أختي أنوار :ترى طول فترة الويكند وأنا كل ماشوف حرمة كبيرة أو حتى صغيرة أسئلها عن العنزروات وكلهم أكدوا لي فائدتة الجمة وقالوا أنهم يعطوة للطفل أول ماينولد .وزي ماقالت أختنا خلود عن فوائدة بس غريبة بصراحة جدتك !!!
وفية وحدة قالت لي عن طفلة عمرها أربع سنوات من كثر أمها ماهي معودتها على العنزروات يوم شافت بنت عمتها(رضيعة) بس تبكي قالت لها عمه عطيها (عنذروت) شوفتي حتى الأطفال يعرفوة ويعرفون فوئدة.

بنات ودي أكتب لكم عن مشايوري من يوم الثلاثاء لأن كل مشوار له فائدة .بكتب لكم الحين العناوين فقط أخاف تصحى منوة وبعدين التفاصيل.
يوم الثلاثاء رحت زرات أم صديقتي في مستشفى مدينة الملك فهد الطبية عندها جلطة الله يعافيها ويعافينا يارب .وبكتب لكم عن أستفادتي من هذة الزيارة فيما بعد.
يوم الأربعاء رحت لسوق أدور أي أبحث عن فستان لية لزواج بنت أخوي في شهر خمسة وتحطمت أنا وأختي مالقينا شي وقلت لأختي أنا ماينخاف علي شلتي العزيزة بيدبروني ويسنعوني وتشوفيني وشلون بيخلوني أكشخ وحدة .يالله عاد همتكم .شموخ أدور لي في البحرين وحنين في قطر وأم نفل في الأمارت وبقية الشلة في الرياض .

وبكمل بقية المشاوير يوم الاربعاء برضةمريت مركز العناية بالظهر .أوف غالي مرة لقيت كراسي الكمبيوتر ب اربعة الأف ريال .ولقيت شي ممكن تركبينة على الكرسي وكرسي السيارة ب 700 ريال .ولقيت أشياء للطفل .

يوم الخميس تغديت في صحارى .ولقيت مذركير مسوي تخفيض خمسين بالمية وبنت عمي تقول الأسبوع الجاي تصير التخفيضات خمسة وسبعين بالمية .وأنا كنت اخذت منهم أشياء الاسبوع اللي فية التخفيضات 25 بالمية ولقيت نفس الأشياء اللي أخذتها سعرها صار النص .وشريت منهم مريلات اللي قالت عنهم أنوار وقلت للبياعين قولوا لشركة يطلعون لون ثاني غير الأبيض الأبيض بسرعة يتوسخ وصاروا يضحكون .

بنات فية سوق بالحمراء مؤقتا بيسكر يوم الجمعة وينتقل لمكان أخر .فية أشياء حلوة كثير أشياء خفيفة .ألحقوا علية .وتضيفوا عندي حياكم الله.

أمهات الدكتور نبهني على حاجة بالنسبة للبنات قال لاتتحطيها في حضنك بوضعية الجلوس .لأانهم أكتشفوا أن أغلب العقم عند النساء بسبب أن أمهاتهم يجلسونهم في أحضانهم قبل مايجلس الطفل من نفسة . أتمنى تكونوا فهمتوا قصدي.