السلام عليكم
شلونكم خواتي ؟
عندي مشكلة ياريت من اصحاب الخبرة والتجربة يفيدوني
عندي ولد الله يحفظه عمره سنة ونص ... من اول ماجبته عودته ينام بسريره وعمره مانام بسريرنا وكنت مرتاحة الحمدلله .. ويوم كان عمر ولدي 8 شهور حملت مره ثانية .. وفي شهور حملي الاخيره كنت اتعب وانا اشيل ولدي احطه بسريره يوم يقوم بالليل فكنت اضطر اخليه جنبي وزوجي يكون نايم لانه الوقت متأخر... المهم في نفاسي في بيت هلي كان ينام جنبي بالسرير لانه يغار من البيبي الجديد وهو نايم في سريره الخاص جنبي ...
وبالمختصر ولدي تعود ينام جنبي .... ااااااااااااه ... ادري اني الغلطانه بس الظروف اجبرتني ... والحين بعد ماخلصت الاربعين ورجعت بيتي مايحب ينام بسريره كل مااحطه بسريره بعد ساعة يقوم يصيح يبي ينام جنبي .. والمشكلة اني اشتغل يعني مااقدر كل اشوي ارجعه سريره لانه بيقوم من نومه بس اذا في سريرنا نايم ماشاءالله عليه ينام لي الصبح ... وزوجي مايساعدني يقول حرام صغير خليه عندنا هالفترة وخاصة هو غيران مووووت من البيبي بس البيبي في سريره الخاص وهو عندنا والله انه مجنني ...
يارييييييييييييت تعلموني على طريقة اخليه يتعود فيها على سريره ومايقوم كل شوي من النوم يطلب انه ينام جنبي .... والله انه النوم وحشني من كثر مااقوم بالليل على صياحه وصياح البيبي
لحظة وفا @lhth_ofa
محررة
يلزم عليك تسجيل الدخول أولًا لكتابة تعليق.
انا اقول حبيبتي خليه نايم عندك
واذا غطس في النوم وديه لسريره
وحطي جنبه مخده وورا ظهره كمان
صدقيني هذي الطريقه مجربه
لانه وهو نايم بيحسب انه انتي جنبه
واذا غطس في النوم وديه لسريره
وحطي جنبه مخده وورا ظهره كمان
صدقيني هذي الطريقه مجربه
لانه وهو نايم بيحسب انه انتي جنبه
جميرا266
•
أنا ولدي طلع روحي في فترة النفاس كل مااحطه في سريره يقوم ويصيح ماكنت اقدر أرقد
و للأسف تعود ينام بسريري بس تصدقين كان أريح لي الحين عمره سنتين ونص.
و للأسف تعود ينام بسريري بس تصدقين كان أريح لي الحين عمره سنتين ونص.
الصفحة الأخيرة
-غيري مفرش سريره بالوان زاهيه يحبها وتشوفيه مبسوط فيها
-قربي سريره من سريرك كم يوم حتى يتعود
-لا تشيلي الصغير ولا تنوميه بحضنك وهو يشوفك والافضل تخلي الصغير يتعود يكون دايما بسريره مايتعود ينام بحضنك
هذا اللي عندي واتمنى البنات يفيدونك اكثر