طلباته وطلبات بنتي وماااااااااافيه وقت اني ادخل النت..(((((((((اتوقع عذري مقبول بقوووووة)))))))))
----
اوووووه الغاليه قطر صحححححححححح النوم وعاش من شافك..لاتعيدينها..
--
شمووووووووووووووووووووخ والله انك خطيرة ماشاءالله على وصفففففففففففففك تمام مطابق
طويله 160 ووزني 58 قوووووووووووووووولوا مشاءالله تعبت لحد ماوصلت له ولوني اسمراني فاتح مايل للاصفر فعلا..ثرثارة وقلبي ابيض بس اللي يغلط علي ينزل دمعتي علطوووووووووووووول
--
الفراشه كنتي قريبه بس لو ماقلتي بيضاء ههه عاد يله اهم شي جبتي90%..على فكرة التطعيم 4 شهور يقولون سهل ..الصعبه حقت 6 شهورالله يعيننا وياك..وبعدين وديها مستوصف اهلي يعطونها ابرتين جرعه مخففه وماتتعب اشوف صديقتي سوت كذا بولدها وماشاءالله تقول ماصابته حراره ولا شي عطته داء حراره مره وحده بعد التطعيم ولا تحطين مكان الابره شي لافكس ولاغيره..لوووووتورمت لاقدر الله كمادات دافيه بس وتدليك بسيط..
--
خلووووووووووووووووووووووووود..مو بس على انه غالي العيسائي بس مافيه تمييييييز يعني قماشه عادي فساتينه مكرره افكارها وقماشها مو شي واااااااااو انه خلاص مافي مثلها ابد..على فكرة فيه برضه القرعاوي يقولون عليه انا مادخلته بس اتوقع انه غالي من شكل البنايه حقته..وصادقه طول مابنتك باللفه مايبين الزين والغالي علشان كذا انا حدي لبنتي 160=180هالسعر اذا المناسبه شيي مرره وغير كذا لا الين تكبر يعني للعيد ممكن اجيب لها من السواني ولا جاكادي بس الان لاتلبس جزمه ولا تحب اني البسها شي فوق راسها تجنني مرررره تصيح الله يهديها خلينا عالقطن وملابس مذركير وبي اتش اس وهالطقــــــــه....
عادي خليه ينــــــجن ياما وياما جننت زوجي على مذركير وانا حامل ههههههه يمكن اروح له كل اسبوع انتي ماكنتي معانا هذيك الفتره بسسس كل ماقالت لي حنين شي او الفراشه انهم اشتروا اتذكر وارووووووووووح لحد ماصار زوجي اذا قلت بروح مذركير يقوووووووووووووول بمووووووووووت منك جمعي طلباتك مررررره وحده...بس كان يتحمل لان الغرض للبيبي مو لي وكنت اقول اذا ماوديتني بجيب بيبي مطبوع على جبهته مذركير خخخخخخ نصابه..وانا زيك ترا طنشي نروح بنفس خايسه ونرجع بنفس خايسه بس عادي اهم شي اروح واقضي حاجتي..

بعدين ياعمري بالنسبه للدهام انا مع الفراشه خليك عالجلد البني احلى البيج ترا يتغير لونه بعدين مو عملي كثير ..شفت عندهم وحده فيها فصوص بس ماسالت بسعرها ..
واخيرا بالنسبه لطيبه ايه قولي ابي اطقم مستعمله ذهب ابيض او اطقم عرايس واتفرجي وعلى فكرة خالتي راحت لــ تعرفين اسواق المجد اللي جنب العثيم مول؟؟؟ اتوقع واضحه فيها محل ذهب اسمه
المحيــــــــــسن والنمــــــــــــلة للذهب عندهم اطقم عرايس ومستعمل ورخيصه ممكن تشترين لك انتي ب 1200 او 1300 ويبين يجنن خصوصا انهم يلمعونهم ويزينونهم مررره انا شفت الطقم مع خالتي يوم الخميس ب 1250 ياخذ العقل ناعم سلسلته مبرومه ونازل لوسط الصدر وبعدين فيه عقدة بنهايتها حبتين لولو وحده كبيرة سوداءوالثانيه اصغر برضه سوداء طبعا ابيض ونص طقم يعني بدون اسوارة..

