شلون أخلي عيالي يحبون بعض ؟

السلام عليكم ورحمة الله وبركاته
شلونكم ياأحلى اعضاء
حبيت أطرح لكم مشكلتي مع عيالي وكلي أمل اني ألقى عندكم الحل
أنا عندي 5 عيال الأربعه جبتهم ورى بعض مابينهم ألا سنه وسنه ونص جبت بنتين بعدين ولدين والأخيره بنت
طولت قعدت سبع سنين وجبتها
عاد بناتي الكبار والأولاد مايطيقون بعض دايم هواش وخناق ماأحسهم يحبون بعض مثل البنات المفروض
يكونون على قلب واحد ودايم مع بعض أنا بناتي العكس كل وحده تكره الثانيه ولو داست وحده على طرف الثانيه
سوت الهوايل وأذا قلت لوحده فيهم ليش تسوين كذا بأختك تقول اي أنتي ماتحبيني وتكرهيني وتوقفين معاها ضدي والعكس مع الثانيه تخيلو صرت أتركهم يتخانقون ولا قمت أتكلم بس قلبي يحترق شسوي معاهم
ماعمري شفتهم يسولفون مع بعض ويتكلمون عادي دايم يتخانقون وكل وحده تتطنز على الثانيه أنا أشوف عيال حماي ماشاء الله عليهم دايم مع بعض وعلى قلب واحد وكل وحده ماترضى على أختها لو أحد قلط عليها تدافع عنها انا بناتي لاء لو أحد قلط على أختها توقف معاه ضد أختها عمركم شفتو خوات كذا والله أحترت شسوي معاهم حتى صرت أخاف أمدح أحد فيهم ولا أسولف معاه تغار الثانيه
شورو على ياحبايبي شلون أتصرف معاهم كرهوني عيشتي ماغير خناق وهواش
سامحوني طولت عليكم
اي نسيت أقولكم أعمارهم وحده 13 والثانيه 12