وبقولك شي بعددددددددددددد (سمعت عنه حديثا)فيه محل يقولون برضه بالعثيم مول يبيع ساعات تقليد ماركات باسعار حلو اقل من الف..لو عرفت اسمه بقولك علييييييييييييييه اكيد..
----
ريح النفل..ياحبيلك وش اخبارك واخبار نفل سلامتها والله؟؟ الكحه انا بنتي كذا ماتروح مره مره بس شوفي لاتحطين فكس على سرها موب زين..باطن القدمين وشراب ممكن وزيت زيتون للصدر يطلع البرد برضه كويس انا جربته..بس بشرط بدون مكيف تنامين ذاك اليوم بدون مكيف؟؟
ترا لو جاها برد يصير رد عكسي للي تبين تمرض الله يستر..

وبالنسبه لموضوع الاسواق مو كله انو انا اروح والف والفبس مرات اسمع من اهلي من صديقاتي واجي اقولكم علطول اول باول..ومرات اروح ايه بس بصراحه انا مو مثلك ولااااااااااامره من يوم تزوجت رحت سوق ولفيته كل مره اروح 3-4 محلات بالكثير اذا مع زوجي واطلع..يعني اسمع ان فيه بضاعه حلوة بمانجو مثلا اروح له وادخل اتفرج ممكن اشتري وممكن اذا طلعت منه ادخل محل او محلين جنبه وبسسسسسسسسسس
مالي امل اكثر من كذا الا لو مع امي او وحده من خالاتي يعني مع السواق ولا زوجي الله يهديه زي طريقة خلود كذا ماينزل للمحل يجلس بالسيارة علشان مااخذ راحتي واحس ان فيه شي وراي تلقيني بسرعه بسرعه اخلص ومرات يعجبني شي بس مايمديني لانه يدق علي بالجوال يقلقني الله يهديه تلقيني ارجع للمحل مع امي او خالتي بالسواق اذا قدرت واشتريه او يروح علي خلاص :( بس ممشيه حالي وش اسوي..

---
حنيــــــــــــــــــــــن قطر..ههههههه يقطع سوالفك حتى انتي بيضاء؟؟ والله بيض الله وجهك ومشكورة بس
نوووووووووو غلط مم انا موب قصيرة وموب بيضاء..
--
الحنين2007 انصحك لاتنزلينهم بالمنتدى سوي لك توقيع باعمارهم ممكن بس الصور لاتنزلينها لان كل مين يقدر يشوفها خليها عالمسنجر وريها للي تحبين انها تشوفهم وهذي نصيحه اخويه وانتي حرره بقراراتك..
طيب على فكرة ذاك اليوم قلتي اوزان بناتك بصراحه وحده منهم قليل وزنها اللي 5 كيلو؟؟خمس شهور ونص وزنها خمسه كيلو؟؟ماقالك الدكتور عطيهم حليب مدعم ولا غذاء معين؟؟نحيفه مره يوم تولدينها كم وزنها اجل؟؟

وحاجه اخيره((اتوقع)) انتي اصغر وحده بالملف لو عمرك 21 جد مو تمزحين..
انا عمري 23 سنه..وماراح اقول عمر غيري كل وحده تقول عن نفسها اللي تحب طبعا..
---

اماني وش صار سالتي احد عن العنزروت والمثل ولا لا؟؟؟؟؟؟؟؟ تراني متحمسه لايكون نسيتي بسسس

ام نفل وينك مابينتي اخبار نفوله انا والله اكتشفت ان بنتي باديتها الصخونه تصيح وخشمها مسدود يالله تتنفس وماتقوى ترضع ياعمري
انوار ابشرك شريت ساعه الماس بني جلدها زي جلد الحيه بني وبيج روووووووعه ماركه بالمان
اخذتها من البدران اللي بطيبه ومعها جلد بني ساده وجلد اسود
رحت الدهام نصابين اسعارهم خياليه غالين مره مسوين سمعه عالفاضي!!!!!!
وعلى قولتك معي زوجي المصون لا ويدور ببنتي بالعربيه والله احسه يدور على راسي معصب وده يمسكني ويجلدني وانا كل شوي انحاش عنهم وادخل في محل ساعات بدون مايشوفني ابي اضيعه عشان يضيع وقته وهو يدورني وبسم الله من يوم ادخل يدق علي وينك اي محل طبعا هو مايدخل المحل يوقف برى وكل ماالتفت اشوفه اتخرع اخاف لان ملامح وجهه معصب ياربي مدري شسوي معه في هالنقطه ملول ومايطيق الاسواق
المشكله اهلي مو بالرياض عشان اروح مع احد منهم .........
بالنسبه للاعمار انا عمري 26 توي امشي فيها..... الله يمتع بنا بالعافيه على طاعه الرحمن.....